کؤهنه حامام، کؤهنه تاس!

کؤهنه حامام، کؤهنه تاس! - سيروس آزادي

باي بک آذربايجان | اُرتاگؤن, ۲۸-ي قئزاران , ۱۱۰۰۹ اینجی ایل, چولا ۰۱:۰۷ [گ.ؤ] | یازیلار

اونوتماياق کي، سئچديگيميز يول دوغرو اولماسا و ميلتين چيخارتلاري دوؤرولتوسوندا حرکت ائتمه سه ک کيمسه شخصي چيخارلارينادا قوووشا بيلمييه جک. عکس تقديرده هر کس اؤز آرزوسونا چاتميش اولاجاق.

بيزيم اؤزوموزدن باشقا دوستوموز يوخدور! بير-بيريمزه يار اولاليم او زامان آماجيميزا چاتميش اولاجاغيق.

“سئچگي” قاباغي آپاريلان جانفيشانليق و يا فداکارليقلارين اوستوندئن چوخ کئچمه ييب.

ماشاللاه دئيک گؤز ديمه سين تئشکيلاتلاريميزدا آز دئييلدير. باخميياراق کي، موختليف فيکيرلر اورتايا قويوردولار آما رسمي اولاراق هئچ بيانات فيلاندا وئرميرديلر. ائسلينده ايران رسميلري ايستگينه چاتدي. ائساسا ايسته ديکلريندن بيري ده بوندان عيبارتيدير کي، گونئي آذربايجان تورکلرين هانسي واسيطه ايله اولور-اولسون سئچگي صانديقلارئي جلب ائديب و ايران آدلانان اؤلکه ده همريليک اولدوغونو و گونئي آذربايجان تورکلري ايران رئژيمي نين يانيندا اولدوغونو نوماييش ائتديرسين. گؤره سن موسوي-ني و يا ديگر “آذربايجان” اصيللي اولان ناميزدلري مودافيه ائدن شخصلر و يا قوروملار اؤزلرينه سوال وئرديلر کي، عجبا ايندييه قدر بو شخصلر، ايران رئژيمي نين يوکسک قوروملاريندا چاليلشارکن ، او زامانلار فرقينده ايديلر کي آذربايجان آدلانان يئرده ۴۰ ميليونا ياخين تورک ياشايير و اونلارين بوتون اينساني و ميللي هاقلاري پوزولور؟ نئجه اولدو کي، ۱۰-جو جومهور باشقاني “سئچگيلرينده” آذربايجان يادا دوشدو؟ ‘ عجبا هدف ۱۳ ميليون سئچگيده ايشتيراک ائده بيلن و سس وئرمه حاقي اولان، آذربايجان تورکونو صانديقلارين باشينا چکيمک دئييلدي مي؟ بير سيرا هيسسلري قالديران يالانچي ودلر و شوعارلارلا يئنه ده کئچميشده اولدوغو کيمي بيزي آلته چئويريب ايشلرينه دوام ائرتسينلر. آتالار دئميشکن يئنه ده کؤهنه حامام، کؤهنه تاس!

دئيرلي سويداشلاريم؛

بيزيم ميلتين چوخ بؤيوک شانسلاري اولدوغو آچيق و آيديندير، سادجه بيز بوندان نئجه يارارلانماغي باجارميريق او قدر. بيلديگينيز کيمي، بو گون ايران آدلانان اؤلکه ده ايستر سياسي و ايسترسه ده ميلي پروسئسلرده آذربايجان تورکلري نين الينده اولان ميليونلوق بير موجاديله صحنهسينده وار اولماسي، بيزدن باشقا هئچ بير ائتنيک و يا سياسي قوروملارا خاصس دئييلدير. من تام امينليکله دييه بيلرم کي اگر بيزيم اليمزده اولان ايمکانلار باشقالاريندا اولموش اولسايدي، چوخدان ايستکلرينه چاتميشديلار. ايسباتي اولاراق بيلديريم. ۲۰۰۶ مي (خرداد ۱۳۸۵) حاديثه لريني خاطيرلاياق! او واختدان بو گونه دييشن ندير؟ ائلبتده دييشن عاميللر وار. گونئي آذربايجاندا فلليليق داهادا آرتميشدير و بير آزدا پيشميش اولماسي هاميميزا آيديندير. آما دييشمه يه ن يؤنلر هانسيدير؟

بو سوالي منجه هامي ايلک نؤبه ده اؤزونه و يا ياراتديقلاري تشکيلاتلارا وئرمه ليدير. بيز ۲۰۰۶ حاديثه لريندن هانسي عيبرت وئريجي درسي آلديق. ائجبه، ۲۰۰۶ دا بيزيم گوجلو اورقانيزه ائديلميش سيرف ميللي ماراقلاريميز اوزرينده بيرئليک ياراديب و ميليونلوق بير کوتله ني ايستيقامتلنديرن و حتّی، بو ميلليونلوق کوتله ني ايستيقامتلنديريب موستيقيلليگيميزي الده ائتمک عرفه سينده قوراجاغيميز دؤولتي نئجه، کيملر، و هانسي يئتيشميش کادرلار و پوليتيکاچيلارلا ايداره ائده جگيک؟بای بک

بو گون اگر فارس رئژيمي کئچيرديکلري “سئچگيلرده” بيزي نئچه يئره پارچالاييب مقصدينه چاتماغا چاليشيرسا، گؤره سن او، زامان بيزي نئچه يئره پارچالاييب قارشي- قارشييا قويوب ايستگيميزي اورگيميزده قوياجاقلار؟

سون اولاراق نتيجه ني بوندا گؤرورم! بيز هله يئتيشمه ميشيک، هله تام اولاراق نه ائتديگيميزي و ايستگيميزه نئجه ناييل اولاجاغيميزي بيلميريک. او اوزدنده چوخ زامانلار سهو آدديملار آتيريق.

هر هانسي آدديم آتمادان بير داها چوخ دوشونمه ميز لازيمدير.

بيز ميلتيميزين و وطنيميزين نيجاتي يولوندا موجاديله آپاريريق. هر هانسي يالنيش آدديملارلا و يا قرارلارلا ميلتيميزين بالاري نين قانينين تؤکولمه سينه سبب اولماماليييق.

بو گون ايران آدلانان اؤلکه ده فارس رئژيمي نين قوللوقچولاري حاکيميتي بؤلوشمک اوچون بير-بيريلري ايله ساواشيرلارسا بونلارين يانيندا بيزيم يئريميز يوخدور، ايستکلريميزده تمامي ايله فرقليدير. حتّی ذره قدر ده موشترک يؤنلريميز يوخدور قناعتينديم.بای بک

بيز يالنيز بو دورومدام، اونلارين يانيندا يئر آلمادان ميللي چيخارلاريميز نه گره کي ردسه اونودا ائتمه ميز لازيم. تبيي کي سويداشلاريميزا هئچ بير خلل گلمه دن.

۲۰۰۶ مي (خرداد ۱۳۸۵) حاديثه لرينده چوخ ايتگيلر وئررديک، چوخ ساييدا شهيدلريميز و ياراليلاريميز اولدو، سايسيز حسابسيز سويداشلاريميز حبسه آليندي و ايشکنجه لره معروض قالدي، هاميميز بير سيرادا يئر آلديق چونکي، ميللي کيمکليگيميز مودافييه ائديرديک ، ميللي و اينساني هاقلاريميزي الده ائتمک اوغروندا موجاديله آپاريرديق، بو گونده او يولدا اولاق.

بيزيم اؤزوموزدن باشقا دوستوموز يوخدور! بير-بيريمزه يار اولاليم او زامان آماجيميزا چاتميش اولاجاغيق.

تانري بيزي قوروسون.

سايقيلاريملا؛
سيروس آزادي
۱۷/۰۶/۲۰۰۹