فارس سئچکي لري، فارس گوج ساواشي، آذربايجاني قوربان ائتمک اوچون قوللانما چابالاري، باي بک بيلديريسي

باي بک آذربايجان | باشگؤن, ۲۵-ي قئزاران , ۱۱۰۰۹ اینجی ایل, چولا ۲۳:۵۴ [آ.خ] | بیلدیریلر

فارس حاکيمييتي بو گون چاليشير تا آذربايجاندا گوجلنن ميللي هرکاتيميزي بير داها پارچالاسين. اکبر الميچي، ميرحسين موسويچسي، مهدي کروبيچي، محسن رضاييچي و حتّی محمود احمدينژادچيسي نين ساواشي بيزيم ساواش دييلدير. بو گئچيجي اويونا گيرمه دن، آذربايجان ايستيقلال ساواشينا بيرليک و گوج قازانماليييق.

فارس حاکيمييتي نين اله کئچيرديگي بؤلگه نين اسل صاحيبي آذربايجان تورکلريديرلر، بو بؤلگه ده، تورکلر الي ايله چوخلو دفعه اينقيلاب اولموشدور، قهرمانلار دوغموشدور و اورتدا دوغودا مدنييتلرين اينکيشافينا چاليشيلميشدير. بونلارين آنلامي سادجه بودور کي بؤلگه بيزيمدير، بيزيمده قالماليدير.

آنجاق، ايشقالچي رئژيمين گوجلنمه سي، اونون سياسي و ايقتيصادي قايناقلارا قونماسي و خاريجي گوجلردن هيمايت اولونماسي بيزلر اوچون ان اؤنملي سوروندور. بو گوجو داغيتماغ اوچون، فارسلاري بيربيرينه قارشي قويماق لازيمدير.

ايران آدلانان اؤلکه ده ۱۰-جو جومهورباشخانليغي سئچکيلرينده آذربايجاني قوللانماق اوچون گئنيش پلانلار حاضيرلايان ايشقالچيلار، سئچکيلري اينسانلار طرفيندن قبول اولوندو دييه تورک آدايلاري نين گوندمه گتيردي. بو آرادا بير سيرا سياسي دوشونجه دن يوخسول اولان، آنجاق، مئدييا گوجونه ماليک اولونان شخصين ترس بيلگي وئرمه لري، بيله رک ميلتيميزي قانديرمالاري و فارسلارين سئچکي نوماييشينه حياجان قاتمالاري هاميميزي اوزدو.

سئچکيلر تورکلر طرفيندن بويکوت اولسايدي، بو گون ۶۰٪ سئچيجي نين سسيندن سؤز گئتمزدي. آذربايجانليلار سئچکيلره قاتيلماسايديلار، بو گون فارس حاکيمييتي دونيا کامويوندا ايشقالچي اولاراق آليناردي، نه اينکي قانوني سسلرين ساختالاشماسيندان گوناهکار تانينان لئقال بير رئژيم!

بيز اينانيريق کي بو گون خيياوانلارداکي ساواش آذربايجان ساواشي دييلدير. بو ساواش فارسلارين اؤز آراسيندا باش توتان، آنجاق پلانلانميش شکيلده بيزيم ياراريميزا چئوريله بيله جک بير ساواشدير. بو گونب بو ساواشين ايکي طرفي چاليشير تا آذربايجاني مئيدانا گتيريب و اؤز خئيرينه قوللانسين تا باشقا فارس طرفي يئنسين! دفعه لرجه بيزلري قوللانان فارس ايشقالچيلاري چاليشيرلار تا گئنه ده بيزي قوربان وئره رک اؤز آرالاريندان حاق-حساب تميزله سينلر. ساواش بيتديکدن سونرا، گئنه اسکي حامام و اسکي تاس اولاجاقدير.

بو گون آذربايجانليلار هر يئرده ساواشدان اوزاق دوراراق، ميللي ماراخلاريميزي اويقون اولان آدديملار آتماليديرلار. بو دوغرولتودا، ايکي طرفي بير بيريله داها دوشمان قيلماق اوچون ايشلملر ياپيلماليدير. ايکي طرف ايله بللي کاناللاردان باغلانتي قوروب و ايستکلرين يئرينه يئتيريلجگي حالده اونلارا بللي و ليميتلي يارديم ائديلجگي دانيشيلماليدير. بو گون بيزيم ميللي ماراخلاريميزدير کي ايکي فارس طرفينه ايلتيلمه لي، اونلاردان گله جک اوچون حساب آلينماليدير.

باي بک اولاراق، ميللي فعاللاري هيجانلاردان اوزاق اولاراق، ايلري دوشونجه لي اولماغا چاغيريب و فارسلاري اؤز حالينه بوراخاراق، اونلارين زيفلنمه سينه زمين حاضيرلاتناماليديرلار.

گؤرونور کي هر زامان فارسلار تهلوکه يه دوشنده آشکارلانيب و منطيقسيز بيلديريلر و مقاله لر وئرن مانقورتلار، حتّی ايچيميزده اولان فارسلار گئنه ايشه باشلاميشلار. آذربايجاندا بوش هيجان ياراتماق اوچون، فارسلاري گوجلو ياپماق اوچون جايديريجي يازيلار ياييلماقدادير. حتّی گؤرونور کي فارس پارتييالاري آذربايجانليلارين سسسيز قالماسيني آچيقجا ديله گتيريب و اونلاريدا فارسلارين اويونونا گيرمگه چاغيريرلار!

بونلار اونو ايثبات ائدير کي فارس حاکيمييتي گئنه ده تورکلره مؤحتاج اولوب، تورکلري قوللاناراق اؤز ايشقالينا داها آرتيق زامان قازانماقا چاليشير.

آذرئبايجان مسئله سي بو گون گوندمده قالينماليدير، آنجاق دونيا کامويونا فارسلارين الي آلتيندا قول اولان گوجسوز سؤمورگه اولاراق تانينماماق اوچون، بو ساواشدان، قارداشلارين بيله قارشي دوراجاغي اويوندان اوزاق دورماليييق.

باي بک توپلومو
۱۵/۰۶/۲۰۰۹