گونئي آذربايجان قورتولوش پارتيياسي نين ايران آدلانان دؤولتين جومهورباشقانليق سئچيميله باغلي بيلديريشي (۳)

باي بک آذربايجان | آراگؤن, ۳۱-ي قئزاران , ۱۱۰۰۹ اینجی ایل, چولا ۰۷:۴۷ [گ.ؤ] | بیلدیریلر

۵- سؤزسوز کي، بو ساواشدان بوتونلوکله گئري چکيلمک و تام پاسيو ياناشماق دا مومکون دئييلدير. آ.م.ح (آذربایجان میللی حرکاتی)-نين ان دوغرو آکتيوليگي باغيمسيزليغيني قوروياراق آذربايجان جوغرافيياسي نين ميللي-سياسي يؤنتميني الينده ساخلاماقدير. بو آغير و چوخ هسساس گؤروين آپاريجي گوجو يالنيز اولوسچو گنجلريميز اولا بيلر. يوخسا، ايپين اوجو باشقا کيمسه لرين – اؤزلليکله مرکز مئيليلي و مرکز اوداغلي سياسي اويونبازلارين الينه دوشرسه، قورخدوغوموز باشيميزا گله بيلر.

(اؤزل اولاراق باي بک اؤچون لاتيندن کؤچورولموشدور)

سئچگي اولايلاري و گونئي آذربايجان ميللي هرکاتي اوزرينده اسن فورصت و تهديد کولکلري!

عزيز ميلتيميزين بيلگيسينه؛

هر کسه بللي اولدوغو کيمي، ايران آدلانان دؤولتين ۱۰-جو جومهورباشقانليغي سئچگيلري دانيلماز بير آنتي-دئموکراتيک اورتامدا اؤز ايشينه سون وئردي. داها چوخ سحيربازليغا بنزه ين بو سئچگيلرده بؤيوک کوتله سسي احمدينژاد خئيرينه ساييلارکن ائله ايلک اؤنجه دن دونيادا و اؤلکه ايچينده بؤيوک شاشقينليقلارا ندن اولدو. دونيانين گؤزو اؤنونده بو ساختاکارليغي ائدن حاکيم رئژيمين ديني ليدئري خامنه اي تلم-تله سيک احمدينژادي تبريک ائدرکن سسلري ترس آدرئسس بولان کوتله نين سرت اعتيراضلاري قالخماغا باشلادي. بو اعتيراض گؤستريلري نين م.ه. موسوي نين ديره نيشمه سيله داها دا گئنيشلندي. حاضيردا، ايسلام رئژيمي نين ايکي قولونون گيزلي و خفيف ايختيلافلاري آغير و درين قارشي دورمالارا ندن اولماقدادير.

بو قارشي دورمانين داها دا درينه وارماسي گؤزله نيلن حالدا رئژيمين تمللري نين سارسيلماسي نين سيقناللاري وئريلمکده دير. بئله اولان دورومدا آذربايجان ميللي هرکاتي نين بو ساواشا قوربان گئتمه مه سي، ميللي-قورتولوش هرکاتيميزين يولونون ساپديريلماماسي بيزلري دوشوندورمه يه بيلمز! بيلديگيميز کيمي گونئي آذربايجاندا ديرچلمکده اولان ميللي موجاديله نين دوغال ايلکه سي، اينسان هاقلارينا اولان سايغينليغين چردگيدير. بيزه گؤره، آذربايجان تورکلري نين ميللي واريليغيني اينکار ائتمک يولوندا اونون اولوسال کيمليگي نين دييشمه سيني ايسته ين هر هانسي ايران مرکزلي فارسچي دوشونجه لي حرکتله سسبير اولماق وطنيميزين آيدين ايستکلري قارشيسيندا ياپيلان ان بؤيوک خطادير.

سئچيم اولايلاري نين بيزه گؤسترميش اولدوغو گرچکلردن بللي اولور کي،:

- گئنيش آلانلي ايره ليلگيشه باخماياراق، آذربايجان ميللي هرکاتي آدي آلتيندا آپيريجي رولو اولان ميللي-سياسي اؤرگوت و شخصيتلريميزين ائتگينليک چکيسي هله تام باغيمسيز ليدئرليک سوييه سينه چاتماييبدير.

- آ.م.ح (آذربایجان میللی حرکاتی) ياراناجاق فورصتلردن ايسته نيلن کيمي فايدالانما ايمکانينا ساهيپ دئييلدير.

- هر اولاي قارشيسيندا چئشيدلي مؤوقئ توتمالارين کؤکونده يالنيز دونيا گؤروشو دئييل، هم ده کيشيسل ياريشمانين رولونو اونوتماماق گره کي ر.بای بک

- آذربايجان ميللي ده يرلري نين گوندميني آناليز ائده جک، بير اورتاق توتوما گله جک ايشبيرليگيندن فاصيله لي اولدوغوموزو گؤرمک مومکوندور.

- سؤزسوز کي، گونئيين طالع يوکلو سوروملاري نين بوتونلوکله ايراندان آييرماق هله ليک ايکمانسيزدير. آنجاق، بئله مئيدانلاردا آذربايجانين تورک يؤنتملي ديرلري نين سرگيمه سيني اونوتماماق گره کي ر. اله مي کامپانيسي سورجينده بو گرکن گؤستري گؤرونسه ده، اوندان سونراکي دؤنمده چوخ گئري قالميش اولدو.

- واحيد گوج مرکزي نين اولماماسي ويا ان آزيندان چوخ گوجسوز اولدوغو بير داها اؤزونو گؤستؤردي. ايچريده رئژيمين باسقيلاري، ديشاريدا ايسه اؤزلريني چوخ بختييار و بؤيوک اؤندر سانان اينحيصارچيلارين بو اؤنمين هله ده يئرده قالماسيندا بؤيوک روللاري واردير.

- آ.م.ح (آذربایجان میللی حرکاتی)-نين آکتيولريندن اولان ايران دوشونجه لي قوروم و بيريلرين ائتگينليگي نين اولومسوز جيزگيلري الميدن سونراکي آشامادا اؤزونو گؤستردي. اونلارين اله مي اولماسا بيز ده يوخوق شوعاعرلاري نين بير گئجه ده موسوي نين خئيرينه دؤنمه سي، بوندان سونرا دا تکرار اولاجاقدير. بو ايکي باشلي اويونبازلارين اؤنونون آلينماسي آ.م.ح (آذربایجان میللی حرکاتی)-نين اصيل آپاريجيسي اولان ميلتچي کسيمين واز کئچيريلمز گؤرويدير.

- ائکونوميک و سوسيال سورونلارين بو ايلک دفعه رئکورد سوييه ده گرچکلشن سئچمه نينده تاثيري بؤيوک اولموشدور. هر کس بو دورومدان قورتولوش آختارارکن موسوي نين يارديمينا قوشموشدور. سؤزسوز کي، آذربايجان تورک ميلتي ده بو ايستکلر دوغرولتوسوندا صانديقلارا چکيلميشدير. آ.م.ح (آذربایجان میللی حرکاتی)، بوندان سونراکي چابالاريندا کسينليکله ميلتيميزين ائکونوميک و سوسيال پروبلئملري نين چؤزومو اوچون ده چاره يوللاريني دوشونمه لي و بو دوشونجه سيني ميلتله پايلاشماليدير.

گونئي آذربايجان قورتولوش پارتيياسي اولاراق سون اولايلارين آ.م.ح (آذربایجان میللی حرکاتی) طرفيندن ديقتله ايزله نيلمه سينه و اولوشابيله جک بوتون سئنارييولارا حاضيرلي اولاجاغينا ايناناراق اؤز اويه و سمپاتيکلريندن ده بو دوغرونتودا چابا گؤسترمکلريني ايسته يير.

بيز اينانيريق کي، بو چوخ تهلوکه لي آشامادا، آذربايجان تورک ميلتي ان آز ائنئرژي و حزينه وئرمکله بو اولايلاردان يارارلاناراق اؤز ميللي تئزلريني گوندمه داشيماغي باجاراجاقدير.

آنجاق بو باجاريغا چاتماق اوچون آشاغيداکي شرطلر اونودولماماليدير:بای بک

۱- ايسلام رئژيمي درين بؤهرانا يووارلاناراق ايکي رسمي بوداغا پارچالانيبدير. آذربايجان ميللي هرکاتي، کسينليکله هر هانسي بوداغين يانيندا يئر آلماماليدير. آ.م.ح (آذربایجان میللی حرکاتی) بو آشامانين سورجيني گؤزو آچيق نازير کيمي کئچيرمه ليدير. يوخسا، رئژيم ايچينده اولان ياريشين ان اودوزان طرفي آذربايجان اولار.

۲- ايکي بوداغين آراسيندا اولان ساواشين درينه وارماسييلا يئني فورصتلر و تهديدلر اورتايا چيخاجاقدير. آنلاشيلمازليغين، گؤروش آيريليغين و اوچورومون درينلشمه سيله رئژيمين بوتونلوگونده آچيقلار و بوشلوقلار مئيدانا گله جکدير. بو بوشلوقلار بيزيم اوچون بؤيوک فورصتلر سونابيلر. بو فورصتلردن دوغرو يارارلانارساق آذربايجانين قورتولوش يولونون اوفوقلريني گؤسترميش اولاريق.

۳- باشدا دا ايشاره اولوندوغو کيمي، آذربايجان ميللي هرکاتي نين تئهران داعواسيندا اريمه تهلوکه سي هئچده آز دئييل. آ.م.ح (آذربایجان میللی حرکاتی)-نين نئت و آچيق اولاراق رئژيم داعواسيندا يئر آلماسي نين ميللي هرکاتيميز اوچون بؤيوک ضربه لر و فلاکتلر گتيره جگينه کيمسه نين شوبهه سي اولماسين.

۴- آذربايجان ميللي هرکاتي نين فارسچي رئژيمين بير قانادي نين يانيندا يئر آلماسي نين آنلامي، گونئيين ميللي هرکاتي نين همان قانادين ايچينده اريمه سي دئمکدير.

گونئي آذربايجان قورتولوش پارتيياسي
يؤنتيم قورولو
۲۰/۰۶/۲۰۰۹