- بای بک، بیر میللتین سسی - http://www.baybak.com -

ياشاسين آذربايجان - Long live Azerbaijan

تئهران-دا آکسييا باش توتماليدير! بو گون نه لر اولاجاق؟

باي بک آذربايجان | اِلگؤن, ۳۰-ي قئزاران , ۱۱۰۰۹ اینجی ایل, چولا ۰۵:۴۹ [گ.ؤ] | ساولار

. گونئي آذربايجانا گلينجه، ميللي فعاللارين بير چوخو بو ساواشدان اوزاق دورماغا چاليشماقدان يانا اولدوقلاريني بيلديريبلر. گونئيدن ميللي فعاللارين وئرديگي بيلگيلره گؤره، اؤزل کئچيريلن توپلانتيلاردا آلينان قرارلارا اساسن، ميللي هرکاتي بو ساواشلارا داخيل ائتمه مک اؤچون چاليشمالار آپاريلماقدادير. فارس حاکيمييتي چاليشير تا آذربايجانيدا بو ساواشا داخيل ائتسين و ايستکلرينه نايل اولدوقدان سونرا ميللي هرکاتين ايچينده داغيتيجي ايشلريني گوجلنديرسين. سون گونلرده تورک اولدوغونا واران جناب موسوي و اونون لور اولان ياشامداشي آذربايجان آذربايجان دييه يالوارماغا و ساواشا گيرمک اوچون ايستکلر گؤندرمگه باشلاميشلار. حتّی جناب کروبي آچيقجاسينا تبريزدن يارديم طلب ائتميش. آما هله ليک تبريز فاللاري بو قارماشادان، کي اصلینده شووونيست ايله شووونيست، ايشقالچي ايله ايشقالچي ساواشيدير، اوزاق دورماغي سئچميشلر. آنجاق آرتيريلماليدير کي ميللي فاللار بو قارماشاني ياخيندان ديقت ايله گؤزتلييب و لازيمي يؤن وئرمه لري نظردن سالميرلار.

دونن ايران آدلانان اؤلکه نين ديني ليدئري اؤز چيخيشيندا خيياوانلاردا اعتيراضا چيخان جماتي ائوده اوتوروب و قانونا باش وورماغي اؤنرسه ده، آچيقجاسينا اونلاري حدله دي و “نه باشلارينا گلسه اؤز سوچلاريدير” دييه دوياري وئردي.

داها اؤنجه خبرين وئرديگيميز کيمي، ميرحسين موسوي و مهدي کروبي يانليلاري اعتيراض اوچون خيياوانلارا چيخيب و دينج گؤستريلر ياپماقا جهد ائديرلر. باي بک خاطيرلادير کي بو دينج آکسييالار بزن اؤزباشينا سيلاهلي قوروپلار طرفيندن چاتيشمايا چئوريليب و بير چوخلو اؤلو و يارالي واردير. چوخ ساييدا توتولانلارين آراديندا، ايصلاحاتچيلارين ليدئرلرينينده يئر آلديغي بللي ائديليبدير.

آيت الله علي خامنه اي جومه نامازينداکي چيخيشيندا رسمن موخاليفتي دوشمن آدلانديردي و گؤستريلره امير وئرنلري جاسوس اولاراق تانيتيب و اونلارين قارشيسيندا دايانيلاجاقدان سؤز ائتدي. آرتيراق کي بو سؤزلر بير چوخلو اوزمان طرفيندن موجخاليفتي داغيتماق امري نين وئريلديگي کيمي تعريف ائديلمکده دير.

باي بک آرتيرير کي جناب موسوي و جناب کروبي آدينا وئريلن بيلديريلرده، سئچکيلرين باطيل ائلان اولونماسي ايسته نيليبدير و ديني ليدئرين سؤزلرينه ضيدييتلي آدديمدا، بو گون گؤستريلرين دوام ائدجگي بيلديريليب.

مهدي کروبي جناب خامنه اي-نين دانيشيقيندان ياخلاشيق ايکي ساعات سونرا وئرديگي بيلديريده، گؤزجو شوراسي (شوراي نگهبان) و اونون گؤره وينه توخوناراق، ديني ليدئرين سئچکيلره اونايلاديغينا باخماياراق، ساختاليقلا باش توتان سئچکيلرين ايبتال اولونماسيني طلب ائتدي. ايسلام دئوريميندن سونرا ايلک دفعه اولاراق، ديني ليدئرين سؤزو او قدرده آلينماميشدير. آرتيراق کي جناب کرروبي مجليس باشخاني اولاندا آيتوللاه الي خامنئيي-نين “هوکومت امري”ني يئرينه يئتيرمکده، آزادليقا خيانتدن ايتتيهام ائديلميشدير.

باي بک-اين اؤزل اولاراق الده ائتديگي معلوماتا گره، سئچکيلردن اؤنجه حاضيرلانان پلانلارين آرخاسيندا دايانان روسيه کيمي اؤلکه لرين قلبه سينه قارشي، بؤيوک بريتانيا ايران آدلانان اؤلکه نين ميلياردلارجا پولونا ال قويدو. سؤزده ب.م.ت قرارلاريني اويقولاماق اوچون آدديما آتديغيني بيلديرن بريتانييا دئولتي، اصلینده سئچکيلرده اودوزدوغونون اؤزونو آلماقا باشلاميشدير.

باي بک آرتيرير کي بو آرادا آ.ب.ش يئتکيليلري نين سسسيز و مؤهتات داورانمالاري شوبهه لره ندن اولموشدور. ايران آدلانان اؤلکهده دئموکراسي نين ياييلماسي اوچون ايلده ياخلاشيق ۸۰ ميليون دوللار هزينه وئرن حاکيمييت، ايلگينج بير آدديم آتاراق او حزينه ني کسميشدير. دئييشلره گؤره، محمود احمدي نژاد-ين قاليب ائلان ائديلمه سينده موعاميله ائدن آ.ب.ش حاکيمييتي، ايران آدلانان اؤلکه يه دوستلوق گؤسترمک اوچون، موخاليفته دستک وئرمکدن واز کئچديگيني سرگيله مکده دير.

گونئي آذربايجانا گلينجه، ميللي فعاللارين بير چوخو بو ساواشدان اوزاق دورماغا چاليشماقدان يانا اولدوقلاريني بيلديريبلر. گونئيدن ميللي فعاللارين وئرديگي بيلگيلره گؤره، اؤزل کئچيريلن توپلانتيلاردا آلينان قرارلارا اساسن، ميللي هرکاتي بو ساواشلارا داخيل ائتمه مک اؤچون چاليشمالار آپاريلماقدادير. فارس حاکيمييتي چاليشير تا آذربايجانيدا بو ساواشا داخيل ائتسين و ايستکلرينه نايل اولدوقدان سونرا ميللي هرکاتين ايچينده داغيتيجي ايشلريني گوجلنديرسين. سون گونلرده تورک اولدوغونا واران جناب موسوي و اونون لور اولان ياشامداشي آذربايجان آذربايجان دييه يالوارماغا و ساواشا گيرمک اوچون ايستکلر گؤندرمگه باشلاميشلار. حتّی جناب کروبي آچيقجاسينا تبريزدن يارديم طلب ائتميش. آما هله ليک تبريز فاللاري بو قارماشادان، کي اصلینده شووونيست ايله شووونيست، ايشقالچي ايله ايشقالچي ساواشيدير، اوزاق دورماغي سئچميشلر. آنجاق آرتيريلماليدير کي ميللي فاللار بو قارماشاني ياخيندان ديقت ايله گؤزتلييب و لازيمي يؤن وئرمه لري نظردن سالميرلار.

باي بک آرتيرير کي ۱ هفته دير دوام ائدن گؤستريلر گئتديکجه هيجاندان دوشور و يئريني اؤلومجول شاشقينليغا وئرير. سئچکيلرين ايبتال اولونماياجاغي بير فاکت اولاراق اورتاليقدادير، موخاليفتين ان اؤنملي سيماسي اولان اکبر هاشمي رفسنجاني-دن خبر يوخدور و ان اؤنمليسي، بير چوخلو اؤلکه نين حاکيمييتي، تورکيه و آذربايجان-دا داخيل اولاراق، محمود احمدينژاد-ي تبريک ائتمکده ياريشا گيرميشلر. گؤرونن، پرده آرخاسي آنلاشمالار و حده-قورخولار گئتديکجه اعتيراضلاري سوسقونلوغا چئويرير و جماتي گونده لي سورونلارييلا يالنيز بوراخماقا يول آپارير.

BayBak, All about a Nation, بیر میللتین سسی
یازینی پی.دی.اف اولاراق ایمیل آدرسینه گؤنده ر

_ _ _ _ _ _ _
مربوط اُلان یازیلار


پایلاش | پرینت
بعضی عکسلر خبره باغلی اولمایا بیلیر. لطفا دیقتتلی اولون
بورا باغلي يازيلار:

گوروش ۱


  1. : Kerim سویلییر

    اِلگؤن ۳۰ قئزاران ۱۱۰۰۹ @ ۲:۲۴ آ.خ

    بوگون تورک میلتینی ساکیت اولماسی ایران ایسلام جومهوریتینه شوربا قیزدرماخ کیمی سائیلیر بوگون بیزیم میلتچیلریمیز ساکیت اولمالیدیر بیزیم ضیا لار بوگون اورمودان اردبیل دن همده تبریزده ن پیاده یولا چیخیب اوز میلی شوعار لاریمیزلا تهرانا گه لمه لیدیلر!
    ایندی تهران دا لیدر لیک داوا سی باشلانمیب آنجاق بونا اینانمالیوخ کی بو داوا باشلاناجاقدی چونکی میلتین ایستک لریله بو ایندیکی لیدر لرین سوزله رینده چوخ فرق واردی بیز او زامان لیدر لیک ائیله بیله ریک کی بیر ایبتکار گوسته رک او ایبتیکار دا بوگون ستارخان کیمین آنجاق آتسیز همده توفه سیز بیر یشیل بایراقلا تهران یولونا چیخمالیخ.

RSS بو یازینین گوروشلرینین یمی

http://www.baybak.com بای بک سایتیندان پرینت اولوب
http://baybak.com/say_668.azr یازینین اینترنت آدرسی

azeribaybak[at]gmail.com