- بای بک، بیر میللتین سسی - http://www.baybak.com -

ياشاسين آذربايجان - Long live Azerbaijan

ماهمودعلي چؤهرئقانلي-نين گونئي آذربايجاني هارادير؟ - تبريزلي باي بک

باي بک آذربايجان | اُرتاگؤن, ۲۸-ي قئزاران , ۱۱۰۰۹ اینجی ایل, چولا ۱۶:۰۹ [آ.خ] | یازیلار

. بو قيسسا باشلانقيجدا، دينله ين بئله آنلايير کي قويا “گونئي آذربایجانا اؤزل اولان بير تورک ميلتي” واردير. و، بو ” گونئي آذربايجان تورک ميلتي نين جمعييتي ۳۵ ميليوندور، کي اونون ۲۰ ميليونو گونئي آذربايجان اراضيسينده، و قالان ۱۵ ميليونو موحاجيرتده ياشايير.” و، بو “گونئي آذربايجانين ميلتي نين ياخلاشيق ياريسي، گونئي آذربايجاندان اوزاقدا اولان، تئهران و مشهد کيمي شهرلرده، کي ايران آدلانان اؤلکه نينديرلر ياشايير”.

آتالار سؤزو وار، دئيير کي: “کيشي نين سؤزو بير اولار”. بير ظارافات وار، دئيير کي: “موللادان سوروشدولرا نئچه ياشين وار؟ دئدي ۴۰! دئديلر ايکي ايل اؤنجه ده ائله بونو دئميشدين! دئدي: “کيشي نين سؤزو بير اولار” !” . بير ظارافات وئردير کي دئيير: “دئديلر دانيش، دئدي جاميش!”.

ماهمودعلي چؤهرئقانلي، اوخوموش اولسادا، ساواشچي اولسادا، ايسلامچي اولسادا، ليدئرليک خسته سي اولسادا، تام آنلاميندا “کيشي نين سؤزو بير اولار” سؤزونون گؤسترگه سيدير! آما، بير “کيشي نين سؤزو وار” بيرده “کيشي نين سرسمله مه سي”. ماهمودعلي بئي جنابلاري ايللردير کي اسکي قرامافونون اينه سي نين سئخئشدئغي کيمي، بير سؤزده قاليب و اونو هر بير اولايا گؤروش بيلديرنده تکرار ائدير!

ماهمودعلي بئيدن داها اؤنجه سورولموشدور کي، جناب چؤهرقانلي، سيز ايران-دايکن، دئديز کي گونئي آذربايجان ميلتي ۳۵ ميليون جمعييته ماليکدير. او تاريخدن گونوموزه، آزي ۱۵ ايل اؤتور! سيزجه، بو گونئي ميلتي هئچ آرتماييبميدير؟ سيزجه، بو گونئي ميلتي نين جمعييتي آزالميشميدير؟

سون چيخيشينيزي گئنه ده داريخمالي اولسادا دينله ديم، آما، تام باشلانقيجيندا، بلکي بير آز آچيق دئسم، سرسمله قارشيلاشديم! سرسم دئينده، ايهانت ائتمک ايسته ميرم، اگر اؤزونوزده ديقتله بير داها سؤزلرينيزه قولاغ آسساز، بلکي آنلارسيز!

گلين سيزين ايلک جومله لرينيزي بير داها بيرليکده اينجله يهک، بئله دئييرسيز کي:
“بؤيوک ميلت، … عزيز ميلت، … شرفلي و باشي اوجا ميلت، … بيلديگين کيمي، ايران آدلانان اؤلکه ده، چوخ حسساس، کيريتيک، و تاريخي بير آشاماداييخ، دؤنمده ييخ و مرحله ده ييخ. بيلديگينيز کيمي، چوخ اؤنملي و تعيين ائديجي رولو اولان حاديثه لر باش وئرمکده دير. بيز، گونئي آذربايجان تورک ميلتي اولاراخ، کي البتته بونون ۲۰ ميليونو گونئي آذربايجاندا، ۱۵ ميليونو تئهراندا، مشهدده و ايران آدلانان اؤلکه نين سايير ايالتلرينده، ويلايتلرينده و بؤلگه لرينده ياشاماقداديرلار.”

بو قيسسا باشلانقيجدا، دينله ين بئله آنلايير کي قويا “گونئي آذربایجانا اؤزل اولان بير تورک ميلتي” واردير. و، بو ” گونئي آذربايجان تورک ميلتي نين جمعييتي ۳۵ ميليوندور، کي اونون ۲۰ ميليونو گونئي آذربايجان اراضيسينده، و قالان ۱۵ ميليونو موحاجيرتده ياشايير.” و، بو “گونئي آذربايجانين ميلتي نين ياخلاشيق ياريسي، گونئي آذربايجاندان اوزاقدا اولان، تئهران و مشهد کيمي شهرلرده، کي ايران آدلانان اؤلکه نينديرلر ياشايير”.

جناب چؤهرقانلي، سيزين بو چيخيشينيز، هر زامان اولدوغو کيمي تام آنلاميندا آنلامسيز، يئرسيز و چاشباش بير چيخيشدير.

تمللريميزدن اولان، “آذربايجانين تاريخي اراضيسي”ني هئچه ساييب، “تورک شهري اولان تئهران”ي ياد ساييب، “مشهد و باشقا بؤلگه لري” ايشقالچي رئژيمه تسليم ائديب و اؤزونوزون بيله آنلاماديغينيز مساژلارين وئرمه سينده نه ايصرارينيز وار؟

قارداشجا بير اؤنري

دوکتور، يوردئر، عسگر و ليدئر بئي جنابلاري حضرت ماهمودعلي چؤهرقانلي،

لوطفا، لوطفا و لوطفا آذربايجانليلاري آنلاماز، آبتال و سادلؤوه سانمايين.
لوطفا، چيخيشلارينيزي يايمادان اؤنجه، کاسئت دولدورمادان اؤنجه، اونو بير عاغيللي آداما وئريب و گؤروش ايسته يين.
لوطفا، سيلاهلي عسگرلرينيزه، يوز مينلرجه امرينيزده کي عسگرلره، “گونئي آذربايجان ميلتينه” يول وئرنده، يولون نه اولدوغونو ان آزيندان اؤزونوز بيلين.
لوطفا، سياسي باخيشينيزا ايلرله مه ياپماق يولونو تاپين، و همن او يولو گئتمه گه باشلايين. او زامان بئله چيخيشلاردان اوزاق قالا بيله جکسيز.
لوطفا، اؤزونوزو باشدا، و ايناملي، آنجاق يئترينجه بيلگيلي اولمايان گئنجلري و ياشليلاري قانديرمايين.

سيزه بير نئچه دفعه اعتيراض ائتميشم، هم جانلي تئلئويزييا چيخيشينيزدا، همده يازيلي مقاله لر واسيطه سيله. آما، دييه سن “کيشي نين سرسمله مه سي بير اولار” مسئله سينه صاديق قالماقدا ايصرارليسيز.

سيياست مئيدانيندا سؤز صاحيبي اولماق اوچون، محض دانيشماق يئترلي دئييلدير. دانيشماق اوچون، لازيمي بيلگي و آرخالانا بيله جک سندلر اورتادا اولماليدير. سيزه درس وئرمک آماجيم يوخدور، آنجاق بيلديرمه لييم کي دانيشيقين اتکيلي اولماسي اوچون، اونا بير ويجود، بير ايضاحات و بير مودافيعه سيستئمي ياراتماليسيز. بئله کي، سيز دئييرسيز “ائله اولماسين بئله اولسون “، بو سؤزو “ندن”، “نه زامان” و “نه لره داياناراق” دئديگينيزي منطيقي، آچيق و مدني بير شکيلده آچيقلاماليسينيز.

سيزين سون چيخيشينيزدا، بير شخصين فيزيکي گؤرونتوسونه ايهانت ائديلير، بو ايش بير او قدر چيرکيندير کي فارسلارين بيزه بؤجک دئمه سي! بير شخصين اؤزونو يوخ، عمللري و دوشونجه سيني تنقيد ائتمک قورالينا اويماقلا، آذربايجان ضياليسي اولماق اوچون ايلک آدديم آتميش اولمالي اولاجاقسيز.

ميلتي بوش يئره آلداتماق چابالارينيزا سون وئرمه ليسيز و گرچکلري قبول ائتمه ليسيز. رويا و خيالدا ياشاماقلا، مجازي بير دونيانين ليدئري اولماق بير او قدرده چتين دييلدير. چتين اولان، گرچک دونيادا، گرچک سيياستچيلرله موباهيسه ائتمک و سونوج آلماقدير. لوتفن “قولاي و فايداسيز” ايله “چتين آنجاق فايدالي” سئچنکلريندن، ايکينجیسيني سئچيب و “تورک ميلتي”نين “آذربايجانلي بويو”نا خيدمت اوچون چاليشين.

سيزين کئچميشده کي داغيتيجي و آيريليق سالان سيياستلرينيز سايه سينده، بو گون ميللی فعاللار آراسيندا يئرسيز آما ييخيجي تارتيشمالار، چاتيشمالار و حتّی يامانلاشمالار يارانميشدير. سيز “ويلايت فقيه”ه سالديرارکن، عجبا، هئچ اؤزونوزه دوشوندونوز مو؟ سيزين اوندان نيينيز فرقليدير؟ گاموح ياراديب و ميللي هرکاتيميزا “خرچنگ خسته ليگي” يايديغينيزين فرقي، علي خامنه اي-نين اويونلاريندان فرقلي ميدير سيزجه؟ “عاغيللي دوشمانلا” ساواش داها قولاي اولاجاقدير، آما، “عاغيلسيز دوست” ايله اوغراشماق بير او قدر فايدالي و قولاي اولماديغيني سانيرام بيليرسيز.

من سيزدن، سون چيخيشينيزينن محض باشلانقيج بؤلومونو* بير داها دينله مه نيزي ريجا ائديرم. اونو فايل ائديب و بو مقاله ايله گؤندريرم. سونرا، اگر سيزين آنلاديغينيز بير شئي اولموشدورسا، منه ده بيلديرين تا بيلگيلريمي يئنيله ييم.

جناب چؤهرقانلي، بو گون فارس حاکيمييتي نين اؤز ايچينده يارانان ساواشلارين قورباني اولماماق اوچون، هاميميز چاليشماليييق. يالان يئره، گئچيجي اولان بو ساواشا قوربان ائديلمه مه ليگيک. سانمايين کي بو ساواش حاکيمييتين سونو دئمکدير. اينانمايين کي “صاباح کوردلر، بلوچلار و باشقا خالقلار” يئديلر و بير آج قالديق. سانمايين کي اؤز ايستکلريله، باشقا آماج اوچون خيياوانلارا چيخان آذربايجانليلار آدينا بيلديري وئرمکله، اونلارين کونترولونو اله آلا بيلرسيز! سانمايين يارانان ساواشداکي اودون دوماني بيزه خوش گله جک.

بوراخين اوغرولار بيربيريني پارچالاسين، دوغرو اولان حالده، ان يارالي ني اؤلومه سوروکله مک، و آز يارالاناني ايسه ساغالماقدان اوزاق ساخلاماق سيياستيميز اولماليدير. لوطفا پوپوليستي ايشلردن اوزاق دورون و يئتيشکن سيياستچي کيمي، سياسي بیر قورومون آنلاييشلي باشخاني کيمي اؤز يئرينيزي قورويون. سيزه ايللر اؤنجه دئميشديم کي گاموح هرکاتيميزا لازيمدير، اونو اولدوغوندان داهادا پيس گونه سالمايين.

سيزه جان ساغليقي آرزو ائيدرم.

يولوموز بلليدير، ساغلام بئيين و گوجلو وجود لازيمدير

تبريزلي باي بک
۱۷/۰۶/۲۰۰۹
کرويدون

*

Audio clip: Adobe Flash Player (version ۹ or above) is required to play this audio clip. Download the latest version [1] here. You also need to have JavaScript enabled in your browser.

To download: [2] click here
[3] www.baybak.com…

BayBak, All about a Nation, بیر میللتین سسی
یازینی پی.دی.اف اولاراق ایمیل آدرسینه گؤنده ر

_ _ _ _ _ _ _
مربوط اُلان یازیلار


پایلاش | پرینت
بعضی عکسلر خبره باغلی اولمایا بیلیر. لطفا دیقتتلی اولون
بورا باغلي يازيلار:

گوروش ۲


  1. : Sehend سویلییر

    اُرتاگؤن ۲۸ قئزاران ۱۱۰۰۹ @ ۴:۲۶ آ.خ

    Cenab Babek bey tebrizli mence bu konuda sizler sarsaxlamışsınız…
    çoxdandı ses seda yoxudu ancak Çöhreqanlı beyin sesinden sonra sizlerde hereketde geçtiz amma malesef devlete qarşı yox genede özümüze qarşı !!
    sizlerin ne amac daşıdığını anlamş değilim.sizleri bir ATa benzedirem ki noxdanı yerden çıxardıb bir yere iki özüne vurur buraxın bu çamur atmayi işinize baxin güneyde qan tökülür siz genede başladız hemeşe ki kimi sarsaxlamanıza .bu fürsetifaydalanmax lazimdiii

  2. : احمد یزدانی سویلییر

    اُرتاگؤن ۲۸ قئزاران ۱۱۰۰۹ @ ۷:۱۳ آ.خ

    آقای بابک بئی تبریزی ، سلامدان سونرا سیزین نیفرتله دؤلو سؤزلرینیزدن والله هئچ بیر شئی باشا دوشمه دیم. آخی قارداش بیر سیاسی انسانین یازیسی بئله اولمامالیدیر. تنقیدینیز وارسا اله یازین کی بیطرف انسان سؤزلرینیزدن استفاده ائده بیلسین. نیفرت ، نیقرت و بیر داها نیفرت سیزین یازینیزین محتواسیدیر.
    حورمتله
    برلین ، یزدانی

RSS بو یازینین گوروشلرینین یمی

http://www.baybak.com بای بک سایتیندان پرینت اولوب
http://baybak.com/say_652.azr یازینین اینترنت آدرسی

azeribaybak[at]gmail.com

یازیده ایشه آلینان اینترنت آدرسلری
[1] here: http://www.adobe.com/shockwave/download/download.cgi?P1_Prod_Version=ShockwaveFlash&promoid=BIOW
[2] click here: http://www.baybak.com/ses11007/MahmudeliChohreqanliSersemledi17062009GuneyTurkMilletSechki.mp3
[3] www.baybak.com…: http://www.baybak.com/ses11007/MahmudeliChohreqanliSersemledi17062009GuneyTurkMilletSechki.mp3