- بای بک، بیر میللتین سسی - http://www.baybak.com -
آذربايجان اؤز يولونو گئده جک، آلمان-دا ياشايان ميللي فعاللارين بيلديريسي
باي بک آذربايجان | اُرتاگؤن, ۱۱-ي قوراپيشيرن , ۱۱۰۰۹ اینجی ایل, چولا ۰۰:۰۹ [گ.ؤ] | بیلدیریلر
![]() |
. | بيز حساب ائديريک کي، آذربايجان ميللي آزادليق هرکاتي آلتئرناتيوسيز، نتيجه اعتيباريله ميللي- سياسي تشکيلاتلانمادان باشقا يولوموز يوخدور. اونا گؤره زامانيميزين گرگينه جاواب اولاراق، وار اولان سياسي-ميللي اؤرگوتلرين سيراسينا گوشولماني اؤز ميللي بورجوموز ساييريق. بلي بير سورج ايچينده آرشديمالار و ديرلنديرمه نتيجه سينده، آمات- نين سيرالارينده چاليشمايا اوستونلوک وئرديک. بيز بو گوندن اعتيبارن سونسوز قورورلا آذربايجان ميللي آزادليق تشکيلاتي (آ.م.ا.ت) سيرالاريندا چاليشماقا اؤز حاضيرليغيميزي بيلديريب ، اوميد ائديريک |
بيز آلمان-ين رهئين-ماين بؤلگه لرينده ياشييان ميللي چاليشقانلارين بير حيصه سي اولاراق، بو حساس گونلرده،فارس شووينيزمي نين مرکزي اولان تئهران و فارسيستانين باشقا شهرلرينده گئدن سئچگي سونراسي پروسئسلري ديقتله ايزله ييريک. اينانيريق کي ايران سؤيله مي آلتيندا، اؤزلليکله منفور توده پارتيياسي نين “ديکتاتورايا قارشي واحيد جبهه” کيمي، بو و يا ديگر شکيللرده ايران مرکزلي هر هانسي بير باخيش آچيسي آدتيندا تئوريزه اولموش تاکتيکلر، استراتئژيلر، ميلتيميزه گئچميشده کي کيمي ضرردان باشقا هئچ بير شئي ارمغان ائتمز. بو گون آذربايجان و اونون ميللي وارليقي بير گئرچکدير. ميللي آزادليق هرکاتي نين اوزون و قيسسا مودتلي ايستکلري آيديندير. آرتيق کيمسه عوموم ايران ايستکلري آلتيندا بو وارليقي گوربان وئره بيلمز.
آذربايجان تورکو وار اولان ميللي پوتئنسيياليني، اؤزگه لرين يوخ، اؤز يولوندا ايشلده جکدير. عزيز سويداشلار مرکزده گئدن کوتلوي اعتيراضلار، سادجه ايران هئگئمونلوگو چرچيوه سينده باش وئرير ، باشقا دئييليشله بو کوتلوي حرکت فارسيستانين اورتام ايستغيني عکس ائتمکده دير. فارس حاکيمييتي ، اونون اوپوزيسيونو و فيکير بابالاري بيرليکده آذربایجان ميللي وارليقيني دانيللار، دار گونلرينده بئله بو وارليقا اعتيراف ائتمک، ايستکلريميزه باش اَيمک نييتينده دئييلر، اونلار اوچون ميللي وارليقي تانلان اولموش، سيماسيزلاشديريلميش ايچيندن بوشالميش آذربايجان داها مگسه ده اويگوندور.
بو سيياستين ايچ ماهيتيني بيلن آذربايجان ميللي آزادليق هرکاتي، شووينيزمين بوتون تظاهور فورمالارينا قارشي اولموش، ايسته ديگي زامان ميللي چيخرلريني نظرده توتوب اؤز موستگيل جبهه سينده، اؤز ائستراتئگيسينه اويغون آدديملاري آتاجاقدير.
بيز حساب ائديريک کي، آذربايجان ميللي آزادليق هرکاتي آلتئرناتيوسيز، نتيجه اعتيباريله ميللي- سياسي تشکيلاتلانمادان باشقا يولوموز يوخدور. اونا گؤره زامانيميزين گرگينه جاواب اولاراق، وار اولان سياسي-ميللي اؤرگوتلرين سيراسينا گوشولماني اؤز ميللي بورجوموز ساييريق. بلي بير سورج ايچينده آرشديمالار و ديرلنديرمه نتيجه سينده، آمات- نين سيرالارينده چاليشمايا اوستونلوک وئرديک. بيز بو گوندن اعتيبارن سونسوز قورورلا آذربايجان ميللي آزادليق تشکيلاتي (آ.م.ا.ت) سيرالاريندا چاليشماقا اؤز حاضيرليغيميزي بيلديريب ، اوميد ائديريک کي بو واسيطه ايله ميلتيميزين گورتولوشو يولوندا گئدن قوتسال موجاديله يه يارديمچي اولا بيلک.
ياشاسين آذربايجان
۰۱/۰۷/۲۰۰۹
, بیر میللتین سسی _ _ _ _ _ _ _
مربوط اُلان یازیلار
http://www.baybak.com
بای بک سایتیندان پرینت اولوب
http://baybak.com/say_746.azr
یازینین اینترنت آدرسی
گوروش کاپانیبدی