رئژیم آشیقلارینین سئچگی سونراسی حئسابلشمالاری٫ واحید مستقیل آذربایجان جبهه سی بيلديريسي

باي بک آذربايجان | تُزگؤن, ۲۶-ي قئزاران , ۱۱۰۰۹ اینجی ایل, چولا ۰۴:۴۱ [گ.ؤ] | بیلدیریلر

واحید مستقیل آذربایجان جبهه سی بو رئالیقلاری نظره آلاراق تیکرار میللی قووه لره بونو خاطیرلاتماق ایسته ییریک کی، اوز حئسابلاریمیزی مستملکه چی رئژیمین حئسابلاریندان آییرمالی ییق، ایقتیدار داواسیندان اوزوموزو اوزاق توتمالی ییق. امما آییق ـ ساییق ،حاضیرلیقلی و هر شئیه آماده اولمالی ییق. واختی چاتاندا اوز مراق و هدفلریمیز اوچون حرکته کئچمه لی ییک.

ایران آدلانان یثرده سوزده جیمهور ره ییسی سئچگیلری نین سونا چاتیب و احمدی نژادین قازاندیغی اعلان اولونماسیندان سونرا، موسوی نین طرفدارلاری تئهران باشدا اولماقلا چئشدلی شهرلرده اعتیراض یورویوشلرینه باشلامیشلار.سئچگیلرین دوزگون اولمادیغینی ایدعا ائدیرلر.بئله یورویوشلر آذربایجان شهرلرینده ده کئچیریلمکده دیر.

واحید مستقیل آذربایجان جبهه سی بو وضعیتی نظره آلاراق اوزونو میللتیمیزه ، عضو و طرفدالارینا توتاراق بو اویونا قاتیلمامالارینی توصیه ائدیر. سئگیلردن قاباق بیز اوز فیکریمیزی اچیقلامیشدیق. و بو سئچگیلره قاتیلماماغی ایسته میشدیک. چونکی فارس ایرقچی شوونیستلرینین مستعمره سینده اولان آذربایجان میللتی نین مستعمره چی نین سئچگیلرینه قاتیلماسی گولونج بیر ایش اولاردی. ائله هامان شکیلده سئچگی سونراسی ایقتدار ایچینده کی حئسابلشمالارا قاتیلماقدا بیزیم میللتین میللی چیخارلاری ایله باغداشمیر. ایسته ر حاکمیتده احمدی نژاد اولسون، ایسته رسه ده خاتمی و رفسنجانی نین قویروغو اولان موسوی اولسون، تئهران رئژیمی نین مستملکه چیلیک سیاستی ده ییشمییه جکدیر.آنجاق بیز میللتچی لرین بو کئشمه کئشده ن نه سایاق اوز میللتیمیزین موباریزه سینده یارارلانماغی دوشونمه لی ییک.

بیزیم میللی هدفیمیز اوز ایستیقلالییتیمیزی الده ائتمکدیر. بوتون گوجوموزو بو یولدا صرف ائتمه لی ییک. دویغوسالیغا(احساستا) قاتیلیب، رئژیم ایچینده کی ایقتیدار داواسینا قاتیلماق بیزیم موباریزه میزه بیر خئییر گتیرمییه جکدیر. عکسینه بیر عده میللتچی سویداشیمیزین اولمونه ، دوسداغا دوشمه سینه سبب اولاجاقدیر. بونودا بیلمه لی ییک کی، ایران آدلانان یئر دئموکراتیک لشیب ، دونیانین ان یوکسک دئموکراسی اوردا اولسا بئله، یئنه بیز آذربایجانلیلارا هئچ بیر شئی یئتیشمییه جکدیر. بوناگوره ده بیزیم یولوموز ایرانین یولوندان آیریدیر.

بونودا بیلمه میز لازیمدیرکی، خاریجی قووه لرین بو کئشمه کئشلرده مراغی واردیر. اونلار اوز میللی و ایقتیصادی منافع و چیخالارینی دوشونورلر. خمئینی نی اینقلاب آدی ایله شاهین یئرینه گتیره نلر، ایندی هامان اویونون بالاجاسینی اویناماقدادیرلار. بو ده فعه سئچگی پالتوو آلتیندا رفسنجانی، خاتمی و موسوینی بو اولکه یه حاکیم کسمک ایسته ییرلر. تاکی ایرانین بازارینی الده ائدیب، سیاسی مراقلارینی تام شکیلده اویقولاسینلار. ایران دئییله ن یئرده اسارت زنجیری آلتیندا یاشایان میللتلرین آغیر وضغییتی اونلاری علاقه لندیرمیر ، هله لیک ایران دئییله ن یئرده رئژیم ده ییشمه سینیده ایسته میرلر.

واحید مستقیل آذربایجان جبهه سی
۱۵/۰۶/۲۰۰۹