گؤزوموز آيدين، سويداشلاريميزي قتل عام ائديب تورپاغيميزي ايشقال ائدنلري بيزه دوغما قارداش ائله ديلر!

گؤزوموز آيدين، سويداشلاريميزي قتل عام ائديب تورپاغيميزي ايشقال ائدنلري بيزه دوغما قارداش ائله ديلر! - تبريزلي باي بک

باي بک آذربايجان | تُزگؤن, ۹-ي قوراپيشيرن , ۱۱۰۰۹ اینجی ایل, چولا ۰۱:۳۹ [گ.ؤ] | یازیلار

پ.س- بو گئجه کوردلرين دئموکرات پارتيياسيندان حسن شرفي قوناق آدينا تی.وی-ده چيخيش ائتميشدير. بو شخص باتي آذربايجانين توم اراضيلريني کوردوستانينکي بيلنلردندير و ايللر اؤنجه او بؤلگه لرده تورک يئرليلري قتله يئتيرن قوروملارين باشچيليغيني ائتميشدير. هابئله فارس حاکيمييتي و موخاليفتيله سيخ ايليشکيده دير و آمئريکادا ايسه گوجلو لوببيلر ايله بير ماسا آرخاسيندا اوتورار. بو شخص ايله ترور هؤرگوتو پ.ک.ک و پ.ژ.ا.ک نوماينده لري دواملي گؤروشلر کئچيرميش و گرکن ايشلرين ياؤيلاجاغينا قرارلار آلميشلار!

نئچه گون اؤنجه ائلدار قاراداغلي بير مقاله سينده^* گوناز تی.وی-ده پان-فارسلار و پان-ايرانچي قوناقلارين توپلانماسيندان انديشه ائتديگيني وورقولاياراق، او تی.وی-ني قوروماغ اوچون چاغريدا بولونموشدور. بو گون اوزوله رک گؤروروک کي، او تی.وی-نين قوناقلاريني يوخ، کي ايداره چيلريني دوشونمک لازيميميش!

بو گون، ايللردير قارشيسيندا دايانماغيميزين ضرورو ايلدوغونو تکرار ائتديگيم شخص، ضيا صدرالشرافي بير داها آنتي آذربايجان خاصييتيني نوماييشه قويوب و اؤرک يانديران اويونلارينا دوام ائتدي.

ياخلاشيق ۴ ايل اؤنجه گوناز تی.وی-ده تاپيلماغا باشلايان بو شخصه اعتيراضلاريمي بيلديرديم، و حتّی او تی.وی-ده آچيقجاسينا بو شخصين فيکيرلرينه قارشي چيخيش ائتديم. آما، احمد اوبالي تئلئفون گؤروشونده منه بئله دئدي کي: “مسعود بي، بو شخص ايندي فئدئرالچي اولسادا، گله جکده بيزيم ان ساغلام ايستيقلالچيلاريميزدان اولاجاقدير. سيز بو شخصي تنقید ائتمک يئرينه، … ني و … کيمي شخصلري تنقيد ائدين”. بو ايستکه قارشي چيخاراق، تنقيدلريمه دوام ائتديم و ائله اونا گؤره ده او سؤزده ميللي تی.وی-ده بويکوت ائديلديم! اينديسه اؤزومو کيچيلده رک بير داها اورا تئلئفون آچماغا هئچ نييتيم يوخ، آما، اونون تهلوکه لي، بؤلوجو و ايکي اوزلو سيياستيني هر زامان ياخيندان ايزله ييرم.

کوردلرين سؤزده دئموکرات پارتيياسيندا نه دئييلسه آزدير. بو پارتييانين نقدر ميلتيميزه خيانت ائتديگي، آذربايجاني تورپاقلاريني ايشقال ائده رک جينايتلر تؤرتديگيني و فارس-لارلا ال بير اولوب بؤلگه ده تهلوکه ياراداراق ” بولانميش سودان باليق توتماسي ” هامييا آيديندير.

سؤزده دئموکرات پارتيياسي نين هر بير اويسي نين ائوينده، هر بير اوفيسينده و هر بير توپلانتيسيندا، اورمونو کي هيچ، تبريزي بيله کوردوستان آدلانديران خريته لر آسيلميشدير و او خريته ني حاياتا کئچيرمک اوچون ” قان وئريب و قان تؤکه جکلر ” ايناملاريني آيدين شکيلده ديله گتيريرلر.

ياخلاشيق ۳ ايل بوندان اؤنجه، دکتر عليرضا نظمي افشار آدي گئدن پارتييانين سؤزده باش کاتيبينه مکتوب اونوانلاياراق^**، او ساختا خريته نين قبول اولونماز و تهلوکه يارادان اولدوغونو وورقولادي و بير آن اول او ايشقالچي ايددئلارا سون وئريلمه سيني ايسته دي. او زامانلار، جناب نظمي يوخاريدا آدي گئدن تی.وی-چيلر طرفيندن آغير تهقيرلره معروض قالدي و حتّی حده لندي!

دکتر عليرضا نظمي افشار ايله بير سيرا فرقلي دوشونجه لريم اولسادا، اونون آچيق گؤروشلو اولدوغونو و گله جک اوچون يارالي اولدوغونو جورقولاماق اوچون هئچ نه مهدودييت گؤرمورم. اونون بير سيرا چيخيشينا کسکين تنقيديم اولسادا، آذربايجان اوغروندا وئرديگي موجاديله ني آلقيشلاماقيميدا ايفتيخارلا بيلديرمه لييم.

او زامانلار، کورد ترورچولاري نين گرچک اوزونو گؤسترمک اوچون گئنيش چاليشمالار گئديردي. ميللي فعاللارين اؤز آراسي دانيشيقلارييلا بيرليکده، سيته لر و سؤزده ميللي تی.وی-دده آيدينلاديجي پروقراملار آپاريليردي. آما، سون زامانلاردا کوردلري قارداش ائتمه پلانينا باشلايان بير سيرا گيزلي اللر، آچيق شکيلده تو پروقرامي حاضيرلاييب و او ترورچولارا قارداش ستاتوسو وئريرلر! ندن؟

اگر توتومونوز دوغرودورسا، بس ندن کورد ديلينده موسيقي يايديغينيزدا، گوناز تی.وی آمبلئميني صحيفه دن سيليرسيز، اگر گله جکده ميلتيميزين اؤنونده حساب وئرمگه مجبور اولماقدان چکينيرسيزسه، ايجبار ندير کي او قاتيللري ميلتيميزه سيريماغا چاليشيرسيز؟

منيم فيکريمجه، کورد مسئله سي آذربايجان ميللي هرکاتي نين ان آکتوال و ان تهلوکه لي اولان آشامالارينداندير. بونا گؤره ده، اونو گوندمده ساخلاياراق، کئچميشده کي جينايتلري ميلتيميزه خاطيرلاتماقلا، ياخين گونلرده ياشاناجاق اولان قارشي دورمادا حاضيرليقلي اولماميزي ساغلاماليييق.

کوردلرين ايشقالچي سيياستي، بؤلگه ده سيلاهلا ترور تؤره ديب و يئرلي تورکلري قاچماغا مجبور ائتمه لري، هر تور اخلاقسيزليقا ال وورمالاري و ان اؤنمليسي اولان، ايران آدلانان اؤلکه نين دئولتي، قومشو دئولتلر و سوپئر گوجلرله ايليشکي قوروب و فايدالاناراق آذربايجاني مئيداندان چيخارما چابالاري گؤز اؤنونده دير! ندن بو ترورچولارا قارداش دئييلسين؟

بو گون، او ترورچولارين جينايتلرينه گؤز يومماق، اونلاري قارداش بيليب و ايشبيرليگي آپارماق و “ايران اراضي بوتؤولوگونو” نه اينانماق نئجه اولار کي آذربايجان ميللي ماراخلارينا اويقون گلسين؟

من “ايران اراضي بوتؤولوگونو” باره ده داها اؤنجه فيکيريمي بيلديرميشديم. دئميشديم کي بو گون سوپئرگوجلرين هئچ بيري او اؤلکه نين پارچالانماسيني، اونا گؤره ده ايشقال آلتيندا اولان ميلتلري آزادليغيني ايستميرلر. روسييا کؤرفزه قدر اوزاميش ايمکانيني آمئريکايا وئرمک ايسته مير، آمئريکا ايسه پارچالانميش و خزر-سيز بؤلگه ني ايشقال ائتمک ايسته مير! فارس حاکيمييتي ايسه، الينده اولان گوجو مهدود ائده رک، فايدالانديغي ايمکانلاري الدن وئرمک ايسته مير.

ايندي، بو اويونا اوزاقدان باخيبدا، سانکي بيز او اويوندا دييلميشيک کيمي داورانماق عاغيللي ايشميدير؟ روس-چولار و باتي-چيلارين بوش بوغازليغي، يالان بيلگي وئرمه لري، تهريفلري و سرسمله مه سي، هابئله، سون گونلرده بير داها اوجاديلان “فئدئراليسم” سسلري نين هاردا قايناقلانديني آنلاماق بير او قدرده چتين دييلدير.

ايچريدن بير سيرا کاناللار ايله ال بير اولان خاريجده کي مئقافون صاحيبلري بيلسينلر کي “ايران فئدئرال اولسون، بيزده اونون چرچيوه سينده ديليميزه صاحيب اولاريق” اويونوو آلان ميللي فعال يوخدور. بوش يئره ايکي دانا “ايستيقلالچي سؤزجو” سونون باغيرمالارينا بير باغ سوزي وئرمزلر، اؤزونوزو قارا اوزلو ائده رک ميلتيميزي قانديرمايين!

۱۳۲۴ ايلينده آذربايجان اراضيسي ايچينده کوردلره موختارليق وئريلمه سي نين يانليش اولدوغونو بيلديرميشديم، بو گون سيزين کيمي بيلگيسيزلر، ياخود بيله رک تهريف ائدنلر او موختارليغا موستقيل دئولت کيمي ياناشانلارين ترس يولدا اولدوقلاريني ايضاح ائتمک چوخ قولايدير. او گون، کوردلري بير آزينليق اولاراق تانييان و اونلارا ائتنيک موختارييت وئرن آذربايجان ميللي هوکومتينه اولان خيانتلر سونوجو، بو گون آذربايجانين تام گؤبگينده يئرلشن سويوق بولاغ سيزينکيميلرين ديلينده ماهاباد اولموشدور و سؤزده کوردلرين موستقيل جومهوريسي نين باشکندي اولاراق قبول اولموشدور! بو خيانت دييلديرسه بس ندير؟

بير داها تکرار ائديم کي سيزين ايللر بويو ميلتيميزين سيلاهلانماسينا قارشي تبليغات آپارديغينيز اورتادادير، اونون ندنيسه ائله بو گون تام چيپلاقليغييلا سرگيلندي. سيزين آماجينيز، اصلینده سيزين قوللوق ائتديگينيز گوجلرين آماجي بودور کي آذربايجانين گوجلنمه سي نين اؤنون آلينسين. اونا گؤره ده سيلاه آدي گلنده، سانکي کبيره بير گوناه ايشلنميشدير کيمي آتيليب دوشورسوز!

کورد ترورچو پارتييالارينا قارداش دئديکدن اؤنجه، اونلارين نئجه سياسي بير پارتييايا چئوريلديککلريني بير آنلاسايدينيز کئشکه! آيا اونلار اؤنجه سيلاهلانمادان، تروردان و جينايتدن باشلاماميشلارمي؟ آيا اونلارين هاميسي نين الي آذربايجان تورکونون قاني ايله بويانماميشميدير؟ بس ندن بو سيلاهلي جانيلرين قارشيسيندا ميلتيميزي قوزو کيمي قالماغا اينانديريريرسيز؟

آما، ميللييتچيلره بير خوش خبر وئرمه مکله بلکي سيزلره ده لازيمي اوياري گلميش اولاجاقدير. ايچريده کي فعاللار سيزين دئگينيزلر اوتوروب-دورمورلار. او کورد قوارداشلارينيزيندا آرتيق سؤزو ايچريده کسردن دوشموشدور! اؤرنه يين، سيزين ميلتي “خيياوانلارا تؤکولوب فارس يولوندا اؤلومه گئدين” هايقيريلارينيزين هئچه ساييلماسي، کورد ترورچو قارداشلارينيز ايسه سؤزده کوردوستاندا “عومومي قرئو (اعتصاب) طلبي”نين هئچه ساييلقيغي اورتادادير! بونا گؤره ده، بيلمه نيزي ايسترديم کي سيزلر ايسته سنيزده ايستمه سه نيزده، سيزي اوينادان گوجلرين خوشونا گلسه ده گلمه سه ده، ايچريده گوجلو ايستکلر اوزره گئنيش ايشلملر باشلاميشدير. بو ايشلملرين نه اولدوغونو بيلمک ايستسزسه، بير آزجيق دؤزون و او گون ايله قارشيلانماقا حاضيرليقلي اولون.

کورد مجبوري اولاراق قبول اولونان اينديکي کوردوستاندا ياشاسا، بلکي قومشولوق حاقينا ماليک اولاراق ايليشکيلر صاحيبي اولا بيلر. آما، اگر او کورد منيم تورپاغيمدا گؤزو اولسا گؤزو، تورپاغيما الي اوزانسا الي، و آنايوردوما آياق باسارسا آياغي ديبدن کسيله جکدير. بو تپکي توم ايشقالچيلار و ايشقالچيلارين آرخاسيندا اولانلارا گئچرليدير.

گوناز تي.وي گئتديکجه يارانان شوبهه لرين دوغرو اولدوغونو ايثبات ائده رک، آنتي ميللي اولدوغونا داهادا سوبوتلار ايلري سورور. کئشکه بئله اولماسايدي و ايلکينده باشلاديغي کيمي، اينساني، يولداشجا و ميللي قالسايدي.

ائلدار بئي، بو گون فيکريمجه سيزده جاوابينيزي آلميش اولدونوز!
نظمي بئي، بو گون فيکريمجه کوردلرين ساختا خريته سينه کيملر اوناي وئريرلري بيلديز!
آذربايجانليلار، بو گون صاباح اوچون تهلوکه يارادانلارين اوووجونون آچيلماسينا بير داها شاهيد اولدوز،
او زامان، بيرليک ياراديريق دييه قارابازليق ائدنلره اينانان اولورسا، دئمک سوچ اونلاردا دئييلدير.

بيليرم، صاباح گليب و “دوننکي پروقرام بيزيم رسمي گؤروشوموز دئييلدير” دييه رک گئنه ميلتي قانديرماغا چاليشاجاقلار! گئنه سسلريني تيتره ديب و ميللي هيجانلاردان دانيشيب و بوتؤولوکدن سؤز ائده جکلر! آما، خوروزون قويروغو آرتيق گؤز اؤنونده دير، يالانلاري آلان يوخدور آرتيق. منجه، بو تخريباتچي، قوللوقچو و ايکي اوزلو قوتويا قارشي، گرچک بير تی.وی کانالي آچيلماليدير و بو لوزوملو ايسته کي ميللي فاللار ديقته آليب و بير آن اول حاياتا کئچيرمه ليديرلر.

اينگيليسجه بير آتا سؤزو وار: “اگر مني بير دفعه آلداتدينسا، سنه آر اولسون، ايکينجي دفعه آلداتدينسا، منه آر اولسون!”

تبريزلي باي بک
۲۹/۰۶/۲۰۰۹
کرويدون

* گونازتی.وی-ني ايرانچي فورصتچيلردن اوازاق ساخلايين! - ائلدار قاراداغلي
[1] baybak.com/say…

** درخواست دکتر نظمي افشار از رهبران کردستان
هتتپ://www.بايباک.جوم/بايباک/؟پ=۸۸۷