قوندارما سئچکيلردن ۴ ايل سونرا، قيزيل اينقيلابلا آذربايجان موستقيلليگيني گئري آلدي

قوندارما سئچکيلردن ۴ ايل سونرا، قيزيل اينقيلابلا آذربايجان موستقيلليگيني گئري آلدي - تبريزلي باي بک

باي بک آذربايجان | اُرتاگؤن, ۲۱-ي قئزاران , ۱۱۰۰۹ اینجی ایل, چولا ۰۱:۵۶ [گ.ؤ] | یازیلار

ايشقالچي دوشمانا باخيش دييشمه ليدير. من ايللر بويو چاليشميشام تا “موختاريت” يادا “فئدئراليسمي” اويقون اولمايان، حتّی بيزي محو ائدن سئچنک اولاراق تانيتديرام. چونکو بيز ائرمنيلر و کوردلر، يا حتّی فارسلار کيمي يئني يارانميش ميلت دئييليک، بيز يهوديلر کيمي تورپاقسيز دئييليک، بيزيم تاريخ بويو حاکيمييتيميز و تورپاقيميز اولموشدور. بيزلر اگر ايشقالچيني داشلاماق يئرينه، اونونلا آنلاشماقا چاليشيب و کيمليک، حاکيمييت و تورپاقيميزي اونونلا پايلاشساق، دئمک بيله بيله اؤز يوخلوقوموزي و گوجسوز اولدوغوموزو ايثباتلاييب و گلجگيميزين تام محو اولماسينا راضيليق وئرميش اولوروق.

مقاله نين باشليغي نين سئچيلمه سي باره ده دئمه لييم کي بو گون آذربايجانيميزين گونئي بؤلگه سينده ايشقالچي رئژيمين سيياستلريني زييفلتمک اوچون، اونا قارشيليق وئريب و عئيني حالده اوندان اوستون گلمک اوچون چابالاريميز اينکيشاف ائتمه ليدير. بو يولدا، دوشونجه سي فرقلي اولان، آنجاق آنا آماجي آذربايجانين بوتؤو و موستقيلليگي اولان هر بير شخص بو گون وار اولان گوجو ايله چاليشماليدير. ايشقالچي دوشمانا باخيش دييشمه ليدير. من ايللر بويو چاليشميشام تا “موختاريت” يادا “فئدئراليسمي” اويقون اولمايان، حتّی بيزي محو ائدن سئچنک اولاراق تانيتديرام. چونکو بيز ائرمنيلر و کوردلر، يا حتّی فارسلار کيمي يئني يارانميش ميلت دئييليک، بيز يهوديلر کيمي تورپاقسيز دئييليک، بيزيم تاريخ بويو حاکيمييتيميز و تورپاقيميز اولموشدور. بيزلر اگر ايشقالچيني داشلاماق يئرينه، اونونلا آنلاشماقا چاليشيب و کيمليک، حاکيمييت و تورپاقيميزي اونونلا پايلاشساق، دئمک بيله بيله اؤز يوخلوقوموزي و گوجسوز اولدوغوموزو ايثباتلاييب و گلجگيميزين تام محو اولماسينا راضيليق وئرميش اولوروق.

اونا گؤره ده، بو گون ايشقالچي دوشمانين آپارديغي قوندارما سئچکيلري غئيري قانوني سايساقدا، اونا قارشي يازي يازساقدا، سئچيله جک آدامين کيم اولاجاغيندا سؤز حاقيميز اولماسادا، سئچيله جک آدام بيزلرين سؤزو ائشيتمه يهجگيني بيله رک، اصلینده فيرساتدان فايدالانيب و گله جک ايللر اوچون سياسي-ايقتيصادي آلت ياپي قورماليييق.

من شخصن سئچکيلرين بويکوت ائديلمه سيندن يانايام. چونکو بئله ليکله فارس ايشقالچيلارينا آچيق مساژ وئريب و اونلاري اولدوقلاري کيمي دونيا گؤزونه تانيتمالي اولاجاييق. بو گون آرتيق خاريجي اوزمانلار و حتّی خبر آگئنتليکلري تورک خالقي نين ۲۰-۱۵ ميليون آراسي سسه ماليک اولدوغونو اعتيراف ائديرلر. ۸۰ ميليونلوق بير اؤلکه نين سس وئرمگه هاقلي اولان جمعييتين سايي نقدر اولا بيلر؟ دئمک تورک خالقي هر کسين بيلديگي کيمي اؤز تورپاقيندا چوخونلوقدور، گلمه ايشقالچيلار و بارينديريلميش تئررورچو قومشولارين ياييلماسي نين گئنيشليگينه بيله باخاراق، دئمک گئنه ده ايران آدلانان اؤلکه ده سؤز تورکلريندير.

تورکلري بيرلشديرمک اوچون، لازيم دييلدير کي بير شخص اورتايا چيخسين و هاميني اؤز اطرافينا توپلاسين. اصل ايش بودور کي بير گوجلو سياسي-ايقتيصادي دوشونجه سيستئمي يارانسين و چئشيتلي شکيللرله او دوشونجه ني منيمسمک ايمکانلاري يارانسين. هر زامان دئديگيمي تکرارلاييرام کي کوتله ني بيلگيلنديرمه دن اونو يؤنلنديرمک اولماز. گاهن اولور کي کوتله ني بيلگيسيز ساخلاماق ائله او کوتله ني نئقاتيو شکيلده بيلگيلنديرمکدير. دوشمانيميزين ميلتيميزي بيلگيسيز ساخلاماسي، اونا عاصيميله گوجو وئريب و اونون ايشقالچيليقينا دوام باغيشلايير.

بو گون، ايران آدلانان اؤلکه ده قوندارما سئچکيلرين تام فرقلي بير دؤنه مينده ييک. هر سئچکي نين بير آز قالماقالي اولسايديدا، بو گون آچيق آشکار اوغرولارين بيربيرينه گيرديگينه شاهيد اولوروق. بو گون جومهورباشخانليغينا آداي اولانلار سندلي اولاراق بيربيرلريني ايفشا ائتمه لري، ايران آدلانان اؤلکه ني بير گه مي اولاراق سرگيلييبدير کي ايللر بويو کورسانلار (دنيز قولدورلاري) الينده گيروو آلينميشدير. بو کورسانلاري قانون الينه وئرمک اوچون، اونلاري بيربيري نين جانينا سالاراق گوجلرين آزالتماليييق.

بو گون سئچکيلرين آرخاسيندا اصلینده خامنئي-رفسنجاني ساواشي گئتمکده دير. خامنه ای-يه قارشي دوران رفسنجاني چاليشير تا يئني شخص حاکيمييته گتيرسين. بونا گؤره ده ميلياردلارلا پول ميرهوسئين موسوي-نين رکلامي اوچون حزينه ائديب، گوج زنجيرينه تعليمات وئريب و حتّی بو گون صاباح قانلي اولاي چيخارماق اوچون پلانلار حاضيرلاتيب. حربي گوجلر ايله موللالار، توججار ايله دئپوتاتلار و موعليملر ايله اؤيرنجيلر آراسيندا ساواش باشلاميش دوروموندادير، ياخي گونلر چوخ فرقلي اولاجاقدير!

آچيقجاسينا بو گون رفسنجاني-خامنه اي ساواشي قيزيشيب، ساواش حتّی تورکلري مذهبي مرکزي، کي مع السف فارسلارين يارارينا چاليشماقدادير چکيليب! سئچکيلردن سونرا داها گرگين آنلار ياشاناجاقدير! بو دوروم بيزلره نفس چکمک و گرنشمک ايمکاني ساغلاياجاقدير.

بونلارين ايکيسيندن باشلاياراق، اونلارين قويروقلاريدا بيربيريني قيرماقدالار. بيزه يارانان بو ديرلي و تاريخي فيرساتي ديرلنديرمک اوچون هر ايش ياپماليييق.

فارسلاري حاکيمييته گتيرنلرين سيياستلري اؤز يئرلرينده ايفلاسا اوغرايير. بؤيوک بريتانيا آدي آلتيندا اسکاتلند و باشقق اؤلکه لري ايشقال ائدن اينگليسلره قارشي، سوکتلار و باشقا ميلتلري ميلي پارتي-لري گوج قازانماقدا و ايستيقلال ايستمکده دير. ايلگينج اولاراق، اروپا بيرليگينده بيله ميلتچيلر سس قازانديلار! داها ايلگينج اولاراق، بو گون بؤيوک بريتانيانين مجليسي و دئپوتاتلاري نين روشوت خورلوقو، دئولت پولونو منيمسمکلره و قانونسوز ايلشري نين اوستو آچيلديغي آنلاردا، فارس حاکيمييتيده عئيني دورومدادير! دئمک اوغرونون بالاسيدا اوغرو اولارميش!

دونيادا يئني دؤنمين ستارتي وورولوب، ايقتيصادي بؤهران آدي آلتيندا، بؤيوک گوجلر قابيق دييشيرلر و داها يئني بير دونيايا آياق باسماغا حاضيرلاشيرلار. گئريده قالميش و داها دوغروسو گئريده ساخلانيلميش اؤلکه لر ايسه، باشلارينا قوندورولان ديکتاتورلار ايله اوغراشماغا و ياتماغا مشقولدورلار! نفتيميزي و سروتيميزي آپاريب، يئرينه بارماق ساييسيندا شخصه روشوت وئره رک، ميلتيميزين گلجگي محو ائديلير! ايلگينج بودور کي ميلتين سروتين آز پولا ساتان ديکتاتورلار، او پوللاري گئديب آلديقلاري اؤلکه لرده خرجلييرلر!

منيم يا سنين يادا باشقاسي نين ايسته کي له، باغيرماسييلا، ايهانتي و يا باسقيسييلا هئچ نه دييشميه جک. من، سن و او بير اولماليييق و گرچکليکلري منيمسيه رک، آنايوردوموزون آزادليغي اوچون هر طرفلي موباريزه يه باشلاماليييق.

باشلاييب و قازانماق اوچون، بو ايجباري ۴ ايل ايچينده نه لر ياپيلا بيلر؟

- تورپاق مسئله سيني گوندمده ساخلامالي، تورکلرين باسقيدا قالديغي شهرلره يارديم ائديلمه ليدير
سيد جعفر پيشه وري دؤنمينه گؤز آتاندا، کوردلره اينسان کيمي داوراناراق اونلارا موختارييت وئرمگين نقدر يانليش اولدوغونو آنلاماق قولاي، آما اؤرک آغريداندير! سويوق بولاغ-اي کوردلره باشکند وئرمک، منيم ميللي باخيشيمدا خيانت آدلانديريلير، آنجاق، باشقا باخيشدان، اينساني اولاراق چوخ آنلاملي ايش ساييلا بيلر. آما اينساني يارديمي کيمه و هاردا وئرمک چوخ اؤنمليدير! آذربايجانين ايچريسينده گلمه لره موختارييت وئرمک، آذربايجاني پارچالاماق و باشقا گلمه لره هاق قازانديرماق اولاجاقدير.

بونا گؤره، بو گون آذربايجان تورپاقلارينا چيرکين سيياست و آماج ايله يئرلشن ترورچولار، يادلار و بيقانه لري بؤلگه دن اوزاقلاشديرماق اوچون اليميزن گله ني ياپماليييق.

بونونلا ياناشي، ايچريده کي سويداشلاريميزي بيلگيلنديره رک، اونلاردان لازيمي داورانيشي ايستمک لازيم گؤرونور. ميللي ماراخلارا زدييتلي داورانيش سرگيله ينلرسه، بيلگي و باسقي گؤسترمک چوخ فايدالي اولاجاقدير. ايچريدن قاپيني آچان اولمازسا، ائوه اوغرو گله بيلمز. سه ائديب و پنجره ني آچانين قولاغي بورولمازسا، صاباح قاپيلاريدا آچاجاق آدر يانليشلار مئيدانا گله جکدير يقين!

- تاريخي تورپاقلاريميزا قونشو اولانلارا خبردارليق وئريلمه لي، اونلارين مئيدانيندا گوج گؤستريشي ياپيلماليدير
بعضن لازيم اولار کي قومشونو اؤز وظيفه سينه تانيش ائتمک اوچون، هابئله ميللي ماراخلارين اينکيشافينا زمين حاضيرلاماق اوچون، سينيردان خاريج ايشلملر ياپيلماليدير. بو قونودا کئچميشده اؤنريلر وئرميشديم، گله جکده ده تکرارلاياجاغام. من بئله تؤوسييه ائديرم کي تورکلر قومشو اؤلکه لر (گونئي اوچون باشقا شهرلر و کندلر) ايچريسينده بللي، گيزلي و گوجلو سيستئملر ياراتسينلار. لازیم اولدوغو زامان، او بؤلگه لرين حاکيمييتينه باسقي اويقولاماق اوچون، بو ايش گرکليدير.

- سياسي-ايقتيصادي-کولتورل سيستئم ياراديب و مودئرنيزه ائديلمه ليدير
ثروتسيز سيياست يورومز، سيياستسيز کولتور قورونماز. بو سؤز ايله دئمک ايسته دیيم هر حالده آنلاشيلميشدير.

آذربايجانليلار پوللو اولساللاردا، آذربايجدانليلار ايقتيصادي اولسالاردا، ميللي هيسلري نين گوجسوز اولدوغونا گؤره، هابله قارشيلاريندا ايستک گؤرمه ديکلري اوچون ائتيناسيز شکيلده ميللي هرکاتي گوجسوز بوراخيبلار. بونا سون وئرمک لازيمدير.

ائرمني، کورد، يهودي و حتّی طاليبانلاري اؤرنک وئرسم، هاميسي يئرينده پول قازانيبلار، پوللولاردان پاي آليبلار و سيلاح، قاچاق، قادين آلوئري و حتّی سويقيريم تؤرتمکله اؤز ميللي ماراخلاريني، حتّی چوخ زامان يالانجيل ايستکلريني گرچکلشديريبلر.

اؤرنه يين، ائرمنيلرين تورک تورپاقلاريندا اؤلکه و دئولتچيليک قورمالاري! باشقا اؤرنک، کوردلرين تورک تورپاقلاريندا اؤلکه و دئولتچيليک قورما چابالاري!

ايچريده ياشايان سويداشلاريميز لازيمدير کي بازاردا فعال اولسونلار و تجار، ايش صاحيبلري و حتّی ساده ايشچيلري ايقتيصادي ايستکلر واسيطه سيله ميللي هرکاتا ماراخلي ائتسينلر. بئله ليکله، هم ايقتيصادي گوج قازانيلير، هم سياسي آرخالانما يارانير و هم کولتورل اينکيشاف ائلده اولونور.

خاريجده ياشايانلار ايسه مئدييالار و لوببيچيليک اوچون پول و وساييت وئرمه لي، آلماليديرلار.

- قوندارما سچيله ني و حاکيمييتي بوراخيليب، ميللي دوشونجه يئرلي يئتکيليلره يانسيتيلماليدير
سئچکيلرده معلومدور کي حاکيمييتين ايسته ديگي شخص سئچيله جکدير. بو ايثبات اولموش بير گرچکدير. حاکيمييت ايسه اؤز گوجونه يوخ، کي يئرلي قوللوقچولارييلا ياشام گوجو قازانماقدادير. دئمک يئرليلري بيلگيلنديريب، اينانديريب و حتّی حدله مکله آذربايجان ماراخلاري نين قورونماسي اوچون يولا گتيرمه ليگيک. بئله ليکله فارس ايشقالچيلاري نين يئرلي گوجو آزالير و مرکزي گوجونو ايتيرير، بونا گؤره ده ميللي هرکاتين گوجو چيخالير و ايستکلريني يئرينه اوتوردما قابيلييتي کسب ائدير.

- اؤيرنجيلر، اسکي اؤيرنجيلر و يئني يئتمه لر اوچون دواملي مئديا بيلگيسي چاتماليدير
اويرنجيلريميز و يئني يئتمه لريميز گلجگيميزين قورونماسينا قارانتيديرلر. بونلاري بو گون ميللي دوشونجيله تانيش ائديب و يئتيشديرمک تمل و گرکن ايشلردندير. داها اؤنجه اؤنرديگيم کيمي، سسلي، گؤرونتولو و کيتاب شکلينده حاضيرلانان ماتئريياللار بوللو شکيلده هر آلاندا ايچرييه چاتديريلماليدير. بو دوغرولتودا محض سياسي و يا آغير سوييه ده يازيلان فلسفي-تاريخي ماتئريياللار يوخ، کي ساده، آنلاماسي قولاي و زئوک وئريجي، قورور ياراديجي و اينام يارادان ماتئرييالارا چوخ اؤنم وئريلمه ليدير. اوشاقلار اوچون چيزگي فيليملر، شعرلر، ناغيللار و اويونلار حاضيرلانماليدير. يئني يئتمه لر اوچون ويدئو اويونلاري، يئني اکرانا وئريلن فيلملرين آناديليميزه ترجومه سي، مودئرنيته نين خبرلري و اؤرنکلري، يوکسک اوخول اؤيرنجيلري ايسه اؤز آرالاريندا ياراديلاجاق اولدوقلاري تارتيشما و دوشونجه اينجله مه سينه يوقون ماتئريياللار بو دؤنم اوچون فايدالي اولاجاقدير.

- سيمبوليزه اؤنم وئريليمه لي و ميللي سيمبوللار منيمسنيب و ياييلماليدير
آذربايجانليلار ايسلام دينيني قبول ائتديکدن سونرا، اونون اوصوللارينا تام ساديق قالان سويلاردان اولدولار. باشقا دئييشله، ايسلامي ياشادان آذربايجانليلار ان فانات موسلمانلاردان اولدولار آما، بو آرادا آشيريچيليغا قارشي اولاراق، بو دينه، اؤزلليکله ده شيعه مذهبينه مدني بير سيما وئريبلر. آما، بو آرادا، فارس شووونيستلرين منفي تبليغاتي سونوندا، آذربايجانليلار قورو تووبلو و آشيري دينچي اولاراق تانيتيليرلار. مودئرينته نين دؤشرگه سي اولان بير بؤلگه نين اسل صاحيبلر نئجه اولار کي قارا اينانجلارا قاپانميش اولسونلار؟ دئمک ايسلام و شيه مذهبيندن فايدالانيب، تورکلري بيربيرينه قارشي قويوب و اونلاري اؤز آماجينا قوللانان، هابئله اينانج آدينا مودئرنيته ني محو ائدن ايشقالچي فارسلار چاليشيرلار تا آذربايجانليلارين بير داها مودئرنيته يه دامقا وورمالاريني انگلله سينلر.

بو آماجا وارماق اوچون، ايسلام سيمبوليزمي ياساق ائتميشميش شوعاري ايله تورکلري بيرليک و گئميش باغلاريندان قوپاراراق، هئچ اولماميش مدنييتلرينه يئني ايمکانلار ياراتماقدالار.

ياخين کئچميشه باخاندا، تورکلرين ان آدليم سيمبوللاري تورکلره ياساق اولارکن فارسلارين طرفيندن منيمسنيب. زردوتچولوگو اؤنجه ياساقلايان، داها سونرا فارسلاشديران ايشقالچيلارين هاميسي نين بوينوندا، قولاغيندا و بيلگينده زردوشت ايشارتي وار. گئنجلر ايفتيخارلا زردوشت ايشارتيني تاتو (دري اوزرينه دؤيمه شکيل) کيمي سئوه رک بدنلرينه دؤيدورورلر، زردوشت ايشارتي پان-فارسلارين ان اؤنملي سيمبولونا چئوريليب و حتّی بو گون ايسلام آدينا سيمبوليزمي ياساق ائدن ايشقالچي حاکيمييتين رسمي اورقانلاري و مئدييالاري زردوشت ايشارتي قوللانيرلار! بو تاريخسيز فارسلار، سؤزده عربدن نفرت ائتسه لرده، عربلرين سيد دئديگي ايشارت، “ياشيل رنگي”ني بيله پان-فارس هيسسيله سئويرلر!

دئمک بيزيم بارمقا ساييدا قالميش اولان اسکي ضياليلاريميز قورخولاريندان، يئني يئتيشديريلميش اولان ضياليلار ايسه کئچميشيميزدن خبرسيز قالديقلاري اوچون بو قونودا سوچلودورلار. چونکو اونلار “آتا-آنالاريميز موسلمانديرلار، زردوشت فيلان باره ده دانيشماقلا آيريليق سالماياق، زيندانا دوشمه يهک و حتّی اعدام اولماياق” دييه، ميلتلري ياشادان سيمبوليزمه ائتيناسيز قاليبلار.

بو گون، سيمبوليزم گرکدير کي تورک توپلومونا داشينسين، هامي ميللي وارليقلاريميزي، تاريخي سيمبوللاريميزي و ايشارتلريميزي تانيمالي و قوللانمالي اولاجاقدير اگر ضياليلار طرفيندن، پوللولار طرفيندن و اؤنده گئدنلرين طرفيندن حرکت گؤرسه لر.

زردوشت باشدا اولاراق، باشقا سيمبوللاريميزي منيمسييب و اوغرولانانلاري فارسلاردان گئري آلماليييق. آي، اولدوز، قورد، گون، قيزيل رنگي، گؤي رنگي، دماوند داغي، آغري داغي، اورمو گؤلو، شيخ صفي مزاري، ارک قالاسي، گؤي مچيد، قيز قالاسي (ايکی تايدا)، شوشا، آراز، قارتال و.س کيمي سيمبوللار هر يئرده گؤز اؤنونده اولماليدير.

- هر بالاجا بير اولايدا خيياوانلار چيخمالي و ميللي داورانيش سرگيلنمه ليدير
صاباح باي بک قالاسي-نا يوروش گونو، ميللي قورولتاي گونو گلير، پروفسور زهتابي-نين دوغوم گونو گلير، شهريار-اين دوغوم گونو گلير، ايسلام ايماملاري نين دوغوم گونلري گلير، ستارخان، باغيرخان و صفرخان کيمي شخصييتلريميزين دوغوم گونلري گلير، شاعيرلر، يازارلار و فيلم آکتورلاريميزين دوغوم گونو گلير، بيليم و سيياست مئيدانيندا سؤز صاحيبي اولان شخصييتلريميزين دوغوم گونو گلير، او تايدا ميللي شخصييته لريميز، زييياليلاريميز و آدليملاريميزين دوغوم گونو گلير و.س

يوخاريدا سادالانان گونلره، اؤلوم گونلري، ياخود بير باشاري نين الده اولوندوغو گونون گلمه سيني آرتيراراق، بير چوخلو ندن اليميزده اولاجاقدير کي ميللي هيسلري اويانديرماق اوچون قوللاناق.

حتّی، چئشيتلي شهرلره قوناق گئده رک اوردا يئرلشن آبيده لر، مزارلار و يا مودئرن شکيلده حاضيرلانان موباهيسه لره قاتيلماق کيمي يئنيليکلر گتيريلمه ليدير.

بئله ليکله ده هم آذربايجان دوشونجه سي ياييلار، همده او تاي-بو تاي ياخينلاشماسي و شهرلر آراسيه سئوگي آرتار.

- مئديا گوجو آرتيريلماليدير، خاريجي دئولتلرين چئشيتلي کاناللارينا اولاشيلماليدير
گونئي آذربايجانا گوجلو مئدييا سيستئمي لازيمدير. بو گرکن واسيطه ني ياراتماق اوچون، ميللي فاللار چاليشماليديرلار، اؤزلليکله ده خاريجده اولان سويداشلاريميز چاليشماليديرلار تا ياشاديقلاري اؤلکه لرين دئولتلريندن مادي-تئکنيکي يارديملار آلاراق گونئي اوچون گونجل، مودئرن و ميللي هيسسيياتلي مئدييالار ياراتسينلار.

عصر ايليشکيلر-ايلتيشيملر عصري آدلانيبدير، بو عصرده ياشاماق و باشاريلي اولماق اوچون گرکدير کي ايليشکي و ايلتيشيم قورماق لازيمدير. فرق ائتمز، باتي-دوغو، دئموکرات-ديکتاتور و دينچي-دينسيز دئمه دن، هر اؤلکه و هر حاکيمييت ايله، ايشقالچيلاردان سوواي، ايليشکيلر ياراديب و لوببيچيليک ائتمک لازيمدير. دکتر عليرضا نظمي افشار چاليشير تا آمئريکا حاکيمييتي و موخاليفتي ايله ايليشکيلريندن قوللانسين و گونئي مسئله سيني اونلارين گوندمينه گتيرسين. فاخته زماني چاليشير تا کانادا يئتکيليلريني، دونيا چاپيندا چاليشان اينسان هاقلاري قورويان درنکلر و ب.م.ت-ني گونئيده اولوب-بيتنلردن بيلگيلنديرسين. بونلار ساده ايشلر دييلديرلر، منيم آمئريکا يا هر هانسي باشقا اؤلکه نين حاکيمييتي نين ماراخلارينا گؤره گونئي مسئله سيني شيشيرتمکله موخاليف اولدوغومو آرتيق هامي بيلير، آما بو او دئمک دييلدير کي گونئيين دواملي ماراخلاري و گلجگي نين ياراري اوچون، باشقا اؤپلکه لرين گئچيجي و يا آز تهلوکه لي ماراخلارينا اويقون اولاراق آدديملاماق دوغرو دييلدير.

گونئي-قوزئي آدينا خاريجده گوجلو بير لوببي يارانماليدير، بئله ليکله ده مئدييا گرکليگي گوجلو شکيلده قارشيلانير و آذربايجان اوچون اعتيبارلي، ايستيناد ائديلمه لي و کوتله يه تکي بوراخا بيلن سيستئم ياراديلميش اولور.

- قوزئي ايله گونئي آراسيندا يارانان باغلاري گوجلنديريب، دئولت سوييه سينده توپلانتيلار کئچيريلمه ليدير
ايللرجه موستقيل اولان قوزئي آذربايجان ايله گونئي آراسيندا اولان ميللي باغلار، روس-فارس و باشقا خاريجي گوجلر طرفيندن تام قوپماق تهلوکه سينده دير. باغلاريميزي سوننتي شکيلده هيفز ائتسکده، رسمي و مودئرن آنلامدا بيربيريميزدن آيري اولاراق ياشاماقداييق. بو آنلامسيزليقا سون وئرمک، بؤيوک آذربايجان قارشيسيندا اولان مانعالارين ان بؤيوکونون اورتادان قالديريلماسي دئمکدير.

بو گون گرک ايکي تايدا ياشايان، بير سويدان و بير بويدان اولان آذربايجان تورکلري نين بيرگه سسلرر، ماراخلاري و گله جکلريندن سؤز آپاريلسين. بونا گؤره ده، قوزئي حاکيمييتيني مجبور ائتمک لازيمدير کي ان آزيندان بو گون قومشو اولدوغو ايشقالچي فارسلارا باسقي اويقولاماق اوچون، گونئي ايله ايليشکيلريني گوجلنديرسين. لازيم دئييلدير کي گونئيه سيلاه-سورسات وئريلسين، يوخ، گونئي اوچون مئدييا ياراتماق، گونئي اوچون ياييم وئي حاضيرلاماق، گونئي اوچون بيلگي و ماريف ماتئريياللاري چاتديرماق، گونئي-قوزئي بيرليگيني دونيا ايجتيماييتينده يانسيتماق، گونئيلي ضياليلار ايمکان ياراديب، اونلارين اثرلريني چاپا وئرمک، اونلارين سسلري نين ائشيديلمه سي اوچون واسيطه ياراتماق، گونئي-قوزئي ضياليلاري آراسيندا موباهيسه و دوشونجه آل-وئرينه زمين حاضيرلاماق و.س کيمي ايشلر ياپيلا بيلر.

- تورک دئولتلري بير آرايا گتيرمک اوچون، آذربايجان محورلي مرکز يارانماليدير
تورکيه تورک آديني اؤزونه اؤزل بيله رک تورک دونياسيني محض اؤز ايستکلري اوزره قوللانماقدادير، بو تورک دونياسي نين يارانماماسينا اسل ندندير. آذربايجاندا، اؤزلليکله ده گونئيده تورکچولوک اسل معناسيندا منيمسنير. باشقا تورک اؤلکه لرينه باخديغيميزدا، ميللييتچي روحون ياريم جان اولدوغونو گؤردوگوموزده، گونئيده ايفتيخارالا، حده، ايشکنجه و حتّی اؤلومدن قورخماياراق “هاراي، هاراي، من تورکم” شوعارلاريني هر گون ائشيتمک، آچيقجاسينا آذربايجانين تاريخي و رسمي شکيلده تورک دونياسينا باش اولامق اوچون گرچک آداي اولا بيلجگي نين سوبوتودور. بو گون نه تورکييه ده، نه اؤزبه کي ستاندا، نه تورکمه نيستاندا، نه قازاخيستاندا، نه قيرقيسيستاندا، نه حتّی قوزئي قبرسده بئله ايناملي شوعارلار وئريلمير. تورکيه ده “من تورکم” دئمک سون زامانلاردا “من تورکيه ليیم” آنلامينا وئريلير، قوزئي قبرسده اونو تقيب ائده رک بؤيوک سهوه يئر وئرير. آما، يئني سئچيلن ميللييتچي حاکيمييتين گؤسترديگي اؤنم، “بيز اوچ دئولت، بير ميلتيک” سؤزلري اينساني سئوينديرمکده دير. آما، دئمک لازيمدير کي بيز “چوخ دئولت، بير ميلتيک”. دوغو تورکوستان، کرکوک، بورچالي، داؤغيستان، بؤيوک آذربايجان و تورک دونياسي نين تاريخي تورپاقلاريندا خاريجي گوجلرين ايشقالي آلتيندا ياشايان تورکلري اونوتماماق شرطيله، تورک دونياسي نين گرچکدن و بير دفعه لي يارانيشي اوچون، بؤيوک آذربايجان اؤنه گتيريلمه ليدير.

و، بو گون قوندارما سئچکيلردن ۴ ايل اؤتور، ميللي هيسله دولو گئنجلريميزين اللرينده قيزيل بايراق، ايينلرينده قيزيل گئييم، ديللرينده ميللي شوعارلار و آرخاسيندا دايانا بيله جکلري حربي گوجله آذربايجان و اطراف بؤلگه لرده قييام ائديبلر. مودئري شکيلده يارانان بو قيياما قارشي هئچ بير گوج دايانا بيلميه جک. ايللرجه بيلگيلنديرديگيميز اؤلکه لرسه بو گئنجلردن يانا اولاراق، يا ان آزيندان طرفسيز قالاراق، ميللي قييام و ايکي پارچايا بؤلونموش آذربايجانين بيرليشمه سي، هابئله ايشقالچيلارين قووولماسينا نزارت ائديب و شاهيد اولاجاقلار.

۴ ايل، بلکي اوزاق بلکيده ياخيندير، آما، بؤيوک آذربايجان بير گرچکدير

تبريزلي باي بک
۰۹/۰۶/۲۰۰۹
کرويدون