ايران يئتکيليلري خيياوان ساواشييلا يانيانا سايبئر ساواشينادا باشلاييبلار (ويدئو)

باي بک آذربايجان | باشگؤن, ۲۵-ي قئزاران , ۱۱۰۰۹ اینجی ایل, چولا ۱۸:۱۰ [آ.خ] | ساولار

ويدئودا آچيقجاسينا گؤره جکسيز کي فارس سيته سينه گيرديکدن سونرا، آشاغيدا (Status Bar) ميرحسين موسوي آدينا يارانان ايکي سيته يه باغلانتي گؤندريلير و بو ايشلم هر ثانيه تکرار اولور. بونو گؤرمک اوچون، فارس سيته سينه فيرئ فوخ آراشديراني (Browser) قوللانيب و اؤزونوز شاهيد اولا بيلرسيز. آرتيراق کي بير سيرا سيته ني قوللاناراق، عئيني سالديريلار، اعتيراضچيلار طرفيندن فارس، رجا و ايرنا کيمي سيته لري اويقولانميشدير

سون زامانلاردا اينتئرنئت دونياسينا کونترول اوچون گيريش ياپان ايران آدلانان اؤلکه نين حربي گوجو اولان سپاه پاسداران (دئوريم قوروجولاري) بير سيرا سالديريلار دوزنله ميشلر. بونونلا بيرليکده، رئژيم يئتکيليلريسه اينتئرنئته قاداغالاري چوخالديب و بير سيرا شخصي توتوب و چوخلو سيته يه فيلتئر اويقولاييبلار. باي بک سيته سي اولاراق، ياخلاشيق ۵ ايلدير کي سيته ميز ايران آدلانان اؤلکه ده فيلتئردير و سويداشلاريميز قولايجاسينا سيته ميزه اولاشا بيلميرلر، اونا گؤره ده چئشيتلي فيلتئر سينديران پروقرام قوللانماغا مجبور قاليب، بعضن بيلگيسيز اولدوقلاري اوچون قورخودان سيته لره باش چکمکدن واز کئچيرلر.

باي بک-اين آراشديرمالاري سونوجو، فارس خبر آگئنتليگي اينانيلماز شکيلده ميرحسين موسوي نين سيته لرينده دوزنلي سالديريلار ياپماقدادير. بئله کي سيته لرينده يئرلشديرديکلري پروقرام واسيطه سيله، هر بير زيارتچي نين خبري اولمادان، اونون باغلانتيسيندان يارارلانيب و جناب موسوي نين سيته لرينه باغلانتي گؤندريرلر. بئله ليکله ده ميرحسين موسوي نين سيته لرينه ايسته نيلمز باغلانتيلار گؤندريلير و سيته لري قوللانيلماز حاله گتيرير.

باي بک آرتيرير کي چئشيتلي يوللار ايله سيته لري ايشدن سالان فارس حاکيمييتي، بئله آشکار سالديريلاره نئجه ايضاحات گتيره جکدير. فارس خبر آگئنتليگي تانينميش و رسمي بير آگئنتليکدير و بو سلايريلارين ياپماسينا گؤره محکمه ليک اولماليدير. آرتيراق کي سون گونلرده زيارتچي نين چوخالديغيني بهانه ائدن فارس آگئنتليگي، سيته ني يئني فورماتدا يايينلايير آنجاق بو بهانه محض باشقا سيته لره سالديرماق اوچون ايشه آلينميشدير.

To download: [1] click here