ميللي پارتي موراجيعتي: ميللي فعاللار و اويه لرين ديقتين, “دوزاغا دوشمه يه ک!”

باي بک آذربايجان | آراگؤن, ۲۴-ي قئزاران , ۱۱۰۰۹ اینجی ایل, چولا ۲۳:۲۰ [آ.خ] | بیلدیریلر

بو گئچيجي گرگينليگي اؤنملي بيله رک، داها اؤنملي اولان گله جک گونلري دوشونوب، ميللي مسئله نين گوندمده اولماسي اوچون لازيمي ايشلملرين ياپيلماسينا اؤزن گؤسترمه ليگيک. آرديجيل اولاراک، يارانان گرگينليگين آذربايجاندان اوزاق يئرلره داشينماسي اوچون چاليشماليييق. يارانان گرگينليگي پلانلانديغيندان جايديريب و ايشقالچي رئژيمين ايچنده کي ايختيلافي گئنيشلنديرمه ليگيک.

سئچگيلرده تقللوبلرين آشکارلانماسيندان سونرا يارانان گرگينليکدن باشقا آماجي اولان حاکيمييتين اويونونا گلمه مک اوچون، توم ميللي فعاللار و ميللي پارتي اويه لرينه موراجيت ائده رک اونلاري بو گرگينليکدن اوزاق دورماغا چاغيريريک.

ياخين گونلرده ياراناجاق اولان تظاهوراتلاردا ايشتيراک ائدنلرين ياخلاشيک هاميسي محض فارس رئژيمينه مشروعيت قازانديرماق اوچون چاليشاجاقلار. آذربايجاندا ميللي مسئله ايله ايلگيسي اولمايان تظاهوراتلردا ايشتيراک ائتمه مکله، بير داها ايشقالچي رئژيمين هيله سيني بوشا چيخارماليييق.

کوتله ده يارانان نارازيليغي تاثيرسيز حاله گتيرمک اوچون، حاکيمي قوووه لر هر دن بير گؤستري و حتّی خيياوان ساواشلارينا آزادليق وئره رک اونلاري کونترولا آلماغا چاليشارلار. بو آندا ايسه فارس ايشقالچيلاري عئيني سيياستي اويقولاماقدادير. نئچه گون سؤزده اعتيراضدان سونرا، موخاليفت قيليغينا گيرن، آما اؤزلريندن اولان شخصلرين دالي اوتوراجاغي، تظاهوراتلارين بيتيشينه بايس اولاجاقدير. بو آرادا، قوندارما سئچگيلرده قازانان ايشقالچي رئژيمين بير شاخه سي، او بيري شاخه سيله ايشبيرليگي آپارماغا دوام وئره جکدير.

هر زامان اولدوغو کيمي، آذربايجان ميللي مسئله سيني ايشقالچي رئژيمين ايچ مسئله سيندن آييرماق اوچون هر تور اؤنلم آلينماليدير. اگر بو گون آذربايجانليلار ايشقالچي رئژيمه اوياراق خياوانلارا تؤکولسه لر، ايستر ايسته مز ميللي مسئله نين آرخا پلانا کئچمه سينه بايس اولاجاقلار.

سئچگيلرين بويوکت اولونماسيندان يانا اولان سويداشلاريميزا، ايلري گؤروشلو اولدوقلارينا گؤره تبريک دئييب و سئچگيلري تبليغ ائتمکده بير بيريله ياريشان، آنجاق اؤرکده صاديق اولان بيلگيسيز فعاللاريدا ايش بيرليگينه چاغيريب و بيرليکده ايشقالچي رئژيمين تله سيندن اوزاق دورماغا چاليشاجاييق.

گله جک گونلرده چئشيتلي کاناللاردان ساواش ياراتماغا، شهرليميزي قان گؤلونه چئويرمگه و ايشقالچيلارين قوللارينا مئيدان ياراداراق ميللي فعاللاري آرتيق باسقييا قويماغا چاليشان اللري کؤکوندن قيرماغ اوچون، تبريز و تئهران باشدا اولاراق، باشقا شهرلرده ده ميللي مسئله ميزين اوستون قالماسينا چاليشيلماليدير.

اورمو-دا قصدن گرگينليک يارادان اللرين آماجي بودور کي او بؤلگه ني داهادا چوخ حربي حاله گتيرسينلر و ياخين گله جکده ايشقالچيلارا اعتيراض ائدنلري سوسدورسونلار. ايشقالچيلارين سيياستينده، آذربايجانين باتيسينا يئني آخين پلانلاشميشدير، او آخينا اعتيراض ائتمک اوچون، بؤلگه ني اؤز کونترولوموزدا ساخلاماليييق و ايشقالچيلارا بهانه ياراتماماليييق.

بو واسيطه ايله، توم سويداشلاريميزا سسله نيب و يارانان گرگينليکدن قازانان اولدوغوموزو قارانتي ائتمک اوچون، ميللي شوعارلاريميزي اويقون زامانلاردا جمعييتين ايچينه داشيييب، دووار يازيلاري آرتيريب و خبر آگئنتليکلرينه چاليشقان شکيلده بيلگي گؤندرمگي اؤنريريک.

ميللي پارتي
۲۳/۰۳/۱۱۰۰۹