ايرانچيليق و ايرانين سياسي داورانيشلارينا اؤتري بير باخيش

ايرانچيليق و ايرانين سياسي داورانيشلارينا اؤتري بير باخيش - ه.ر.ش

باي بک آذربايجان | اُرتاگؤن, ۱۱-ي قوراپيشيرن , ۱۱۰۰۹ اینجی ایل, چولا ۲۱:۱۷ [آ.خ] | ساولار

اؤزوموزو آلداتماياق، ان دئموکرات و ان گئنيش دونيا گؤروشلو بير ايرانچي ، آنتيرتورکلوک و آنتيازرباجانليق هيسسلري و فيکيرلري ايله دولودور. ايران جوغرافيياسي زنگين بير جوغرافييادير و ايرانچيلار بوتون فرقلي فيکيرلرينه رغمن بو جوغرافيياني الدن وئرمک ايستميرلر. هاميسي ايراني بير فوتبول ساهه سينه بنزه ديرلر کي، اورادا ايکي کلوب اولاراق بير-بيرلري ايله ياريشيرلار. آما هر زامان وورغولاييرلار کي، بير-بيريميزله نه قدر گرگين وضعيتده و داعوا-دالاشلي ياريشيرساق دا ، بيري اودوزوب ديگر ايسه اودسا دا ، فوتبول ساهه سي نين اؤزونو اودوزماماليييق.

(باي بک اؤچون لاتيندن کؤچورولوبدور)

آذربايجانا ياخين جوغرافيا و بؤلگه ده بعضيلري اؤز خياليندا اوز توتوب باشقالارينا بئله بويورور:

” بيزيم کؤکوموز بير ميلت اولاراق تاريخين درينليکلرينده دير. چوخ اسکي ” قديمي ” و اوزون بير تاريخي کئچميشيميز واردير. بيز تاريخين گونشي دوغولمادان اؤنجه دوغولدوق. اصيل و شريف بير سويدان، تميز و آرينميش بير قاندان گلميشيک . سيز ايسه ياخين بير تاريخي کئچميشده ، يوز ايللر اؤنجه اورتايا چيخميش سويسوز بير خالقسينيز. بيز تاريخ بويو چوخ زنگين، گؤزل و اينسانليق اوچون يارارلي مدنيتلر ياراتميشيق. سيز بونلارين هاميسيني ييخيب داغيتدينيز. اينسانليغين گؤزونو قاماشديران مدنيت آبيده لري تيکديک. سيز بوتون بونلاري سؤکدوز، اود ووروب يانديردينيز. يئرلشميش شهر مدنيتيميز و زنگين معنوي وارليغيميز هاميني هئيران ائتدي. سيز ايسه چؤللرده ياشايان کولتورسوز و وحشي خالقدينيز.

وحشيليگينيز ايله چؤللردن بيزه دوغرو آخين ائتدينيز، هوجوم چکدينيز. اؤلکه ميزي ايشغال ائتدينيز ، آما بيزه قاليب گله بيلمه دينيز. اصيل سويوموز و قانيميز بيزي قورودو. دامارلاريميزدا آخان بو مؤعجيزه وي آتا قاني ، هر زامان اولدوغو کيمي ، بيزي تهلوکه لردن و محو اولماقدان قورتاردي. سيزي زنگين کولتوروموزون ايچينده اريتديک. چوخ دوغرو ، بيز گوجلوگوک. گوجوموز اصيلليگيميزده و شريفليگيميزده دير. سيزين ضعیفليگينيز ايسه اصالتسيزليگينيزده دير. بو بؤلگه نين ان ايستعدادلي و ان ياراديجي خالقي بيزيک. اونا گؤره ده بيزه وورولماماق و عاشيق اولماماق چوخ چتيندير. بيزه خيدمت ائتمه مک قوصور ، قوللوق ائتمه مک ايسه گوناهدير. بيز آغاييق سيز نؤکر… ”

بو دوشونجه يه گؤره ، بو افسانوي ميلتين باجاريغيندان و اردميندن نه قدر سؤيله نيلسه ده آزدير. بو دوشونجه نين صاحيبي چوخ اوزاقلاردا دئييل. ايرانداکي ايرانچيلاردير ” فارس ميللييتچيلردير ” . اؤز خيالينداکي سؤزلريني و دوشونجه لريني ايسه ايراندا و اورتا شرقده کي تورکلر و عربلره بويورور. اونلارجا بو افسانوي ميلت ، ايران ميلتيدير. ايران ميلتي ايسه فارس ميلتي دئمکدير.

بو دوشونجه لر يييه لري طرفيندن ديله گتيريلمه سه ده آرخايينليقلا اينانيلير و بو اينانج اونلارين بئيني نين و روحونون هر قاتيندا تاخت قوروب اَيلشيبدير. اونلار اؤزلريني دونيانين ان اصيل ، سويلو و افسانوي ميلتي کيمي تانيييرلار.

سيزجه بو دوشونجه يه نه آد وئرمک اولار؟ اؤزونو اؤيمک؟ اؤزونو بينمک؟ اؤزونه وورولماق و عاشيق اولماق ” نارسيزيم ” ؟ يوخسا پسيخولوژيک بير آليزليق ” خسته ليک ” ؟ منجه بو دوشونجه يه بئله بير آد وئرمک داها ياخشيدير : ( نارسيزم آليزليغي ) و يا باشقا بير دئييمله، ( اؤزونه عاشيق اولماق خسته ليگي). آما کئشکه بو دوشونجه لرين يييه لري اؤزلرينه عاشيق اولماق خسته ليگي ايله کيفايتلنسيديلر. کئشکه بو دوشونجه يالنيز بير فيکير کيمي اوتوردوغو يئرده اوتورسايدي. سؤز بوراسيندادير کي، بو نارسيست آليزلارين ” اؤزونه عاشيق خسته لرين ” آيري بير خسته ليگي ده باشقالاريني اؤزلرينه عاشيق ائتمک ايستگيدير. داهاسي ، بو دوشونجه هم ده بير آلت اولاراق يييه لري طرفيندن باشقالارينا آغاليق ائتمک حدفي ايله ايستيفاده ائديلير. يني نارسيست آليزلار اؤز خياللاريندا ، اوز توتوب اؤزلرينه بئله بويورورلار:

” مدنيتي نين زنگينليگيندن ، گؤزلليگيندن و چکيجيليگيندن يارارلانيب هامييا اؤزونو سئودير. هاميني اؤزونه عاشيق ائله. قوي عشقين هاميني ديزه چؤکدورسون. قوي سنه او قدر عاشيق اولسونلار کي، عؤمور بويو قوللوغوندا قالسينلار. ساقين، بيريلري تاپيلار عاشيقلريني سندن سويودار. او آدامي عاشيقلريندن اوزاق توت. سنه باش قالديران عاشيقلريني ده گرکلي گؤرورسنسه ، اليندن گليرسه زورلا يئرينده اوتورت ” .

ايران دؤولتي نين خاريجي سيياستينده کي پسيکولوژييانين سيرري بو جومله لرده گيزليدير. آما اونوتماياق کي، بو خاريجي سيياست ايرانداکي داخيلي سيياستين اوزانتيسي و داعواميدير.

ايران دؤولتي بو داخيلي و خاريجي سياسي حدفيني حياتا کئچيره بيلمک اوچون چئشيدلي تاکتيکالاردان ايستيفاده ائده بيلر. آما هر نه اولورسا اولسون، حدف او پسيخولوژيياني سياسي ساهه ده حياتا کئچيرديب ياشاتماق و قاليجي ائتمکدير.بای بک

ايندي گلک ايرانچيليغين ” فارس ميللييتچيليگي نين ” دوشونجه سينده کي آنتيتورکلوک و آنتيربلييه. بو آنتيتورک و آنتيربليگين هم تاريخي سببلري هم ده ايلهام آلديغي بير کيتاب واردير. ايره لي سوردويوم مثله سيزي حئيرتلنديرمه سين، آما اينانين کي، سببلري، ايران آدي وئريلن جوغرافييادا سونرادان فارسلاشميش ” فقط ديل باخيميندان، يوخسا فارس سويو دئيه بير شئي يوخدور ” . خالق و خالقلارين، هم تورکلر، هم ده عربلر طرفيندن تاريخ بويو مغلوب اولماقلاريندادير. بو مغلوبيت عئيني زاماندا هم ده کولتور مغلوبيتيدير. بو تورک - عرب دوشمنليگي نين ايلهام قايناغي دا فيردووسي نين شاهنامه سيدير. فيردووسي شاهنامه ني يازديغي زامانلاردا ” اونتماياق کي، او زاماندا بيزيم دده قورقودوموز وار ايدي ” آرتيق اوچ يوز ايله ياخين ايدي کي، عربلر ايران آدلانان جوغرافييانين هاميسيني موسلمان ائتميشدير.

چوخ زنگين عرب ديلي و ايسلام مدنيتي بوتون بو جوغرافييانين اينسانينا درين بير ايز بوراخميشدير. فارس ديلي ، زنگين عرب ديلي و ادبياتي نين تاثيري آلتيندا قالميشدير. بو تاثير ياشاديغيميز بو گون ده او قدردير کي، فارس ديليندن عربجه کلمه لري سيليب آتسان ” اؤزلليکله فعللري ” اونون يئرينه فارسجا کلمه تاپماق ايمکانسيزدير. تاپيلسا دا فارس ديلي چوخ گولونج هم ده لال بير ديل اولار و سؤزونو چاتديرا بيلمز. ائله بير گولونج و لال ديلي بو گون ايراندا فا رسلار اؤزلري ده لاغا قويورلار. فيردووسي شاهنامه ده چاليشيب اليندن گلديگي قدر عربجه کلمه ايشلتمه سين. ” البتته تورکجه و تورک منشالي کلمه بو اثرده چوخدور ” .

سيزجه اونون بو اثري زنگين عرب ديلي نين و ادبياتي نين اوستونلوگونه قارشي بير رئاکسييا دئييلمي ؟

شاهنامه نين يازيلديغي زاماندا تورک شاهلاري ” قزنويلر ” ايران جوغرافيياسيندا فارس ديللي ساماني شاهليغينا چوخدان سون قويموشدور. ايراندا تورکلرين حاکيميتي ۱۰۰ ايل قاباغادک بئله ” قاجارلارادک ” سوروردو. بو اثر ايران-توران ” فيردووسي نين دئديگينه گؤره تورکلرين يوردو ” موحاريبه لري ايله دولودور. فيردووسي بو موحاريبه لرين هاميسيندا ايراني قاليب گؤسترير. سيزجه بو اثر هم ده تورک شاهلاري نين حاکيميتينه قارشي بير رئاکسييا ساييلمازمي؟

اصلینده بئله دئمک موکوندور کي: شاهنامه ايران آدي وئريلن جوغرافييادا، ايسلامدان اؤنجه کي فارس اولمايان خالقلارين عربلر و تورکلر طرفيندن مغلوب اولماقلارينا، فارس ديلينده گؤزل بير ادبي و هماسي رئاکسييادير. يوخسا تاريخي باخيمدان هئچ دوغرو جهتلري يوخدور. عاغلي باشيندا اولان فارس بيلگينلري و ائلم آداملاري اؤزلري ده بو اثرين تاريخي باخيمدان دوغرو اولماديغيني دئيير. بو اثر تاريخي باخيمدان يالاننامه و گوپنامه دن باشقا بير شئي دئييل.بای بک

آما بونونلا بئله، بو گون ايرانچيليغين ميللييتچيليک کيتابي شاهنامه دير. هم ده اونلار چاليشير زردوشتچيليگي دينلري و آوئستاني دا ديني کيتابلاري کيمي ايرانداکي موسلمانلارا تقديم ائتسينلر. آما موسلمان خالق بونا بويون اَيميينجه ، چاره سيز قاليب شيچيلييه ساريليرلار و شيچيليگي ايرانليليق روحونا اويغون گؤستريرلر. باخماياراق کي، آرادا بير ده چاليشيرلار چئشيدلي يوروملارلا ايکي-تانريلي زردوشت دينيني ايسلام ديني کيمي تک-تانريلي گؤسترسينلر و بئله ليکله موسلمان خالقين بئينينده و روحوندا ايسلامدان اؤنجه کي ايران دينينه يئر آچسينلار.

آما عوموميتله ايرانچيليغين بير اوزو فارسچيليق او بيري اوزو ايسه شيچيليکدير. اونلار بو ايشلرله آديني چکديگيم خسته ليگي ايراندا ياشايان ميلتلرين هاميسينا ” ايستر کورد، ايستر فارس، ايستر تورک آذربايجانلي و عربلره ” آشيلاماق نيتينده ديرلر و بو اؤزونه عاشيقليک ” اصلینده ايرانا و فارسا عاشيقليک ” خسته ليگيني کوتلويلشديرمک ايسته ييرلر. ايرانداکي سياسي سيستئم ده بو خستلنديرمه پروژئسينه يارديم ائدير. سونراکي حدف بو خسته ليگي قونشو اؤلکه لرده ده يايماقدير. اگر باکيدا و يا آذربايجانين هر هانسي بير شهرينده ايراندان گلن بيريسي سيزه يوخاريدان باخارسا و اؤزونو سيزدن اوستون توتارسا، آرخايين بيلين کي، او آدام بو خسته ليگه ياخالانيب. او آدام حتّی ايراندان گلن بير جنوبي آذربايجانلي دا اولا بيلر.

ايندي سيز مندن سوروشا بيلرسيز کي، ايره لي سوردويون بو مثله لرين ايرانين سياسي داورانيشلارينا نه دخلي واردير؟

آما من دئمک ايسته ييرم کي، اورتايا آتديغيم بو مثله ايرانين هم خاريجي، هم ده داخيلي سيياستي نين فلسفه سي ايله ياخيندان ايلگيليدير.

باخين، بعضي اؤلکه لر و اؤزلليکله آمئريکا ايران رئژيميني ايدئولوژی ايخراجي ايله قينايير. بو ايدئولوژی ندير؟ ايسلامچيليقمي؟ يوخ ، بو اصلینده ايسلامچيليق ايخراجي دئييل، بو ايسلامدان شيچيليک آنلاييشي نين ايخراجيدير. بير آز دا ديقتلي اولساق گؤرريک کي، شيعه ايسلاميندان دا بير نؤو يوروم و آنلاييشين ايخراجيدير. يوخسا تميز و اصيل ايسلام ايخراجي اولسايدي ايرانين قونشولوغونداکي سونني موسلمان عرب اؤلکه لري بو ايشدن ناراحات اولمازدي. اصيل شيعه چيليک ايخراجي اولسايدي دا عراقداکي شيعه عاليملري نين ان آز بير نئچه سي بو ايشدن گيلئيلي و بزن ده ناراحات اولمازديلار. بو ايرانليلاشميش و ايرانچيلاشميش بير شيه آنلاييشي نين ايخراجيدير. ايرانا اؤزل بير دين آنلاييشيدير.

تکرار ائديب دئييرم کي، ايرانچيليق تکجه اؤزونه عاشيق اولماقلا کيفايتلنمير. او چاليشير کي، گؤزونه گؤزل گؤرونن مدنيتي ” هانسي مدنيت؟ ” و ميللي زنگينليگي ايله هاميني اؤزونه عاشيق ائتسين. اونا گؤره ده بو مثلن مدني زنگينليگيني قابارديب هامييا گؤسترير. خاريجي سيياستده بو ايشه ايدئالوژی ايخراجي و رئکلامي دا دئمک اولار. ايرانين چئشيدلي اؤلکه لرده کي مدنيت مرکزلري بو وظيفه ني يئرينه يئتيرمکله اوغراشير.

ايرانچيليق ايرانين ايچريسينده ” ايران چوخ ميلتلي بير اؤلکه دير ” و ايران تورپاغي نين ائشيگينده کي تورکلر و عربلره بو رئکلام و ايخراجلارلا دئمک ايسته يير کي : ” تکرارين تکراري اوچون مني باغيشلايين آما سؤزون گليشي بئله دير ” منيم مدنيتيم و تاريخيم سيزينکيندن چوخ اوستون و زنگيندير. (يعني من آغايام). منه عاشيق اولون (داها دوغروسو قول اولون). بونو دا اونلارا اينانديرماغا چاليشير.

آما ساکين بو ايشي گؤرمه یين. چونکي بو ايشين سونو اسيرليکدير.

سووئت داغيلديقدان سونرا آذربايجان رئسپوبليکاسيني اؤزونه عاشيق ائتمکده ” قول ائتمکده ” اوغورلو اولمايان بو خسته لر ، روسلار ائرمني ايتيني آذربايجانين اوستونه قوشقوردوب جانينا سالاندان سونرا، بو ايت آياق اوستونده دورا بيلسين دئيه ، اونا يئم وئرمکده اللريندن گله ني اسيرگمه ديلر. بو ايته سوموک آتماق سيياستي هله ده داعوام ائدير. بو ايشين اونلار اوچون داها بير خئيري ده واردير.بئله کي ، ائرمني ايتي آذربايجاني قاپيب چاشديرارسا ، آذربايجان دئولتي نين ديقتي ايراندا ياشايان آذربايجانليلاردان دا يايينار. چونکي بير آذربايجانين ” آذربايجان رئسپوبليکاسي نين ” وار اولماسي، ديليني مدنيتيني، معنوي وارليغيني و ديرلريني آياق اوستونده توتماسي و ياشاتماسي و دونيادا بايراغي ايله، اؤز ميللي کيمليگي ايله تمسيل اولونماسي، ايراندا ۳۰ ميليون آذربايجانلي نين غورور قايناغي اولماسي، اؤزو ده ايرانچيلارين قولاغي نين ديبينده، ايرانچيلاري و ايرانداکي سياسي سيستئمي کيفايت قدر سانجيلاديب پارتلادير. بونو بلکه آذربايجان رئسپوبليکاسي نين بير وطنداشي هيسس ائله مز، آما بيزلر چوخ ياخشي هيسس ائديريک. بو سانجيداندير کي، ايرانچيلار مئديالاريندا آذربايجان رئسپوبليکاسيني شيمالي ايران آدلانديريرلار.

سؤز سووئت-ين (شوروی – بای بک) داغيلماغينا گليب چاتميشکن بو يازييا بير آز داها سياسي آغيرليق قازانديرماق ايسته ييرم. ايراندا قاجار شاهليغي اينگيلتره نين گيزلي پلانلاري ايله بيترکن، ۱۰۰۰ ايله ياخين تورک شاهليقلاري نين قولتوغو آلتيندا بسلنن بو ايلان ” ايرانچيليق و يا فارس ميللييتچيليگي ” دؤنوب ايرانداکي غئيري فارس ميلته لرين هاميسيني و اؤزلليکله تورک آذربايجانليلاري چالدي. آما بو چالماق يئني مئتودلارلا ” ميلتلشمه ” گرچکلشدي و ماراقلي بودور کي، بو مئتودلار دا تورکييه ده کي ميلتلشمه پروژئسيندن کوپييالاندي. تورکيه ده غئيري تورک خالقلار اؤزلليکله کوردلر، ديل آغيرليقلي ميلتلشمه پروسئسينده تورکلشرکن، ايراندا غئيري فارس خالقلاري عئيني مئتودلا فارسلاشديرماغا باشلاديلار. تورکيه ده تورک ديل و تاريخ قورومونون بنزري ايراندا فارس ديل و تاريخ قورومو اولدو. پهلوي دؤنمينده کي تاريخ فابريکالاري نين ساختا ايستحصاللاري ايندي چوخلاري اوچون بيلينمکده دير. بو ساختا تاريخي ايستحصاللار افسانوي ايران ميلتيندن بول-بول هماسه لر و داستانلار سؤيله يير. بزن بو سؤز چوخ دوغرودور کي: تاريخي حاکيملر يازديرير.

او زامانلاردا دونيا سياسي-ايدئولوژيک باخيمدان ايکي جبهه يه بؤلونوردو. بير طرفده کوممونيست اؤلکه لري سووئتين اؤندرليگينده، ديگر طرفده ايسه ليبئرالسيت اؤلکه لر آمئريکانين اؤندرليگينده. نؤکر پهلوي هؤکومتي نين آغاسي آرتيق اينگيلتره دئييل، آمئريکا ايدي. ايران نئفتي نين گوجونه گوونن شاه هؤکومتي آغاسي نين دا دستگي ايله ايران ايچريسينده کي موخاليفلري چيرپيردي. بونلار سووئت طرفداري کوممينيستلرله ايسلامچيلار ايدي. ليبئرال-دئموکراسي آدي آلتيندا دا ايرانچيليق و فارسلاشديرما سيياستي دوام ائديردي. او دؤنمده ايرانين خاريجي سيياستده کي وظيفه سي، تورکييه ايله بيرگه اورتا شرق بؤلگه سينه، آمئريکان منافعييني قوروماق آماجي ايله، روسلارين آخين ائتمه سيني اؤنله مک ايدي. بوندان باشقا ايرانين بين الخالق سيياستده هئچ بير اؤنه مي يوخ ايدي. داها دوغروسو هئچ بير موستقيل خاريجي سيياست آپارا بيلميردي. چونکي بو ايشي گؤره بيلمک اوچون، ان آزي آمئريکا و سووئت قدر گوجلو اولمالي ايدي کي، بو گوجه ۱۰۰ ايللر بوندان سونرا دا قوووشا بيلمه سي ايمکانسيزدير.

بلکه او دؤنمده دونيادا ايکي ايدئولوژینين ” کومونيزم و ليبئراليزم ” اوستون وضعيتده اولدوغونا گؤره ايدي کي، ايرانين ايدئولوژی ايخراجي باخيميندان الي ضعیف ايدي. هم ده هانسي ايدئولوژیني ايخراج ائده جک ايدي؟ ايرانچيليق ايرانين ايچريسينده هله ايمکله مکده ايدي و يئني بسلنمه يه باشلاميشدير. آمئريکانين گؤز ببگي اولان عرب اؤلکه لري، ناتو عوضوو تورکييه، حتّی سووئت بئله ايرانچيليق ايخراجينا کسکين رئاکسييا گؤستره بيلرديلر. آيري ياندان او زامان کوممونيزم و ليبئراليزم قارشيسيندا ايرانچيليق بير تؤهفه ساييلمازدي. گؤرونن ايران ايچريسينده هله يئريمه يه تزه آياق آچان ايرانچيليق، ايران جوغرافيياسيندان ائشيکده ده اوغورسوز اولاردي. ايسلامچيليق ايخراجي دا او زامان کي، پهلوي رئژيمي نين ماراق دايره سينده دئييلدير، هم ده علئيه اينه ايشلردي. ايراندا ايسلامچي موخاليفلرين الي گوجله نيب، ايرانچيليغا و فارس ميللييتچيليگينه ضرر وئره بيلردي. بئله ليکله، پهلوي رئژيمي، ايران ايچريسينده ايمکله مکده اولان ايرانچيليغي بؤيوتمکله و خاريجي سيياستده اورتا شرقده آمئريکان منافعييني روسلاردان قوروماق نؤکرليگي ايله کيفايتلندي.

دئييرلر بؤيوک و گوجلو دؤولتلر ۴۰ و يا ۵۰ ايل سونراکي سيياستلري نين پلانيني اؤنجه دن حاضيرلاييرلار. آمئريکان و سووئت آراسينداکي سياسي گرگينليگين نتيجه لريندن بيري ده آمئريکادا ياشيل قورشاق ” کمر ” تئرمي نين يارانماسي اولدو. يعني آمئريکا آنتيدين اؤزلليگي اولان کومونيزم قارشيسيندا و اونون ايره ليله مه سي نين اؤنونو کسمک اوچون ، ايسلامچي بير ايقتيدار و رئژيملرين ياراتماسيني دوشونوردو. بو پروژئيه ده ياشيل ” ايسلام دينين سيموولو ” قورشاق آدي وئريلدي. تورکييه ده گوجلو اوردو، لايک اولدوغونا گؤره و ايسلامچي رئژيمين يارانماسينا ايمکان وئرمه ديگينه گؤره، بو ايشي اؤز کونترولوندا توتدو. آما ايراندا ايسلامچيليق کؤکلري گوجلو اودلوغونا گؤره و کوتله نين چوخونون روحانيتله ” موللالارلا ” ياخين تماسدا اولدوغونا گؤره ، ايسلامچي بير رئژيمين يارانماسي الوئريشلي ايدي. بو رئژيم دييشيکليگي حياتا کئچدي، چونکي آمئريکاداکي ستراتئگيستلر آرتيق بونون پلانيني حاضيرلاميشديلار. اگر آمئريکا پهلوي رئژيمينه آرخا دورسايدي، او رئژيم سياسي موخاليفلري اورتادان قالديرا بيلردي، آما آمئريکانين ايراندا سياسي رئژيمين دييشيلمگينه و ايسلامچي رئژيمه احتيياجي وار ايدي. آمئريکانين بو بؤلگه ده بئله بير رئژيمه اولان احتيياجي اوزون مودتلي ايدي. نتيجه ده پهلوي شاهي آغلار گؤزلري ايله ايراني ترک ائتدي.

ايسلامي ديرلري ميللييتچيليک ديرلري نين يئرينه قويان تزه رئژيم ميللييتچيلييه کافيرليک دئييردي. ايسلامچي رئژيم هم کومونيزمله، هم ده ليبئراليزم ايله دوشمن ايدي. اونجا حاقيقت فقط ايسلام دينينده اؤزو ده شيه ليکده ايدي. بئله ليکله، ايران ايچريسينده کومونيستلر و باشقا موخاليفلري محو ائدندن سونرا، ايران سوننيلريني شيعه لشديرمه يه، خاريجي سيياستده ايسه شيعه چيليگي يايماغا باشلادي. بو سيياست سونني عرب اؤلکه لرين، لايک تورکييه نين و کومونيست سووئتين خوشونا گلمه يه ن بير سيياست ايدي. فلسطين مسئله سينده پاسسيو قالان عرب اؤلکه لري، ايمکان ياراتدي کي، ايسلامچي ايران رئژيمي فلسطينده پولونون و سيلاهي نين گوجونه اؤزونه بعضي عاشيقلر تاپسين. آما عرب دونياسي نين ۹۰٪-اي دئمک اولار کي، بو عشقي ردد ائتدي. بول نئفت، اونلاري پول و سيلاح باخيميندان ايرانا مؤحتاج ائلميردي.

سووئت داغيلديقدان سونرا ، ايران رئژيمي اونون بوش يئريني دولدورماق نيتي ايله قافقاز و اورتا آسيادا يئني عاشيقلر آردينجا گزسه ده، لازيمي قدر اؤزونه عاشيق تاپا بيلمه ييب. آذربايجاندا رحمتليک هئيدر الييئو بو عشقي بؤيوک تجروبه لرين اونا وئرديگي اوستاليقلا ردد ائتدي. اورتا آسیادا دا هابئله.

آما اينصافلا باخيليرسا، سورييادا ، لبناندا و سون زامانلار عراقدا ايسلامي رئژيم اؤزونه لاييقلي عاشيقلر تاپدي.

ايراندا ايسلامچي رئژيمين يارانماسينا گؤز يومان آمئريکا، بو ايشي حدفسيز ائتمه دي. سووئت داغيلاندان سونرا اونا يئني بير ايدئولوژيک دوشمن لازيم ايدي. ايرانداکي ايسلامچي رئژيم، ۳۰ ايلدير آمئريکايا نيفرت بسله يير. اونلارين ايندي ده ” اؤلوم اولسون آمئريکايا ” شوعاعري خاريجي سيياستلري نين بزگيدير. ايسرايلي ده يئر اوزوندن محو ائديب خريته دن سيلمکله قورخودورلار. آمئريکا اوچون بوندان الا اولا بيلمز ايدي. بو فوندامئنتال شيچي رئژيمي ايله ال-قايده کيمي سونني فوندامئنتال قروپ بير بوتون تشکيل ائدير. داها دوغروسو فوندامئنتال ايسلامچيليق (هم شيعه قولو ، هم ده سني قولو ايله )، آمئريکا اوچون کوموزيمين بوش يئريني دولدوروب. سووئت داغيلمادان اؤنجه، آمئريکا کومونيزم ايله موباريزه آدينا، اورتا شرقده اؤزونه يئر آچيبسا، ايندي ده فوندامئنتال ايسلامچيليقلا موباريزه آدينا اورتا شرق کيمي اؤنملي بير يئري الينده ساخلاماغا داعوام ائدير. فوندامئنتال ايسلامچيليق و اونو دستکله ين سياسي رئژيم و يا قروپلار گؤرون نه قدر آمئريکانين خئيرينه ايشله يير.

آما بو سون زامانلار ايرانداکي ايسلامي رئژيم، اوللرده اودلوغو کيمي، شيچيليک ايخراجينا اينانج مسئله سي کيمي ياناشمير. داها دوغروسو ايدئولوژيدن بير آلت و آراج کيمي سياسي حدفلرينه چاتماق اوچون ايستيفاده ائدير. بير ده اوياندي کي، چوخ سهو ائديب ايرانچيليق و فارسچيليق آلتيندن ايستيفاده ائتمکمکده. بو ايکي دوشونجه نين ايخراجيندان حدفي ، قونشو اؤلکه لره قارشي اوستونلوک ” آغاليق ” الده ائتمک و اونلاري سياسي ساهه ده اؤزونه قول ائتمکدير. ايران ايچريسينده ايسه بو ايکي دوشونجه نين وظيفه سي غئيري فارس خالقلاري و سوننيلري ياتيرديب، اونلاري کونترول آلتينا آلماقدير.

آما ايرانداکي رئژيم نييه بو قدر قونشولارينا ايدئولوژیسيني ايخراج ائتمکده ايصرارليدير؟ بو عاشيق ائتمک ايستگي ندندير؟ بلکه تاريخي مغلوبيتي نين اؤجونو آلماق ايسته يير؟ ايرانچيليق ايران جوغرافيياسي نين ايچريسينده و ائشيگينده تورک دونياسي ايله عرب دونياسي نين آراسيندا سيخيليب قاليب. گؤرونن تورک دونياسي و يا تورانين ، هم ده عرب دونياسي نين ، کولتور و اينسان سرحدلري ايران جوغرافيياسي نين ايچريسينده دير.

بو ايدئولوژی ايخراجي آمئريکانين دا اورتا شرقده کي سياسي منافعيينه ترس دوشور. ايران رئژيمي بو بؤلگه ده ايدئولوژي ايخراجي ايله اؤزو کيمي بير ايسلامچي رئژيملر يارادا بيلسه، ايشين دوزو قاچار. فلسطينده کي و لبنانداکي گرگينليکلر و چکيشمه لر بو پروبلئملري گؤز اؤنونه قويور.

آما گؤرونور ايرانداکي رئژيم ايدئولوژی ايخراجينا مجبوردور. بو ايشي ائتمکدن گئري اوتورسا و دئموکراتيک داورانيشلاري منيمسسه، گئت-گئده بو دئموکراتيک داورانيشلارا ايرانين ايچريسينده ده اوز گتيرمه لي اولاجاقدير. بو يني دئموکراتيکلشمه پروسئسي نين باشلانغيجي. بو پروسئس داعوام ائدرسه و ايرانداکي توتاليتار آتموسفئر دئموکراتيک يوموشالماغا دوغرو گئدرسه ، ايران ايچريسينده کي غئيري فارس ميللييتلر، سياسي گوجدن پاي ايستيه جکلر و اگر سياسي - کولتور هاقلارينا قوووشا بيلسه لر ، بو شيچي و فارسچي رئيمين علئيه اينه ايشله ين بير حرکت اولار. او زامان ايش ترسينه دؤنر، ايرانچيليق و شيچيليگي ايخراج ائتمک ايسته ين رئژيم چوخ سايلي تورک، عرب و سوننيلرين ياشاديغي ايراندا، قونشو اؤلکه لره بو جوغرافييادا اؤزلرينه آياق يئري آچماق اوچون الوئريشلي ايمکانلار يارادار. بونو نظره آلساق کي، تورکديللي و عربديللي اؤلکه لرده فارس ديللي اينسان يوخدور ، ايرانداکي سياسي رئژيم ايرانچيليغي هارا ايخراج ائده جک؟ و يا ايسلام دونياسي نين ۸۰٪-اي سوننيديرسه شيچيليگي هارا ايخراج ائده جکدير؟ آما ايراندا هم تورکچولويه هم ده عربچيلييه و سوننيچيلييه سون درجه الوئريشلي پوتئنسيال واردير. ۳۰ ميليون آذربايجانلي، چوخلو عرب و سونني بو پروژئلري حياتا کئچيرمکده اوغور قازانا بيلرلر. گؤرونن ايرانداکي سياسي سيستئمين، باشقا چاره سي يوخدور. نه ائتسين؟ ايران جوغرافيياسي نين ايچريسينده و قونشولوغوندا، تورکلر و عربلر آراسيندا سيخيليب قاليبدير. چاره ني آتوم بومباسيندا گؤرور کي، اونا دا آمئريکا ايجازه وئرمير.بای بک

اگر آمئريکا عراق کيمي بير اؤلکه اولسايدي و اگر ايران بو قدر تورک و عرب اؤلکه لري نين و ميلتلري نين آراسيندا تک قالماسايدي، آمئريکا ايله باريشماقدا بير پروبلئم قالمازدي. آما آمئريکا عراق دئييل، تورک و عرب اؤلکه لريني و ميلتلريني ده محو ائتمک اولماز. آمئريکا ايران رئژيميندن ايسته ديکلريني ديپلوماتيک ديولوقلارلا دا، موحاريبه ايله ده آلا بيله جک قدر بؤيوک و سوپئر گوجدور. ايسته ديکلري ده اورتادادير:

۱. آتوم بومباسيندان واز کئچ.

۲. ايدئولوژی ايخراج ائتمه، داها دوغروسو فلسطين، لبنان و عراقدا گرگينليک ياراتما.

۳. اؤلکنده ميلتلره دئموکراسي و آزادليق وئر.

بو گونه ده ک ايرانين سياسي سيستئمي بو ايستکلرين هئچ بيريني يئرينه يئتيرميگيب و آمئريکانين قارشيسيندا ديره نيبدير. بو ديره نيشه بعضيلري هئيران قاليب، ايراني گوجلو بيلير و اوندان چکينير. ايراندان چوخ-چوخ گوجلو اولان سووئتين بير زامانلار آدي گلنده هامي نين اورگي قورخودان اوزولردي ، آما سونوندا سووئت ايچريدن چورودو و چؤکدو. ايرانين دا بو ديره نيشي نين سونسوزادک داعوام ائتمه سي مومکون گؤرونمور. اؤزلري ده بونو موطلق باشا دوشوبلر. آما آمئريکا ايله ماسا باشيندا اوتوروب اونون ايسته ديکلرينه بويون اَيميين ده سونو بلليدير. اگر آتوم بومباسيندان واز گئچسه ، ديگر ايکي ايستگي ده يئرينه يئتيرمه لي اولاجاقدير. دئديگيم کيمي تورک و عرب ديللي قونشولار و ميلتلر آراسيندا تک قالماسايدي بو بير پروبلئم ياراتمازدي. آما ايستکلري بير-بير يئرينه يئتيرمک و سونوندا اؤلکه ده دئموکراسييه مئيدان وئرمک ايراندا غئيري فارس ميلتلره سياسي و کولتور هاقلاريني وئرمک دئمکدير. بو دا ايرانداکي غئيري فارسلارين هاقلارينا قوووشماسي و ايرانچيليغين زيفله مه سي و اؤلکه ني الينده ساخلايان بو دوشونجه لرين يييه لري نين زيفله مگيدير. گؤرونن اونلارين دردي آمئريکا دئييل. دردلري ، ايرانداکي غئيري فارسلارين سياسي و کولتور هاقلارينا قوووشماسي و بو ايشدن دوغان نتيجه لرين ، آغاليقلارينا تهلوکه ياراتماسيدير.

آمئريکانين قارشيسيندا موحاريبه ني گؤزه آليب ديرنمک ده چوخ ريسکلي و تهلوکه ليدير. بس ياخشيسي بودور کي، اونو الده-باشدا ساخلاييب زامان قازانسين و بئله ليکله آتوم بومباسيني الده ائتمه يه فورصت تاپسين. بئله اولسا و ايش ايشدن کئچسه ، بلکه آمئريکا بونا راضيليق وئردي؟ زاتن آتوم بومباسيني آمئريکا علئيه اينه ايشلتمه يه جسارتي ده يوخدور. اونو قونشو اؤلکه لري قورخودوب اونلارا اوستونلوک الده ائتمک اوچون ايسته يير. او زامان قونشو اؤلکه لرين چوخو، اؤزلليکله عربيستان، تورکيه و مصر آتوم بومباسي دالينجا قاچارلار. بو ايش ده بير آتوم سيلاهلانماسي ياريشينا چئوريلر. گؤرونن آمئريکا بونو باشا دوشوب و ايرانا ايجازه وئرمه يير کي، آتوم بومباسيني الده ائتسين. بلکه ده ايران رئژيمي ايسته يير آتوم بومباسي نين ايستحصالينا ياخينلاشسين و سونرا آمئريکايا اوز توتوب دئسين کي: ايراندا دئموکراسي ايستگيندن واز گئچ، بيز ده آتوم بومباسي ايستحصاليندان واز گئچک.

بو حدفلره چاتماق اوچون ده يوموشانيب-سرتلنمه تاکتياکسيندان ايستيفاده ائدير. يني هر زامان کي، بين الخالق سياسي ساهه ده ، آمئريکا ايرانداکي سياسي سيستئمه ايستکلريني يئرينه يئتيرمک آماجي ايله يوکله نيب نسه ائتمکله گؤز داغي وئرير، گئري آدديم آتيب ماسا باشيندا اوتوروب و مثله لر حاقيندا دانيشماغا راضيليق وئرير. داها دوغروسو يومشانير. بين الخالق سياسي ساهه ده آمئريکا ديالوقو، ديپلوماتيک يوللاري پروبلئملرين هللي اوچون ايره لي سورنده، قبول ائتمه ييب اؤز مؤوقئييندن گئري اوتورمور. هله دؤيوشمک اوچون اونا بوينوز دا گؤسترير و آمئريکاني تهديد ائدير. البتته بو تهديد ائديجي داورانيشين آرخاسيندا بؤيوک بير قورخو واردير. بو يومشانيب-سرتلنمه تاکتيکاسي ايله زامان قازانماق و حدفلرينه چاتماق ايسته يير.

ايسلامچي رئژيمين موخاليفلري ايستر ايرانين ايچريسينده، ايستر باشقا اؤلکه لرده، اونو بو شيلتاقليقدان واز کئچمه يه و آمئريکا ايله باريشماغا چاغيريرلار. بوتون بو موخاليفتين ” ايستر جومهوريتچيسي، ايستر سولچوسو، ايستر دئموکراتي و يا شاهچيسي ” فرقلي جهتلري اولسا دا بير مثله ده آنلاشيرلار. آنلاشديقلاري مثله ايس: آنتيتورکلوک و آنتيازربايجانليقدير.

سؤزون آنلامي بودور کي، ايرانداکي رئژيمين بوتون موخاليفلري ، ايران جوغرافيياسيني دوغمالارين الينده توتماقدا و اونلارين فيکرينجه اؤگئيلره ” غئيري فارسلارا ” وئرمه مکده آنلاشيبلار. بو يازيني آمئريکادا ياشايان بير ايرانچي آراشديريجي نين سؤزو ايله و سيز عزيز اوخوجولارا بير سوال وئرمکله سونا چاتديرماق ايسته ييرم. اونون فيکرينج: ايرانين دوشمني آمئريکا و ايسرايل دئييل، ايرانين دوشمني ياخينليغينداکي قونشولاري و اؤزلليکله آذربايجان رئسپوبليکاسي ايله تورکييه دير.

عزيز اوخوجولار! سيزجه بو دوشونجه آتوم بومباسي ايله ده سيلاهلانسا، بو آغالارين عاشيق ائتمک ” قول ائتمک ” خسته ليگيندن بوتون آذربايجان ميلتي نين ” ايستر او تايدا، ايستر بو تايدا ” باشينا نه لر گه لر؟

ه.ر.ش
۰۲/۰۷/۲۰۰۹