- بای بک، بیر میللتین سسی - http://www.baybak.com -

ياشاسين آذربايجان - Long live Azerbaijan

گوناز تی.وی-ني ايرانچي فورصتچيلردن اوازاق ساخلايين! - ائلدار قاراداغلي

باي بک آذربايجان | تُزگؤن, ۲-ي قوراپيشيرن , ۱۱۰۰۹ اینجی ایل, چولا ۲۳:۰۷ [آ.خ] | یازیلار

. هر فورصتده ديله گتيرديگيميز ديلگيميز، گوناز تی.وی نين دئموکراتيکلشمه سيندن يانا اولسا دا، دونيايا آچيلان گونئي تورکلوغونون اوداقلاريندان بيري نين ايرانچيلارا آچيلماسيندان اوزگون اولماماغيميز مومکون دئييلدير. گونئي آذربايجان تورکلوگونون ميللي-قورتولوشو اوغروندا تام ايستيقلالچي قوروملارين “ديلده، فيکيرده، ايشده بيرليگي”نين و گوناز تی.وی نين “آذربايجان تورک ميلتينه” اؤزل اولماسي ديلگيله!

سايين اوخوجو;

ايلک کز اولاراق ايللر بويونجا گؤرويني داشيديغيم گونئي آذربايجان قورتولوش پارتيياسي-نين سؤزسوزو کيمي دوشونجه اورتايا قويورام. سون زامانلاردا ايران آدلانان دؤولت قانادلاري آراسيندا دوغويا اؤزل اولان سيياسال تانسييونون يوکسلمه سينه تانيقليق ائديريک. سؤزسوز کي، گونئييميزي ده ياخيندان ايلگيلنديرن بو اولايلارين گئديشيله گوناز تی.وی ده بو مثله ايله درندن ايلگيلنه جکدير. بو چوخ دوغال حالدير و اولماسي دا لازيمدير. حتّی بونون اؤتسينده، گوناز تی.وی-نين قوروجوسو اولان آهمد بيين ميللي دوشونجه سيله تانيش اولدوغوما داياراناق بو تی.وی-نين اؤز سؤزو و ستراتئژيسي اولدوغونون بؤيوک اؤنمينه اينانيرام.

بيز، قورتولوش پارتيياسي اولاراق بو قونودا هئچ بير اؤنري وئرمک نيتينده دئييليک. چونکي، گوناز تی.وینين بيزه قارشي اولان سرت توتومويلا ياخينليق دويوموندان اوزاقداييق. آنجاق بيزيم آچيميزدان گوناز تو، باشلي-باشينا بير ميللي وارليق اولاراق بيزيم ده ماراق دايره ميزده دير. بو ماراغيميزين نه زامان، نه کيمي گرکسينيم قارشيسيندا اوبيئتکيو اولاجاغينا سؤز وئرمک بيزدن آسيلي دئييلدير. ۲۰-ايلليک ميلتيميزين ايچينده ميللي-قورتولوش ساواشينا قالخان بير اؤرگوتون اؤزونو نئچه ساخلاماسيني اؤيرنميش اولان قورتولوش اوچون دؤزوملو اولماق بؤيوک سوروم دئييلدير.

بوگونه ده ک قورتولوشا اولان دارگؤروشلو هر نيي يالنيز و يالنيز ميللي اولکولريميزه داياناراق دؤزومله سئير ائتميشيک و ائتمه يه ده داعوام ائده جگيک. بيز، اؤز يولوموزداييق. تورک اولوسوموزون بيرليگيني، گونئييميزين تام باغيمسيزليغيني، ” ايستيقلالچييام، قورتولوشچويام، بوتؤوچويم، چونکي تورکچويم ” دئويزي آلتيندا قولاق سيرغاسي ائده رک تبريزدن اردبيله، اردبيلدن اورمويا، اورمودان سولدوزا، سولدوزدان باکييا و بوتون شهرلريميزه قوشدوران آماجيميزين ۲۰-ايلليي دييشمز بير جانلي بلگه کيمي اورتادادير. بو ۲۰-ايلليک چاباميزدا بير کره اولسون بئله، اولوسوموزون ميللي ايدئياسيني گونده ليک سيياستلرين آياغينا سالماميشيق. گونئييميزي فارسچي دوشمن اليندن قورتارا بيلمه سه کده، اوغروندا جانيميزي بئله، وئرمکدن چکينمه ميشيک. ايلک گونوموزدن بري، يالنيز کاغيذ اوزرينده اولان بير اؤرگوت اولماميشيق.

هر زامان ميللي ايدئياميزي نين تمل ديرلري نين قوروجوسو اولماغي حدفله ميشيک. بو اوزدندير کي، ميلتيميزي، تورپاغيميزي عوضسيز و قارشيليقسيز سئوميشيک. و يئنه بو اوزدندير کي، گوناز تی.وی نين قارشيليقسيز منيمسمگيني اؤزوموزون ميللي بورجوموز ساناراق، اونون آراجيليغييلا آذربايجان ميللي هرکاتينا توخونابيله جک هر هانسي اولومسوزلوغو گؤرونجه بيگانه ياناشا بيلمه ييريک. بيزيم اوچون، گوناز تی.وی-ده آچيقليق کولکلرين اسمسي چوخ سئوينديريجيدير. بو، بيزسيز ده اولا بيلر. بونون اوچون هئچ ده اوزولميه جگيک. چونکي، اورادا اولان بير چوخ فيکيرداشيميز واردير. احمد بئي، جاواد بئي، صالح بيلر کيميلره تنقيديميز اولسا دا، اورتاق نؤقته لريميزين يوزده ۹۰-لاردا بولونماسي بيزيم اوچون قانيق وئريجيدير. لاکين، قافالاري اؤزگه ليکده، دويغولاري ايسه ايکي يول آيريجيندا قالان آذربايجانليلارين گوناز تی.ویده اولوسوموزا ايرانچيليق يؤنو گؤسترمه سيندن تديرگين اولماماق مومکون دئييلدير. اوماريق کي، بير کره ده اولسون، بيزيم قارداشجاسينا مئساژيميزي خوشگؤرويله آلغيلاييب، اوزرينده دوشونجه ياپيلسين.

احمد بئي اوبالي-يا;

ايللردير کي، بوتون چتينليکلره قارشين تی.وی-ني قورويورسونوز. بو هاقدا سيزي آلقيشلاماق گره کي ر. کاشکي، سيچانيين پئشينده اولان بيشيک ميثالي گئجه-گوندوز ميلياردلار دولاري گودن (اوزدنيراق) قهرمان مودعيلر ده يوزده لري نين بير نئچه سيني وطنين قورتولوشو يولوندا قويما و ايکينجي تو آچماق جسارتينه وارميش اولسايديلار!! نه يازيق کي، مانقورتلاشميش مالپرستلرون داماريندا دولاشان تورک قاني نين لکلنمه سيني گؤرمکدگيک. ائله بونا گؤره ده، بوگون يالنيز بيرجه گوناز تی.ویميز واردير.

بو اوزدن، گوناز تی.وی نين نسنل حاقي بوتونلوکله اونو قوروب ساخلايان سيزلره آيددير. بونا کيمسه نين هئچ قوشقوسو يوخدور. آما، سيزين آماجينيزين قوتسالليغي نين اؤزلوگونده اولان گونش کيمي پارلايان بير اولکونو اونوتماماليسينيز. سيزين ايداره ائتديگينيز گوناز تی.وی نين ان بؤيوک آماجي نين ” آذربايجان مرکزکي تورکچو دوشونجه سيستئمي ” نين ياراديلماسي نين اولدوغو کيمسه يه گيزلي دئييلدير. و سؤزسوز کي، بو دوشونجه نين ايسه، ان ميزي و گيزلي دوشمنلري نين کيملر اولدوغو – گونوموزون ارانيلري، کسرويلري، افشارلاري- دا آيدين ميللييتچيلريميزه بلليدير. لاکين ندنسه، اؤزلريني نين ايچينده کي، کيمليک بؤهرانينا يانيت تاپامايان و ايرانچيليق ووروسو ايچينده اينله مکده اولان بئله شخصلرين گوناز تی.ویده دوزنلي و بزکلي مئساژلاري کسيلمک بيلمه يير. ندنسه، هله ده گيزلي و کسگين ايرانچي اولان توده چيلر، ليبئراللار، فدايلر گوناز تی.وی نين گيريش کودونو الده ائده رک آپ-آچيق فورصتدن يارارلاناراق يئنيدن اؤرگودلنمه چاباسينا ال وورورلار.

گوناز تو، تورکچولوک سيموولودورسا، ” ائله فارسجا دانيشمالييام کي، تورک لهجم اولماسين ” ايرانبايجانليلارين اورادا نه ايشي وار کي!؟ آدام ايکي ساعات بويونجا ” کشور خيلي مهم ايران،… کشورمان ايران، مردم ايران وب. ” (چوخ اؤنملي ايران اؤلکه سي،… اؤلکه ميز ايران، ايران ميلتي/خالقي وب.) دييه-دييه، بير کله مه بئله آذربايجان سؤزونو ديلينه گتيرمه يير. لاکين، سئچيم اولايلاري اولمادان اؤنجه همان آدامين اوزون دانيشيغيندا آذربايجان آدي ديليندن دوشمه ييردي. دئمک کي، او گوننون مودئلي آذربايجان، بوگونون مودئلي ايسه ايراندير. گؤز گؤره-گؤره، گوناز تی.ویدن پانيرانيزم توده چيليگي نين رئکلام اولونماسي بؤيوک خطادير. آز قالا آذربايجان ميللي هرکاتي نين ” بيز، بو شووينيست-فوندامئنتاليست رئژيمين ايچ ساواشينا قان وئرممه ليگيک ” سؤزونو دوشمن سؤزو اولاراق آلقيلانديران سخس، سانکي بير ايران کاناليندان دانيشيردي.

هر فورصتده ديله گتيرديگيميز ديلگيميز، گوناز تی.وی نين دئموکراتيکلشمه سيندن يانا اولسا دا، دونيايا آچيلان گونئي تورکلوغونون اوداقلاريندان بيري نين ايرانچيلارا آچيلماسيندان اوزگون اولماماغيميز مومکون دئييلدير. گونئي آذربايجان تورکلوگونون ميللي-قورتولوشو اوغروندا تام ايستيقلالچي قوروملارين “ديلده، فيکيرده، ايشده بيرليگي”نين و گوناز تی.وی نين “آذربايجان تورک ميلتينه” اؤزل اولماسي ديلگيله!

سايغيملا،
ائلدار قاراداغلي، گونئي آذربايجان قورتولوش پارتيياسي نين سؤزچوسو
۲۳/۰۶/۲۰۰۹

BayBak, All about a Nation, بیر میللتین سسی
یازینی پی.دی.اف اولاراق ایمیل آدرسینه گؤنده ر

_ _ _ _ _ _ _
مربوط اُلان یازیلار


پایلاش | پرینت
بعضی عکسلر خبره باغلی اولمایا بیلیر. لطفا دیقتتلی اولون
بورا باغلي يازيلار:

گوروش ۲


  1. : ALİ سویلییر

    تُزگؤن ۲ قوراپيشيرن ۱۱۰۰۹ @ ۱۱:۵۰ آ.خ

    mence bu bey doğru bir nuqteye barbaq qoyubdur günaztv gerek demokratık bir tv ola ve G.AZerbaycanın bütün kesimlerine söz vere.
    .

  2. : گؤزوموز آيدين، سويداشلاريميزي قتل عام ائديب تورپاغيميزي ايشقال ائدنلري بيزه دوغما قارداش ائله ديلر! - تبريزلي باي بک سویلییر

    تُزگؤن ۲ قوراپيشيرن ۱۱۰۰۹ @ ۱:۳۹ گ.ؤ

    […] پ.س- بو گئجه کوردلرين دئموکرات پارتيياسيندان حسن شرفي قوناق آدينا تی.وی-ده چيخيش ائتميشدير. بو شخص باتي آذربايجانين توم اراضيلريني کوردوستانينکي بيلنلردندير و ايللر اؤنجه او بؤلگه لرده تورک يئرليلري قتله يئتيرن قوروملارين باشچيليغيني ائتميشدير. هابئله فارس حاکيمييتي و موخاليفتيله سيخ ايليشکيده دير و آمئريکادا ايسه گوجلو لوببيلر ايله بير ماسا آرخاسيندا اوتورار. بو شخص ايله ترور هؤرگوتو پ.ک.ک و پ.ژ.ا.ک نوماينده لري دواملي گؤروشلر کئچيرميش و گرکن ايشلرين ياؤيلاجاغينا قرارلار آلميشلار! * گونازتی.وی-ني ايرانچي فورصتچيلردن اوازاق ساخلايين! - ائلدار قاراداغلي [۱] baybak.com/say… […]

RSS بو یازینین گوروشلرینین یمی

http://www.baybak.com بای بک سایتیندان پرینت اولوب
http://baybak.com/say_694.azr یازینین اینترنت آدرسی

azeribaybak[at]gmail.com