اونونجو سئچيم، سونونجو سئچيم!

اونونجو سئچيم، سونونجو سئچيم! - بؤيوک رسولوغلو

باي بک آذربايجان | اُرتاگؤن, ۲۸-ي قئزاران , ۱۱۰۰۹ اینجی ایل, چولا ۲۲:۴۳ [آ.خ] | یازیلار

بوگون همين بؤلگه ده گوجلو ميللي تفککورون يارانماسيندا، بو توخونولماز اينسانلاريميزين رولو موثبت ديرلنديريله رک، بوندان سونرا دا گلنلره قاپيلاريميز آچيق اولماليدير.تاريخي تجروبه لردن فايدالاناراق، ديکتاتور رئژيملرين ايچيندن چورومه فلسفه سيني دوزگون درک ائتمه ليگيک.

امين و آرخايينام کي، آييق ميلتيميز بوتون ايمکانلاردان دوزگون فايدالاناراق، ميللي هرکاتيميزين تهريفينه ايمکان وئرمييه جکدير.

(اؤزل اولاراق باي بک اؤچون لاتيندن کؤچورولموشدور)

گئچميش پرئزيدئنت سئچگيلريندن اؤنجه و سونرا موناسيبت بيلديره رک، فيکيرلريمي ميلتيميزين هوزورلارينا تقديم ائتديگيم بيلينمکده دير. اؤلکه ده گئچيريلن ۱۰- جو پرئزيدئنت سئچگي اؤنجه سي موختليف يازي و موصاحيبه لرده، اؤزلليکله “تورکوستان قازئتينده کي” گئنيش موصاحيبه ده اؤز فيکيرلريمي آچيقلاميشديم.

سئچگيلردن سونرا، اونون نتيجه لري و ميللي حرکتيميزده کي تاثيري، همچي نين قازانيلان تجروبه لردن گله جکده دوزگون ايستيفاده يوللاري نين آخداريلماسي نين آراشديريلماسي ميللي بورجوموز ساييلماقدادير. گله جک قوشاقلاريميزين ايستيفاده سي، ياخين تاريخيميزين يازيلي اولاراق ساخلانيلماسي و اؤزلليکله تجروبه لرين گنچلريميزه ايلتيلمه سي باخيميندان، بو گؤروشون اؤنميني اينکار ائتمک اولماز. سئچگي قاباغي تبليقاتلار، دکتر اعلمي بئيين تبريزدن آدايليغيني قويماسي، موسوي بيين نامزدليگي و ائلان ائديلن سؤزده سئچگي نتيجه لري دريندن اينجلنديگي حالدا، دوزگون تهليل ايله گله جک يولوموزون دوزگون ختلري ايشيقلانا بيلر. بو سئچگيلرين نتيجه لري نين ساختالاشديريلديغيندان آسيلي اولمويارق، ميللي هرکاتيميزين سئچگي فعاليتلرينه قوشولاراق، يئني تجروبه سي تقديره لاييدير. ميللي هرکاتيميزين بو باشاريسي نين ان اؤنملي عاميلي دکتر اعلمي بيين آدايليغي اولسا دا، اونون علئيه اينه چيخان بعضي دوستلاريميزين منطيقه دايانان فيکيرلري ايله، غئيري سياسي قارشيدورمالارين فرقيني دوز آرشينلا اؤلچمه ليگيک. اعلمي بيي رئژيمين عاميلي کيمي قلمه وئرنلرين يانيلديغي بير حالدا، گئچميش تجروبه لري نظره آلاراق، هر هانسي بير شخصه رهبرليک ستاتوسو وئريلمه سي نين ضيانلاريني وورقولويانلار دا هاقلي اولاراق فيکيرلشديلر. آنجاق، بو ايشه قوشولانلار، رهبرليک داعواسي دئييل ميلتيميزين سسي نين ياييلماسي دالينجا اولدوقلاريني دفعه رلرله وورقولوياراق ميللي حرکتيميزين منافعيني قورودولار.

اؤزلليکله بللي دليللره گؤره ايراندا گئچيريلن بو دفعه کي پرئزيدئنت سئچگيلري نين گرگينليگي، بو آتيشمالارين گله جک گونلرده دوامي نين گؤزله نيلمه سي و اونا گؤره ميللي هرکاتيميزين تاکتيکلري و توتومو ديقتله تهليل ائديلمه ليدير.

آدايلار آراسيندا کي گرگينليگين موختليف سببلري نين يانيندا، اؤلکه ده ياشييان خالقلارين هوقوقلاري نين پوزولماسي، اؤزلليکله گونئي آذربايجان تورکلري نين دورومونون بؤيوک تاثيريني اينکار ائتمک اولماز. سئچگي اؤنجه سي تبليقاتلاردا، آدايلارين بير بيرلريني اوغرو، يالانچي، تالانچي کيمي ايتتيهاملاري نين، اؤلکه ده کي عومومي ايداره چيليگين هئچ بير سيستئمئ دايانماديغي و پرده آرخاسينداکي دارتيشمالارين اوزه چيخماسي نين گؤسترگه سيدير. باشقا سؤزله، ميلتين، تقريبن ٪۱۰۰- نين قوشولدوغو اينقيلابدان گؤزله ديگي ايستکلرين ٪۹۰- اي يئرينه يئتيرليمه ديگينه گؤره بو دورومون اورتايا چيخماسي قاچينيلماز ايدي. سئچگي نتيجه لريندن آسيلي اولموياراق، بو قارشي دورمانين ساکيتلشه جگيني دوشونمک دوزگون دوشونجه اولامازدي. گئچيجي اولاراق، بعضي شخصلرين آراچيليغي ايله بو ساواش مئيداني سوووسا دا، کين و نيفرتلرين يئنيدن گؤوره جگينه شوبهه يوخدور. بو ساواشين نتيجه لريندن آسيلي اولموياراق، گئديشاتي گؤستردي کي، آذربايجان ميللي هرکاتي ” آذربايجان مرکزلي دوشونجه سيستئميندن ” خاريج اولماماق شرطي ايله اؤلکه ده کي سياسي دورومدان اؤز منافعي اوغروندا دوزگون فايدالانماليدير. آنجاق هئچ بير شکيلده هر هانسي بير طرفه قوشولاراق، اؤز ائنئرژيسيني حدر ائتممه ليدير.

بو دورومو بير آز داها آيدينلاتماق اوچون داها گئنيش تهليله احتيياج اولدوغو گؤز اؤنونه آليناراق، موختليف حاللاردا ميللي هرکاتيميزين تاکتيکلري، قيسا- اورتا و اوزون واده لي پلان و پروگراملاري نين موباحيسه و موزاکيره واجيبليگي اينکار ائديلمزدير.بای بک

اونا گؤره آشاغيداکي نئچه سوالا جاواب وئريلملدير.

۱- حاکيمييت آراسينداکي بو ساواش بيترسه نه ائتمه لي، بيتمزسه نه ائتمه لي؟

۲- سئچگيلر لغو ائديله رک يئني سئچگيلره گئديليرسه نه ائتمه لي، گئديلمزسه نه ائتمه لي؟

۳-دکتر اعلمي کيمي آذربايجانليلارين ميللي هرکاتيميز ايچينده رولو نه اولمالي؟

مهدي بئي کروبي نين اؤلکه ده کي ميلتلرين هوقوقلاري ايله باغلي بيانييه سيندن سونرا اورتايا چيخان دوروم ايلگينج اولدو. چوخونلوغو تئهران بيلييوردوندا فعاليت گؤسترميش فارس مئييللي طلبه و موعليملرين، کروبي نين او بيانييه سي نين ضيانلاريندان دانيشاراق اونو و اونون کيمي دوشوننلري قامچيلاماسي اونوتولماماليدير. او گونه قدر کروبيني دستکليين داخيل و خاريجده کي ايران تشکيلاتلاري نين هاميسي، اوندان اوز چئويره رک تورک اولان موسويني دستکله مه يه باشلاديلار. چونکي، موسوي بي، بو دورومو گؤرنده ايرانين باشقا شهرلرينده ” ايران ميلتيندن، اونون بؤيوک تاريخ و مدنييتيندن و بزن فارس پرست مؤوقئيدن ” چيخيش ائديردي. احمدي نژادين بير چيخيشيندا ۳۷ دفعه ” بؤيوک ايران ميلتي ” سؤزونون ايشلتمه سي، محسن رضايي نين ۲۵۰۰ ايلليک فارس تاريخيندن دانيشماسي نين بير بؤلومو سئچگي تبليقاتي اولسا دا، فارسچيليق سيياستي نين اؤلکه ده کي رولونون بليرتيسيندن خبر وئرمکده دير. اونون اوچوندورکي، بيز او اؤلکه ده اونلارا قوشولماقلا دئييل، قوشولماماقلا قازاناجاييق. باشقا سؤزله، تهليللريميزده بونو هئچ بير زامان اونوتمامالي و اؤلکه ده کي سيايستلره بو زاوييه دن باخاراق، اؤز تاثيريميزي گؤسترمه ليگيک.

-يوخاريداکي بيرينجي سوالا جاواب وئررکن، حاکيمييت داخيلي بو ساواشين بيته جگينه اينانماديغيم اوچون بو ساواشا بيزيم قوشولماغيميزين بؤيوک ضيانلار گتيره جگي وورقولانماليدير. گؤروندويو کيمي، بو ساواش، عومومييتله فارسچي شووينيستلرين موختليف قوللاري آراسيندا گئدير و هر هانکيسي نين قاليبييتي بيزيم مغلوبييتيمزيدر. اونلارين تظاهوراتينا قوشولماقدان ضيان گؤره جگيميز کيمي، اينديليکده ميللي ايستکلرله خيابانلارا چيخماقيندا اؤلچولري دوزگون ديرلنديريلمه ليدير. چونکو، ايستر بوگون، ايسترسه ده گله جکده، بونلارين حاکيمييت داعواسيندا، بيزيم آکتيوليگيميزدن سويستيفاده ائديب، رقيبلريني سوسدورا بيلرلر. چوماقلاري بيزيم باشيميزا دؤيمه ايمکاني تاپارلار.

بو دورومدا، بيزيم ان واجيب مسئله ميز، ميللي هرکاتيميزين تبليقاتيني اؤلچولو اولاراق گوجلنديرمک، ژورنال، قازئت، جد و سايره چيخاريب ياياراق، ساييميزي آرتيرماقدان عيبارت اولماليدير. هئچ بير ايتگي وئرمه دن بو ايشي دوزگون يئرينه يئتيره بيلرسک، اؤز داخيليميزده تانيشليق اساسيندا سيستئملشه بيلرسک، گله جک حاديثه لردن دوغرو ايستيفاده مودئلينه ياخينلاشميش اولاريق.

بونون يانيندا، موناسيب فورصتلرده مدني حرکتلرله ميللي ايستکلريميزين ان يوموشاق فورمادا اؤنه سوره رک طلب ائتمگيميز دوغرو سيياست ساييلماقدادير. بو يوموشاق شوعارلارين ان تاثيرليسي ” آنا ديلينده مکتب ” موخاليفلريني عزمک اوچون حاکيمييتين الينه بهانه وئرمه ديگينه گؤره گئچرلي و آلتئرناتيولريني آز قيجيقلانديرديغينا گؤره چوخ فايدالي اولا بيلر.

-ايکينجي سوالين جاوابي منفيديرسه، يعني سئچگيلر لغو ائديلمزسه، دئمک کي، او اؤلکه ده ۱۰-جو سئچگي، سونونجو سئچگيدير. بو دورومدا، کروبي نين خاريجينده، ايصلاحاتچي آدي ايله مئيدانا گيرنلرين روحي وضعييتي نظره آلينيرسا، ياواش-ياواش ساکيتلشمه احتيمالي مووجوتدور. بو باش وئررسه، تدريجن داها شيددتلي ديني ديکتاتورلوق اوتوروشاجاغينا گؤره سئچگي اوصولو ايله دئييشيمين مومکونسوزلوگونو خالق آنليياجاق. هامي بيلير کي، تئهراندا خيابانلارا تؤکولن بير ميليون اينسانين هاميسي مير حسین موسوي نين پرئزيدئنتليگيني مودافيعه اوچون دئييل، بلکه ده بؤيوک اکثرييتي، اؤلکه ده کؤکلو دئييشيکليک ايسته ين موختليف فيکير قروپلاريدير. اونون اوچوندور کي، حاکيمييت داخيلي قارشيدورمالار سنگيسه و يا گيزلي آپاريلسا دا خالقين اعتيراضلاري ياتميياجاقدير. موباريزه مئتودلاريني دئييشديرمکله، قورخوسو تؤکولموش رئژيم قارشيتلاري بو ويا باشقا فورمادا حرکتلريني دوام ائتديره جکلر.ازربايجان ميللي هرکاتي، بير طرفدن اؤلکه ده کي حاديثه لردن کنار قالمامالي، او بيري طرفدن ده تئهرانداکي قودرت ساواشينا آلت اولمادان، اؤلکه ده کي آخي نين آلتيندا ازيليب، سيرادان چيخماماليدير.بای بک

آذربايجاندا خالقيميزين ايچينه درينليگينه گيرمه ديگيميز اوچون بو تهکوکه ايله اوزلشه بيلريک. بونو اؤنله مک اوچون طلبه لريميزين بوينونا بؤيوک گؤرو دوشمکده دير. اونلار، آذربايجانين موختليف کند و شهرلريندن اولدوقلارينا گؤره ميللي هرکاتين خالقين ايچينه گيرمه سينده بؤيوک رول اوينويا بيلرلر. ايمکانلي سويداشلاريميز، اؤزلليکله خاريجده ياشايان وارليلاريميز موختليف تبليقات واسيطه لري او جومله دن تو- لر ياراداراق، ميلتيميزين اويانيشيني آرتيرا بيلرلر.

حاکيمييته گلمک ايسته ينلرين ساکيتلشديرمه مئتودو ايله خالقين ساکيتلشديرمه مئتودلاري فرقليدير. اونون اوچون چئشيتلي تبليقاتلارلا، سئچگيلرده ساختالاشديرمانين اولماديغيني ايثبات ائتمه يه چاليشاجاقلار و نيسبي اولاراق دا بعضي فيکير قروپلاريندا باشاريلي اولاجاقلار. آنجاق، آشاغيداکي آچيق دليلرر گؤره پوزونتولارين سوبوتو اونودولماماليدير.

۱-گئچن سئچگيلرده کي ساختاکارليقلاري نظره آلماساق، دؤولتين وئرديگي رقملره گؤره سئچمنلرين ٪۶۰- ياخين بير يوزده سي ايشتيراک ائديردي. بو سئچگيلرده ٪۸۵- ه ياخين اولان رقم، دئييشيکليک ايسته ينلرين قاتيليمي ايله اولموشدور. باشقا سؤزله ۳۹ ميليون سسين ٪۲۵ –ي، يني تقريبن ۹ ميليون سس دينمز سؤله مز احمدي نژادا سس وئرمه ميشدير.

۲-گئچن سئچگيلرين بيرينجي و ايکينجي مرههله سينده کي سس داغيليمي آشاغيدا گؤستريلميشدير. بو رقملرين آناليزي بو دفعه کي سئچگيلرين ساخدتالاشديريلديغي نين گؤستريجيسي اولا بيلر.

(بيرينجي مرحله )
-علي اکبر هاشمي رفسنجاني، ۶.۱۶ ميليون سس.
-محمود احمدي نژاد، ۵.۷۱.
-مهدي کروبي، ۵.۷.
- باقر قاليباف، ۴.۷.
-محمد معین، ۴.۵.
-علي لاريجاني، ۱.۷۴.
-محسن مهرعليزاده، ۱.۲۹.
جمعي، ۲۹.۸.

( ايکينجي مرحله )
-محود احمدي نژاد، ۱۷.۲۵ ميليون سس.
-علي اکبر هاشمي رفسنجاني، ۱۰.۰۴.
جمعي، ۲۷.۲۹.

بو رقملر اؤزو اؤزلوگونده، گئچن سئچگيلرده کي ساختاکارليغين بير نيشانه سي اولدوغو کيمي بو سفرکي سئچگي نتيجه لرينينده اويدورما اولدوغونو آچيقجا گؤسترمکده دير. بيرينجي مرحله ده ايصلاحاتچيلارا ياخين نامزدلرين توپلام سسي تقريبن ۲۰ ميليون اولدوغو حالدا، ايکينجي مرحله ده احمدي نژادين قازانماسي نئجه موموکون اولار. او دؤنم، کروبي و رفسنجاني، ساخدالاشديرمايا قيسيتلي اعتيراض ائتسه لرده ايکي دليله گؤره باشيني قوومداديلار.

بيرينجيسي: او اؤلکه ده کي پريميتيو سئچگي سيسته مي، پروتوکول حاضيرلانماسي و نتيجه ائلانلاري کونترولا ايمکان وئرمه ديگينه گؤره، اعتيراضلارين نتيجه سيز قالاجاغي.

ايکينجيسي : هر حالدا رئژيمين داخيلينده کي قروپلارين هانکيسي نين پرئزيدئنت اولماسي نين ايسلام جومهورييتي اوچون بؤيوک فرقي نين اولماماسي.

ايکينجي مرحله ده رفسنجاني ايله موخاليفت اوچون احمدي نژادين سسلري نين ۱۷ ميليونا قالخماسيني سووونانلار وار. آنجاق، بو سفر رفسنجاني ايشين ايچينده اولماديغينا گؤره و همچي نين گئچن سئچگيلرده ايشتيراک ائدن نامزدلري مودافيعه ائدن قروپ، پارتي و قورولوشلارين اکثرييتي، کروبي ويا موسويني هيمايت ائتديکلرينه گؤره احمدي نژادين سسي آنجاق نوفوس آرتيمينا باغلي اولاراق ۸ ويا پول و يئرالما داغيتديغي اينسانلارين سايينا گؤره ۹-۱۰ ويا باشقا محافظه کارلارين هيمايه سينه گؤره ۱۱.۱۲ ميليون اولا بيلردي. بئله اولان حالدا، موسوي، کروبي و ريزاي چولوگونون سسي ۲۷-۲۸ ميليون اولمالييدي.بای بک

مير حسین موسوي نين سئچگي تبليقات مرکزي نين فعاللاريندان بيري، سايين مخملباف-اين فرانسا رادييوسونا همين گونلر وئرديگي بير موصاحيبه ده سؤيله ديگي سؤزلر ده، يوخاريداکي رقملري تصديقله يير. او، موصاحيبه سينده دئييردي ” داخيلي ايشلر نازيرليگيندن منه زنگ آچاراق، موسوي نين ۱۹ ميليون سسله پرئزيدئنت و احمدي نژادين ۱۲ ميليون سس ايله ايکنجي اولدوغونو بيلديرديلر. بو خبري موسوييه چاتديرديقدان سونرا، او، گونورتا چاغي اؤز قاليبييتيني ائلان ائدره رک، ميلتي تبريک ائتدي. آنجاق، اوندان سونرا نه اولدويسا، ورق دؤندو.

۱-محسن رضائي- نين تکيليفي اوزره سئچگيلرده کي ساختاکارليغين سوبوتو اوچون ” ميللي کدلار ” لا سس وئرنلرين کيمي سئچديکلري يوخلانيلا بيلر. بو يئرينه يئتيريلمه ديگي مودتجه، پوزونتونون وارليغينا شوبهه ائديله مز. همين مئتودلا آراشديرمالار ياپان ريزاي ۳.۵ مييون سس آلديغني وورقولارکن، اونا سس وئرنلرين ايکي گونده گؤندرديگي کدلار اساسيندا بير ميليونا ياخين سس آلديغي گؤستريلميشدير. حال بوکي، داخيلي ايشلر نازيرليگي نين يايديغي رقم ۶۰۰ مين گؤسترمکده دير.

۲-آشاغيداکي حاديثه لر ساخدالاشديرمانين اؤنجه دن حاضيرلانميش اولماسي نين سوبوتو ساييلا بيلر.

آ-داخيلي ايشلر نازيرليگي نين سئچگي کوميسيونونون اؤنجه دن بيلديرديگينه گؤره، سئچگي بؤلگه و منطقه لريندن گلن نتيجه لر نازيرليکده کي سئچگي اوداسيندا توپلاشاجاق و ائلان اولوناجاقدي. او گونو او اودانين باشيندا، آنجاق داخيلي ايشلر نازيري ” صاديق محصولي ” سئچگي کوميسيون باشقاني ” کامران دانشجو ” و امنييت ايداره سي موعاويني ” سردار احمد رضا رادان ” بولوناجاغي دا وورقولانميشدي. نتيجه لرين ائلان ائديلمه مئتودو، سسلرين سايي بيتمه دن ائلان ائديلمه سي، احمدي نژادين باشلانگيجدان دوز بير خط اوزرينه اؤنده گئدمه سي، بعضي بؤلگه لرده احمدي نژادين اؤنده اولما مومکونسوزليو کيمي حاديثه لر گؤستريرکي، بو اوچ نفر، حاضيرلاديقلاري سئناريو اساسيندا رقملري ميلته يئديرتميشلر. خامينئيي- نين تله سيک تبريکي آچيقجا گؤسترير کي، بو سئناريو اؤنجه دن يازيلميشدي. بو ساختاکارليق او قدر ناشيليقلا آپاريلدي کي، گؤندريلن سسلرين توپلانيب، موناسيب

بير شکيلده يئر به يئر ائديلمه سي ايله دئييل، پروتوکوللارداکي ساييلارا باخمادان قوراشديرديقلاري فورمول اساسيندا معلومات وئرديکلرينده شوبهه يئري قالماميشدير. بعضي منطقه لرده صانديقدان چيخان سس اوراني نين ٪۱۴۰ فايز اولماسيني بيان ائدن محتشمي، ساختاکارليق سيستئمينده کي فورمولو آنلاماميشدير، منجه.

او گونو داخيلي ايشلر نازيرليگينده بوتون چاليشانلارا مورخسليک وئريلمه سيني دوزگون ديرلنديرمک لازيمدير.

ب- سئچگي قاباغي مونازيره لر، هر شئيين آزادليقدا اولاجاغيني گؤسترمک اوچون اولسا دا، اصلینده بو ساختاکارليغين اؤرت باسدير ائتمه سي اوچون اورتايا چيميشيميش.

ج- کروبي نين پارتيياسي نين، ۲ ميليون عوضوو اولدوغو، پارتييا مسئوللاري طرفيندن بيان ائديلميشدي. عئيني حالدا اونون جسارتلي چيخيشلارينا رغبت بسليينلر آز دئييلدي. طلبه هرکاتيندان توتموش، چئشيتلي قوروم و قورولوشلارين اونو مودافيعه سي ده اونودولماميشدير. بوتؤو لرستانين ايکي ميليون سسينيده نظره آلارساق، اونا چيخارتديقلاري ۳۰۰ مين سس، آنجاق اونو تهقير اوچون، اينتيقام هيسسي ايله بيان ائديلميشدير. گئچميشده حاکيمييت قانادلاريندا خيدمت ائدنلرين، خالقين آزادليق داعواسينا قوشولانلاري نين گؤزونو قورخودماق دا بونون باشقا دليلي ساييلا بيلر. گئچن سئچگيلرده ۵.۷ ميليون سس آلان کروبييه اوخونان بو رقم ساختالاشديرانلارين ناشيليغي نين باشقا بير دليليدير.بای بک

بو و بونا بنزر ميثاللاري آرتيرماق اولسا دا، بو باره ده سؤزو بوندان آرتيق اوزالديب زامانيزي آلماق ايستميرم.

ايکينجي سوالين جاوابي نين موثبت اولما احتيمالي آز اولسا دا، يعني، سئچگيلر لغو ائديليب، يئنيدن گئچيرله جکسه، ميللي هرکاتيميزين داها آييق و گوجلو موداخيله سي خئييرلي اولا بيلر. فيکريمجه، تانينميش ميللي فعاللاريميزدان بيري نين، فداکارليق ائده رک، اؤز نامزدليگيني ايره لي سورمه سي، اينديکي دورومدا هرکاتيميزين بؤيوک باشاريسي ايله نتيجلنه بيلر. فداکارليق سؤزونو اونا گؤره ايشله ديرم کي، هر کسين بيلديگي کيمي بيزيم او اؤلکه ده پرئزيدئنت اولما ايستک و آرزوموز يوخدور. آنجاق، ميلتيميزين ال-آياغيني توپارلاييب گوجلو بير ديرچه ليش و ديره نيشه بؤيوک احتيياجيميز وار. ميللي هرکاتيميزيم ايچيندن چيخان بئله بير سويداشيميزين بو ريسکي قبول ائتمه سي، بؤيوک چتينيکلرله قارشيلاشاجاغيني بيلمه سي ايله قوشادير. آنجاق بو دورومدا هاميميزين وار گوجو ايله آداييميزين آرخاسيندا دورماسي و سون نفسه قدر ووروشماسي آذربايجانا چوخ شئي قازانديراجاقدير.

فارسچي حاکيمييت بونلاري بيلديگينه گؤره يئنيلنن سئچگيلرده آنجاق بو دؤرد نامزه دين ياريشماسينا ايمکان يارادا بيلر. بو حالدا دکتر اعلمي بيين اؤز دوروم، توتوم و ايستگيندن آسيلي اولاراق، اونون نامزدليگي نين قبول ائديلمه سي اوچون آپاريلاجاق فعاليتلر نيسبي باشاري قازانا بيلر.

- بو سفرکي پرئزيدئنت سئچگيلرينده، سايين دکتر اعلمي بيين نامزدليگي ايله باغلي آپاريلان ديرلي فيکير موباحيسه لري، ميللي فعاللاريميزين آييقليغي و مسئولييت هيسسيندن خبر وئرملکده دير. بو باره ده گئنيش موزاکيره لر آپاريلديغينا گؤره اونا يئنيدن باشلاماق نييتيم يوخدور. آنجاق، بير طرفدن، حتّی اوردو و سپاه داخيلينده اولان آذربايجانليلاري ميللي حرکته قوشولماغا دعوت ائدرکن، او بيري طرفدن ده رئژيمه و حتّی فارس شووينيزمي نين آيري-آيري قوللاريندا خيدمت ائتميش سيياستچيلريميزين بيزه قوشولماسيندا مانيه تؤرتمک منطيقه اويقون گؤرونمه مکده دير. هله، چاليشديغي ساهه لرده، ميللي هرکاتيميزين منافعي اوغروندا آدديم آتميشلارين حسابيني، مانقورتلاردان آييرما قابيلييتينده اولاماليييق. اونوتماماق لازيمدي کي، ايللر اؤنجه زنجاندان ميلت وئکيلي سئچيلميش، موحاريبه ياراليسي اولان سايين حکيمي پورون ميلتيميزه خيدمتلري آز اولماميشدير.

بو شخصييتين چتري آلتيندا ايشيق اوزو گؤرن “اميد زنجان” قازئتي نين ميللي هرکاتيميزداکي رولو اونودولماميشدير. بوگون همين بؤلگه ده گوجلو ميللي تفککورون يارانماسيندا، بو توخونولماز اينسانلاريميزين رولو موثبت ديرلنديريله رک، بوندان سونرا دا گلنلره قاپيلاريميز آچيق اولماليدير.تاريخي تجروبه لردن فايدالاناراق، ديکتاتور رئژيملرين ايچيندن چورومه فلسفه سيني دوزگون درک ائتمه ليگيک.

بؤيوک رسولوغلو
۱۸/۰۶/۲۰۰۹