ياشاسين آذربايجان - Long live Azerbaijan

.

نه تورکيه، نه ده موسکو ايله امکداشليق ائدن ديگر قرب اؤلکه لري اؤز سيياستيني دييشميه جک. ” بورادا ياخينلاشما يوخدو. عادي ايقتيصادي علاقه لر وار. بو، سووئت دؤورونده ده اولوب. باشقا دؤورلرده ده. اونا گؤره ده بوردا باشقا شئي آختارماغا ديمز ” ” جنوب آخيني ” ، يوخسا نابوککو؟ ” روسيه نين اساس مقصدي اوندان عيبارت ايدي کي، تورکيه جنوب آخينيني قبول ائتسين. نابوککو-دان ايمتيناع ائتسين. تورکيه ده چوخ عاغيللي آدديم آتدي. تورکيه دئدي کي، نابوککو

وفا قولوزاده: ” اورتادا يالنيز ايقتيصادي و پول ماراقلاري وار ”

-ايندي باهاليقدي، روس توريستلري اروپايا گئتمک ايسته ميرلر. بونا گؤره ده اونلارين تورکيه يه آخيني ايکيقات آرتيب…

روسيه نين باش نازيري ولاديمير پوتينين تورکيه يه رسمي سفري و سفر چرچيوه سينده طرفلر آراسيندا ايمضالانان سندلر اطرافينداکي موزاکيره لر سنگيمير. قئيد ائدک کي، باش نازير رجب تايييب اردوغانين روسيه لي همکاري ايله ايله ” جنوب آخين-۲ ” لاييهه سي اوزره آنلاشما مئموراندومونو ايمضالاماسي پوتينين سفري ايله باغلي اساس موزاکيره لري بو ايستيقامته يؤنلديب.

تورکيه هؤکومتي نين باشچيسي نين بو آدديمي اکثر وئرسييالاردا آکپ هؤکومتي نين نابوککو لاييهه سي نين طالعييني شوبهه آلتيندا قويماسي کيمي ديرلنديريلير. باخماياراق کي، نابوککو لاييهه سي نين رئاللاشماسي ايله باغلي طرفداش اؤلکه لر و کونسورسيوم ايشتيراکچيلاري طرفيندن يئکون سازيش ده ائله بو ياخينلاردا آنکارادا ايمضالانميشدي، بعضي ائکسپئرتلر آکپ هؤکومتي نين نابوککو ايله باغلي اولجه دن ده موعين شرطلر ايره لي سوردويونو و بونا مانع اولماق اوچون بهانه لرله چيخيش ائتديگيني خاطيرلاداراق اردوغانين پوتينين تکليفي ايله راضيلاشماسيني تکجه نابوککو اوچون دئييل، هم ده آذربايجانين قاز بازارينا ياراديلان مانعه کيمي ديرلنديريرلر.

حتّی بعضي وئرسييالاردا بو، آذربايجانين تورکيه يه اؤز قازيني دونيا قييمتلري ايله ساتماق ايستگينه وئريلن جاواب رئاکسيياسي کيمي ده قييمتلنديريلير. باخماياراق کي، رسمي آنکارا روسيه -تورکيه ياخينلاشماسي نين آذربايجانا دا سياسي باخيمدان صرفه لي اولاجاغيني بيلديريب. حتّی داوودوغلو بو ياخينلاشمادان آذربايجانين اؤز سياسي پروبلئمي نين هللي مقصدي ايله ايستيفاده ائتمه سي نين مومکونلوگونو ده ايستيثنا ائتمه ييب. خزر آراشديرمالار فوندونون پرئزيدئنتي، پوليتولوق وفا قولوزاده ايسه ايره لي سورولن وئرسييالارين هئچ بيري ايله راضيلاشمير. پوليتولوق روسيه -تورکيه موناسيبتلرينده بوندان سونرا دييشيکليکلر باش وئرمه سيني ده گؤزلمير.

روسيه -تورکيه آنلاشماسي، يوخسا اردوغان-پوتين سياسي آلوئري؟

قئيد ائدک کي، پوتينين تورکيه يه سفري و اورادا طرفلر آراسيندا آپاريلان موزاکيره لردن سونرا موسکوا و آنکارا آراسيندا سياسي موناسيبتلرده ياخينلاشمانين باش وئرديگينه داير وئرسييالار سسلنسه ده، وفا قولوزاده بونو تصديقلمير. ” روسيه و تورکيه نين سياسي ياخينلاشماسي يوخدو ” - دئين پوليتولوقون سؤزلرينه گؤره، بو باره ده سادجه بير ايميج گؤرونتوسو ياراديلدي کي، بو دا هر ايکي اؤلکه اوچون صرفه ليدي. ” مثلن، روسيه دئيير کي، تورکيه ايله ياخينلاشيرام. بونونلا اؤز خالقيني و بير چوخ اؤلکه لري امين ائتمک ايسته يير کي، روسيه بؤهراندان چيخاجاق. چونکي بين الخالق المده ايقتيصادي آرتيملار، ايقتيصادي علاقه لر گوجله نير. تورکيه يه ده بو، اولدوقجا فايداليدير. بيرينجيسي، تورکيه ده روسيه دان فايدالانير. تورکيه-روسيه علاقه لري تورکيه نين روسيه دا بيزنئسي نين آرتماسيدي. يني تورکيه نين ياخشي پول قازانماسيدي ” - دئين پوليتولوق حساب ائدير کي، اينديکي شرايتده بئله بير امکداشليق هر ايکي طرف اوچون صرفه لي اولسا دا، پرينسيپيال مثله لرله باغلي تورکيه و روسيه آراسيندا هئچ بير راضيليغا گله بيلمه ديلر.

تورکيه نين ناتو اؤلکه سي اولدوغونو و بوندان سونرا دا اؤز سيياستيني داعوام ائتديره جگيني دئين پوليتولوق آنکارا-موسکو علاقه لري نين ياخينلاشماسي نين قرب طرفيندن هر هانسي نارازيليقلا قارشيلانماسيني دا گؤزلمير. اونون سؤزلرينه گؤره، ايندي بوتون اؤلکه لر روسيه ايله امکداشليق ائديرلر و بو سيرادا تورکيه ده وار. بو امکداشليق موناسيبتلري نين داها چوخ ايقتيصادي موستويده باش وئرديگيني قئيد ائدن وفا قولوزاده حساب ائدير کي، نه تورکيه، نه ده موسکو ايله امکداشليق ائدن ديگر قرب اؤلکه لري اؤز سيياستيني دييشميه جک. ” بورادا ياخينلاشما يوخدو. عادي ايقتيصادي علاقه لر وار. بو، سووئت دؤورونده ده اولوب. باشقا دؤورلرده ده. اونا گؤره ده بوردا باشقا شئي آختارماغا ديمز ”

” جنوب آخيني ” ، يوخسا نابوککو؟

” روسيه نين اساس مقصدي اوندان عيبارت ايدي کي، تورکيه جنوب آخينيني قبول ائتسين. نابوککو-دان ايمتيناع ائتسين. تورکيه ده چوخ عاغيللي آدديم آتدي. تورکيه دئدي کي، نابوککو-دان ايمتيناع ائتميه جک. آما ” جنوب آخيني ” دا پارالئل اولا بيلر ” دئين قولوزاده روسيه و تورکيه آراسيندا ” جنوب آخيني-۲ ” لاييهه سي اوزره آنلاشما سنه دي نين ايمضالانماسي نين نابوککو-يا ضربه اولاجاغي باره ده فيکيرلري قبول ائتمير. اونون سؤزلرينه گؤره، اينديکي شرايتده ” جنوب آخيني ” لاييهه سي نين رئاللاشماسي سوال آلتيندا اولان مسئله دير.

نابوککو-نو رئال لاييهه آدلانديران پوليتولوق دئيير کي، تورکيه اؤزو ده بوتون گوجونو نابوککو لاييهه سي نين رئاللاشماسينا يؤنلديب. ” تورکيه اؤزو ده چاليشير کي، بو لاييهه رئاللاشسين. آرتيق ايشتيراکچيلار وار، يئکون سازيش ايمضالانيب. ۲۰۱۳-جو ايلده نابوککو ايشه دوشه جک. آما ” جنوب آخيني ” ني کيم ماليييلشديره جک، بو معلوم دئييل. بير بئرلوسکوني اولماقلا دئييل کي. ايتالييانين بونا تک گوجو چاتماز. اونا گؤره ده روسيه نين ” جنوب آخيني ” ايدئياسي هله ليک کي، مئموراندوم و ياخود دا نيتلر پروتوکولو سويييه سينده دير. عاقيبتي ده معلوم دئييل ” - دئين پوليتولوق نابوککو لاييهه سي نين آرتيق رئال بير لاييهه اولدوغونو بيلديريب.

آنکارا-موسکو دوستلوغوندان باکي-يا پاي دوشه جکمي؟

قئيد ائدک کي، تورکيه-روسيه علاقه لري نين گئنيشلنمه سي نين آذربايجان-تورکيه و آذربايجان-روسيه موناسيبتلرينه نه کيمي تاثيرلري اولاجاغينا داير فرقلي وئرسييالار گوندمده دير. روسيه نين آذربايجان ايستيثنا اولماقلا ديگر خزرياني اؤلکه لرين قاز احتياطلاريني اله کئچيرديگيني بيلديرن بعضي ائکسپئرتلر حساب ائدير کي، موسکوانين هم اؤز احتياطلاري نين، هم ده خزر رئگيونو هؤوزه سينه داخيل اولان ديگر اؤلکه لرين ائنئرژي احتياطلاري نين بير حيصه سيني تورکيه نين جئيهان ليمانينا چيخارتماق ايستگي ائله باکييا قارشي يؤنلميش تزييق ساييلا بيلر. روسيه بونونلا تورکيه بازاريندا آذربايجانلا رقابت ياراتماغا چاليشير. ان ماراقليسي ايسه بو رقابتدن آذربايجان قازيني باکيدان اوجوز آليب اروپايا باها قييمته ساتماغا چاليشان آکپ هؤکومتي نين ده يارارلانماغا چاليشماق ايستگيني آچيق شکيلده اورتايا قويماسيدير.

يني باشقا سؤزله دئسک، روسيه آذربايجان قازي نين اؤزونه يئر توتماغا چاليشديغي بازارا گيرمکله آذربايجانا رقيب اولماقلا، تورکيه طرفي ايسه بازارا داها بير ايخراجاتچي اؤلکه داخيل ائتمکله آذربايجاندان قازي اوجوز قييمته آلماق نيتيندن گئري چکيلمک فيکرينده اولماديغينا داير مئساژ وئرميش اولدو. بو باخيمدان دا تورکيه نين خين باشچيسي نين روسيه -تورکيه موناسيبتلرينده کي ياخينلاشمانين آذربايجانا دا سياسي باخيمدان الوئريشلي اولاجاغينا داير وئرديگي آچيقلاما بيرمنالي قارشيلانمير. وفا قولوزاده ايسه دئيير کي، مثله نين بو شکيلده قويولماسي نه قدر منفي حال اولسا بئله خاريجده آذربايجان حاقيندا هئچ ده بيزيم اوچون خوشاگلمه يه ن ايميج ياراديب.

” آذربايجان حاقيندا سانکي کونفئت ايسته ين گؤزوياشلي اوشاق اوبرازي ياراديليب. کيم ده نه ائتمک ايسته ينده دئيير، ياخشي، سنه ده کؤمک ائده جگيک. اول بونو آبش و ديگر قرب اؤلکه لري ائديردي. ايندي تورکيه ده ائتمه يه باشلاييب. هامي دئيير، ياخشي اولاجاق. نه ياخشي اولاجاق؟ نه واخت ياخشي اولاجاق؟ بيرينجيسي، تورکيه و روسيه نده ياخينلاشدي؟ روسيه اؤز ايمپئرييا سيياستيندن ال چکير؟ يا دا روسيه آنتيناتو سيياستيندن ال چکدي. من چوخ خواهيش ائديرم کي، بوتون دؤولت رسميلري بير آچيقلاما وئرنده اونون اساسيني دا دئسين. ايکي اؤلکه آراسينداکي ايقتيصادي امکداشليق سياسي باخيمدان آذربايجان اوچون ياخشي اولاجاقسا، دئسينلر گؤرک نيين اساسيندا ” - دئين پوليتولوق روسيه و تورکيه ايقتيصادي علاقه لري نين ائرمنيستان -تورکيه موناسيبتلرينه تاثير ائتمه دن ده اينکيشاف ائتمه سيني مومکون سايير.

” مثله اوندان عيبارتدير کي، روسيه -تورکيه ايقتيصادي علاقه لري ائرمنيستانلا سرحدلر آچيلمادان دا اينکيشاف ائده بيلر. اونا گؤره کي، روسيه تورکيه يه هئچ بير شئي وئرمير کي، تورکيه سرحدلري آچسين. ايندي باهاليقدي، روس توريستلري اروپايا گئتمک ايستميرلر. اونا گؤره روس توريستلري نين تورکيه يه آخيني ايکيقات آرتيب. يني روسيه تورکيه اوچون هئچ نه ائتمه ييب. تورک ماللاري اروپا ماللاريندان اوجوز اولدوغوندان روسيه مجبوردو کي، تورک ماللاريني آلسين. تيکينتي مثله لريدير. بو مثله ده ده روسيه اوچون تورکيه الوئريشليدي. روسيه تورکيه يه هئچ نه ائتمير کي، عوضينده تورکيه سرحدلري آچسين. آمئريکا نسه ائده بيلر. مثلن، دئيه بيلر سرحدلري آچين، عوضينده سيزي اروپا ايتتيفاقينا قبول ائتديريم. بو دا او قدر اينانديريجي گؤرونمور ” . بو باخيمدان دا وفا قولوزاده روسيه نين آذربايجانا موناسيبتي، ائلجه ده دق پروبلئمي نين هللينه ياناشماسي ايله باغلي ماهيتي نين اولدوغو کيمي قالاجاغيني دئيير.serq

• وفا قولوزاده: «روسيه هله ده قاراباغ موناقيشه سي نين هللينه يول وئرمک ايسته مير»
• وفا قولوزاده: «بوتون لاچين دهليز کيمي ائرمنيلره وئريلير»
• وفا قولوزاده: “آذربايجان روسيه ايله ديپلوماتيک علاقه لري کس سه ايدي، ياخشي اولاردي”

http://www.baybak.com بای بک سایتیندان پرینت اولوب
http://baybak.com/say_946.azr یازینین اینترنت آدرسی