علیرضا فرشی نین توتولماسیندان بیرآی کئچدی -تيمور. ب

باي بک آذربايجان | تُزگؤن, ۲-ي قوراپيشيرن , ۱۱۰۰۹ اینجی ایل, چولا ۱۷:۳۸ [آ.خ] | یازیلار

علیرضا جان باغیشلا منی، سنین توتولماندان بیر آی اولدو و سنی هله چیخاردا بیلمه میشیک. علیرضا جان باغیشلا منی٫ سیمانی دا توتدولار؛ علیرضا جان باغیشلا منی٫ سنین قدر ایشله یه بیلمیرم. سنین قدر وطنیمی سئوه بیلمیرم و سنین قدر اونا اؤزون دئمیشکن وقف اولا بیلمیرم. علیرضا جان باغیشلا منی…..

آللاهین آدی ایله٫

علیرضا جان سن ایچری ده ایکن، خاتمی فیلمینی تکذیب ائله دی، میلتچیلر باغشومالا گئتدیلر. تراختور لیگ برتره گئتدی. علیرضا جان سن ایچری ده ایکن، آخشامدان سحره جک آبرساندا شادلیق ائله دیک. یئرین بوش آذربایجانی چوخ یاشاتدیق. سن ایچریده ایکن سنین آزادلیغینی باغیردیق، پیلاکاردلار توتدوق. اصل ۱۵ ایسته دیک. هی نه گئجه ایدی.بای بک

سن ایچری ده ایکن، سنه دئییبلرمی! سئچگیلر اولدو، شوبهه لر، حیله لر اولدو، بیلدیک کی چوخ شهرلرین جمعیتی دئییلندن چوخدو.

علیرضا جان سن ایچری ده ایکن اعتیراضلار اولدو، خس و خاشاکلار میلیونی ائشیگه چیخدیلار، کاش گؤریدین خبرلری چوخ جالیب ایدی.

علیرضا جان سن ایچری ده ایکن اینسانلار اؤلدو، ۱۰ لار جاوان قانا بولاندی، قوی بیرین دئییم فلسفه اؤیرنجی سی اولان بیرقیز، آدی….! نیدا، قانا بولاندی. آنجاق نه دئییم قیامت اولدو.بای بک

علیرضا سن ایچری ده ایکن سیما هئچ آغلامادی، باشین اوجا توتدو و هر زامان سنی دوشوندو. بیلیرسن سنه چوخ داریخیردی آما بللی ائتمیردی، آنلارسان بیلیرم بو دویغونو آنلارسان، بیلیرم سنده بئله ایدین.

علیرضا سن ایچری ده ایکن هر شی فیلتر، موبایلیم دا قطع اولدو، اینانا بیلیرسن SMS ده یوللایا بیلمه دیم.

علیرضا سنین توتولماندان بیر آی اولدو، بیلیرم سینمازسان، بیلیرم کنتراتچیلاریدا یورارسان. لوطفا داریخما، دوزدو بیز سنین Mail لرینه داریخمیشیق، سنی گؤزلیریک و هر زامان سنی دوشونوروک. علیرضا هئچ او بازپرسلارین اوزونه توپورموسن، سنین توتولما فیلمین او آغلامالی آهنگی ایله هامینی آغلاتدی، هئچ اونلار ائتگیلنمه دیلر.

علیرضا آخی آنا دیلینده مدرسه دئمکدن ده جورم اولماغا قاضی اوتانمادی، بیلیسن سئچگیلرده کاندیدلرین هامیسی سن دئینلردن چوخ دئییردیلر، باغشومالدا احمدی نژاد تورک دیلینه خیدمتدن سؤز دئدی، موسوی اونو مدرسه لره آپاردی و …

بیلیریم تعجوب ائلرسن، کاش هامیسین گؤرهیدین

تيمور. ب
۲/۰۳/۱۳۸۸