ايران آدلانان يئرين سئچکيلري باره ده تورکوستان قزئتي نين بؤيوک رسولوغلو-ايله موساهيبه سي

باي بک آذربايجان | تُزگؤن, ۱۹-ي قئزاران , ۱۱۰۰۹ اینجی ایل, چولا ۲۱:۵۰ [آ.خ] | یازیلار

- سئچکيلرين نتيجه لريندن نه گؤزله ييرسينيز؟ موسوي نين شانسي وارمي؟

- گله جک گونلرده هر هانسي بير دئييشيکليک اولماسا، فيکريمجه، کروبي، موسوي و احمدي نژاد آراسيندا گرگين ياريش گئده جکدير. پوزونتو اولماسا، موسوي نين پرئزيدئنت اولما شانسيني داها چوخ گؤرورم. آنجاق ” کئشيکچيلر شوراسي ” نين بعضي نامزدلري حدلگيجي دوننکي داورانيشي

(يازي اؤزل اولاراق باي بک اؤچون لاتيندن کؤچورولموشدور)

بو هفته ايراندا کئچيريله جک پرئزيدئنت سئچکيسي بو اؤلکه ده ايندييه دک کئچيريلن سئچکيلردن فرقله نير. بو فرقي يارادان باشليجا سبب ناميزدلردن بيري نين آذربايجان تورکو ميرحسین موسوي اولماسيدير. سئچکي کامپانيياسي نين گئديشي و گؤزله نيلن نتيجه لرله باغلي ” تورکوستان ” اين سواللاريني حاضيردا نوروئچده ياشايان دونيا آذربايجانليلاري نين هاقلاريني مودافيعه کوميته سي نين سدري بؤيوک رسولوغلو جاوابلانديرير.

- ايراندا بو دفعه کئچيريلن پرئزيدئنت سئچکيلري بوندان اولکي سئشکيلردن هانسي خوصوصيتلرينه گؤره فرقله نير؟

- او اؤلکه ده کي بو دفعه کي سئچگيلر اولکيلرله بؤيوک اؤلچوده اوست-اوسته دوشسه ده، آشاغيداکي سببلره گؤره فرقلنمه لر گؤزه چارپير.

۱- احمدي نژادين داخيلي و خاريجي غلط سيياستلري نتيجه سينده ناراحاتليقلارين آرتماسي و رئژيمين ايچيندن داغيلما تهلوکه سي. رئژيمين چورومه سي ايله باغلي سايين اکبر بي اعلمي نين ايکي گون اؤنجه خامنئييه يازديغي مکتوبو خاطيرلاتماق ايسترديم. او مکتوبدا، رئژيمين باتلاقدا اولدوغونو و گئتديکجه ده داها درينلره باتماقدا اولدوغونو و نهايت کؤچه جگيني وورقولاميشدير. بو سؤزلر مني ۳۱ ايل اؤنجه شاه رئژيمينده تبريزدن ميلت وکيلي احمد بنيهمه دين سؤزلريني خاطيرلادير. او دا، او زامان رئژيمين داغيلمالي اولدوغونو وورقولوياراق ميلت وئکيلليگيندن بئله ايستيفا ائتدي.

۲- پرئزيدئنت اوبامانين صولحه چاغيريشي و ۳۰ ايلليک آمئريکا دوشمنليگي نين منفي نتيجه لري.

۳- اؤلکه ده ياشييان باشقا ميلتلر، اؤزلليکله بؤيوک پوتانسييئلي اولان گونئي آذربايجانليلارين هاق ايستکلري و بو دئموکراتيک موباريزه ده ميثلي گؤرونمه ميش ديره نيش.

۴- اينسان هاقلاري، اؤزلليکله قادين هاقلاري نين گئنيش شکيلده پوزولماسي و ديني-مذهبي آيري سئچگيليکلرين ياراتديغي گرگينليک.

بو و بونا بنزر دويونلر آچيلماديغينا گؤره دؤولت-ميلت آراسيندا بؤيوک اوچوروم يارانميشدير. بو ياراني باغلاماق اوچون رئژيمين داخيلينده فيکير آيريليقلاري بو سئچگيلرين ان باريز فرقنمه سي ساييلا بيلر. شوبهه يوخدور کي، بونا شخصي منافع، ايدولوژيک باخيش و بؤيوک پوتانسييئلي اولان ايسلام اينقيلابيندان گؤزله نيلن آرزولارين يئرينه يئتيريلمه مه سيني ده آرتيرماق گره کي ر.

- اؤنجه کي سئچکيلر زاماني ميللي هرکات بو کامپانييالارا قوشولماييب اونو فارس شوونيزمي نين ايچ ايشي ساييرديلار. بو سئچکيده ايسه ميللي هرکاتين آذربايجانلي ناميزدلره - اؤنجه اعلمييه، اونون ناميزدليگي قئيده آلينماديقدا ايسه موسوييه دولاييسي ايله دستک وئرديگي سئزيلير. سيزجه، بو ندن قايناقلانير؟

- آذربايجان ميللي هرکاتي گوجلنديکجه داها بؤيوک و دوزگون سيياستلره مئيدان آچير. ايندييجن، ايران سيياستينه قوشولماغين منفي نتيجه سي کيمي، بيزي آلداداراق حاکيمييتين برکيمه سينده و يا رئژيم دئييشيکليگينده قوللانماق قورخوسو وار ايدي. باشقا سؤزله ايراندا فارسچيليق سيياستيني آپاران قوووه لرين قويروغو اولماق هاميني ديسکينديريردي. آنجاق ميلتين اؤزونو تانييان و ميللي وارليغيني قوروماق ايسته ين دايره سي گئنيشلنديکجه بو چکينگنليک اورتادان قالخير. زاتن ميلتيميز، او اؤلکه ده ياشاديغينا گؤره اوارادا باش وئرنلردن تاثير آلير و تاثير گؤسترمه ليدير. اونون اوچوندور کي ” آذربايجان مرکزلي دوشونجه سيستيميني ” قوروماق شرطي ايله حاديثه لردن ايستيفاده ائتمه يه چاليشيلير. گئچن پرئزيدئنت سئچگيلرينده، چوخدا تانينماميش آذربايجانلي ” مئهره لي زاده ” آذربايجان ميللي هرکاتي نين ايستکلريني قبول ائديب، يئرينه يئتيريلمه سينه سؤز وئرديگينه گؤره گونئي آذربايجاندانين بيرينجي بؤلگه سيندن ۱.۵ ميليون سس گتيردي. ايراندا سونونجو، آنجاق، آذربايجاندا بيرينجي اولان بو نامزه دين توپلاديغي سس تئهرانين يئني حساب آچماسينا سبب اولدو. بو سفر ايسه آذربايجان ميللي هرکاتي نين بير بؤلومو، دکتر اعلمي بئيي دستکله مکدن اساس نئچه مقصد گودوردو کي، منجه اونا نيسبي اولاراق نايل اولدو.بای بک

۱- ميللي حرکتين توپارلانيب، ميلتين ايچينه گيرمه سي و يارانميش اورتامدان ميللي تبليقاتين کوتله آراسينا آپاريلماسي.

۲- داخيل و خاريجده ميللي هرکاتين گوجونو گؤسترمه سي.

۳- ” کوسه نين پاييني يييرلر ” آتالار سؤزونو اولگو توتاراق سيايستده آکتيولشيب، سياسي موباريزه مئيدانيندان تجروبه لرين قازانيلماسي.

بو و بونا بنزر حدفلرله سئچگيلرده فعاليت گؤسترنلر نيسبي اولاراق اؤز ايستکلرينه چاتميشلار. آنجاق، فيکريمجه، گونئيده يارانميش ” سئچگيلر اوغروندا کوورديناسيون شوراسيندا ” بوتون دوستلاريميز ايشتيراک ائتميش اولسايدي، داها بؤيوک اوغورلار الده ائديله بيلردي. حتّی دييه بيلرم کي، او حالدا بلکه جناب اعلمي نين صلاحييتي، جبرن قبول اولاردي. غريبه بوراسيندادير کي، جناب موسوي، اعلمي نامزدليگيني قويدوقدان سونرا تله سيک اؤز آدايليغيني ائلان ائتدي. منجه بو مسئله يه ديقت يئتيريلمه لي و تئهران حاکيمييتي نين موختليف قانادلاري نين آراسيندا، آذربايجانلا باغلي موزاکيره لرين آپارايلديغيني گؤزدن قاچيرماماليييق. سيزينده وورقولاديغيز کيمي، موسوييه سس ورن آذربايجانليلار اولاجاقدير:

بيرينجيسي، اونون تورک اولدوغونا گؤره، سياسي تفککوردن اوزاق سويداشلاريميز. تأسوفله ميللي هرکاتيميزي خالقين ايچينه آپاراماديغيمزا گؤره ميلتيميزين ۸۰٪ حاديثه لردن خبرسيزدير.

ايکينجيسي، احمدي نژاد دان بيخاراق، ايراندا يئني بير دؤنمين باشلانماسينا اوميد باغلييانلار.

اوچونجوسو، سولچو ايسلامچيلار و همچي نين، اونون حاکيمييتيندن ايستيفاده گودنلر. تئهراندا يارانميش ” آذريلر جمعييتي ” و تبريزده اونون تبليقاتيني جيدي شکيلده مالييلشديرنلري بونا ميثال گؤسترمک اولار.بای بک

- حاضيردا موسوي نين وکيلي اولان ايرانين آذربايجانداکي کئچميش سفيري افشار سليماني آ.ن.س-ه موساهيبه سينده آز قالا هرکاتچي کيمي دانيشيردي. سئچکي کامپانيياسيندا باش وئرن بئله سورپريزلر ايرانداکي تورک مأموريتي نين ميللي هرکاتلا بيرلشه بيله جگي اوميديني ياراديرمي؟

- سيياستين درينليکلريندن آنلايان آذربايجان ميللي هرکاتي نين فعاللاري، اؤلکه ده ياشايان و دؤولته چاليشان اينسانلارين بير گون بيزه قوشولاجاغيني جيدي بير مسئله کيمي گؤرور. تبييدير کي، حاکيمييتين يوخاري مقاملاريندا اولانلارين دا ايچينده بو گئديشات گؤزله نيلمکده دير. آنجاق تأسوفله بوگونه قدر، ايستر گئچميش رئژيمده ايسترسه ده، اينديکي دورومدا بو اينسانلارين بؤيوک چوخونلوغو آذربايجاندان، ايراندا فارسچيليق سيياستي نين دوامي اوچون ايستيفاده ائتميشدير. بيلينمه ليدير کي، آرتيق ميلتيميز يالانچي شوعارلارلا ميلتي آلدادانلاري، صميمي داورانانلاردان گؤزلجه آييرد ائدير. سيز افشار سولئيمانيني مندن ياخشي تانيرسيز و اونون گئچميشده کي چيخيشلاريني اونودماميش اولماليسينيز. ايجازه وئرين موسوي بيين تبريزده کي دستکچيلريندن ده من سيزه دانيشيم.

حجت الاسلام ” موسوي تبريزي ” ۱۹۷۹ اينقلابيندان سونرا آذربايجانليلارين ياراتديغي ” موسلمان خالق پارتياسي نين ” يوخ ائديلمه سينده جيدي ايشتيراک ائدن شخصلردن بيريدير. بو آدامين اوزدن ايراق يارقاچليغي ايله همين گونلرده ۱۱ نفر آذربايجان تسوبي چکن يگيديميز، ياريم ساعات مودتينده هم موهاکيمه همده اعدام اولوندو.

حجت الاسلام ” آقازاده ” ، ايللر بويو تبريزده اينقلاب محکمه سي نين سدري اولارکن، خالقين و ميللي حرکتچيلريميزين آغير هؤکوملرينه قول چکميش آدام.

تبريزده توپراق قولدورلاري دستسي نين و تئهران حاکيمييتينه يالتاقلاناراق ميلتين منافعيني اؤز شخصي معنافيلرينه قوربان وئره رک جئبلريني دولدوران ” جبارزاده ” کيميلر.

سؤز بورايا گلميشکن ايکي مسئله ني شوماللي سويداشلاريميزا آيدينلاتماق ايسترديم.

۱- بيلديگينيز کيمي شومالي آذربايجاندا دا روس بئيينليلر واردير. آنجاق، اونلارلا گونئيده کي فارس بئيينليلر آراسيندا بؤيوک فرق وار. شومالداکي روس ديللي اهاليدن چوخونو تانيرام کي، آذربايجانين توپراغينا، ميلتينه و دؤولتينه بيزلر قدر باغليدير. گونئيده کي فارس بئيينليلرين بؤيوک اکثرييتي ايسه اؤزلريني و ميلتلريني آياقلار آلتيندا ازديره رک جئبلرينه ويا آنتي تورک ايدئولوژيلرينه خيدمت ائدن اولموشلار.

۲- شومالدا موستقيل بير دؤولت قورولدوغونا گؤره ديرلي آيدين و ضياليلار، يازيچي و شاعيرلر، سرمايه و ايمکان صاحيبلري اؤز اؤلکه لري نين خيدمتينده اولموشلار. گونئيلي ماددي-معنوي ايمکانليلارين بير چوخو فارسين قوللوغوندا اولموشلار و دوام ائديرلر. بوگون فارس تشکيلاتلاري، کوتلوي اينفورماسيون واسيطه لري او جومله دن ووا ايله ببج تو-لريني سئير ائدرسنيز نه دئمک ايسته ديگيمي آنلارسينيز. همن آرتيرمالييام کي، بو آرادا ميللي فاللاريميزين بعضيلري نين منفي داورانيشلاري، بزنده چيرکينليکلري، ميلتيميزله آيدينلاريميز آراسينداکي بو يارقاني آرتيرميشدير. باخميياراق کي، يوخاريدا آدلاريني چکديگيم اينسانلارا تايلارين حسابي آيريدير.بای بک

آرتيرمالييام کي، گونئي هرکاتينداکي، صاف، تميز، دوروست و يوکسک سوييه لي اينسانلار اؤز فعاليتلريني داها دا آرتيراراق، بعضي يارامزلارين ياراتديغي بو منفي ايميجي اورتادان قالديرماغا چاليشماليديرلار. شوماللي دوستلاريميزدا بو باره ده آييق اولمالي و بعضي کيچيک معنافيئ گؤره بؤيوک باشاريلاري اؤنلگيجي دوروما دوشممه ليديرلر.

- ايسترديک موسوي نين شجره سي هاقدا معلومات وئره سينيز. دده-بابالاري کيم اولوب؟ – يقين کي سيز ده اعتيراف ائدرسينيز کي، سئچکي کامپانيياسي نين گئديشينده آذربايجانشيليق، ميللي شوعاعرلار اوستونلوک تشکيل ائدير. سس آلماق ايسته ين ناميزدلر ايراندان يوخ، آذربايجاندان بحث ائديرلر. بو سئشکيقاباغي تاکتيکي گئديشدير، يوخسا ميللي هرکاتين اوغورو؟ – حساب ائتميرسينيز کي، ميللي هرکات ايندييه دک ايران سئچيملرينده آکتيو ايشتيراک ائتمه مکله سهوه يول وئريب؟

- مهنديس موسوي ۱۹۴۱- جي ايل گونئي آذربايجانين خامينه شهرينده آنادان اولوب و ۱۲-۱۰ ياشلاريندا تئهرانا کؤچوب اورادا چاليشيب، عئيني حالدا دا عالي تحصيل آليب. آشيري فارسچي اولان زهرا رهنورد ايله ائوله نيب، ايکيسيده سول مئييللي ايسلامچي گؤروشده اولدوقلارينا گؤره او زامان شاهين ” قارا ايرتيجا ” دئديگي قروپلارين تاثيري آلتيندا اولوبلار. ۱۹۶۲- ده خومئيني ايله شاهين آراسينداکي توقوشمالار عرفه سينده مهنديس بازرقان، آيتوللاه تاليقاني کيمي دوشونورلرين گنجلره تاثيري و چئشيتلي قروپلار او جومله دن خالقين موجاهيدلري نين يارانماسي هامييا آيديندير. آنجاق، بو قروپلارين ايچينده ايقتيصاديياتين تام دؤولتلشمه سيني ايسته ينلرين يانيندا، ايسلامي ماليکييت سيستئمي و ليبئرال دوشونجه لرده اولموشدو. بو فيکير صاحيبلري اينقيلابدان سونرا چئشيتلي قوروملاردا بيرلشه رک چئشيتلي حاديثه لر ياراتديلار. موسوي سولا آيخين آمئريکان الئهدارلارينا باغلي اولموشدور. اينقيلابدان سونرا، بازرقان، رجاي، باهونر کيمي آداملاردان سونرا ايران- ايراق موحاريبه سينده باش نازير اولموشدور. او زامان پرئزيدئنت اولان خامينئيي ايله دواملي پروبلم ياشاميش، نهايت (۸۹-۱۹۸۱) ۸ ايل باشنازيرليکدن سونرا چکيلميش و ۲۰ ايل ائوده اوتورموشدور. ايندي ايسه يوخاريدا آنلاتديغيم سببلر اوزوندن اورتايا چيخميشدير.

قالديکي، آذربايجانين ميللي هاقلاري ايله باغلي وئريلن شوعارلار، سادجه سئچگي قاباغي شوعارلارا بنزه يير.

خاطيرلاتمالييام کي، بو آداملار باشقا بؤلگه لرده وئرديکلري شوعارلار و دئديکلري سؤزلر تمامن فرقليدير. حتّی بعضي يئرلرده کوروش- داريوش- دان دانيشاراق آشيري فارس ميللييتچيلري نين سسيني قازانماق ايسته ييبلر.

ساده جه مهدي کروبي نين ايراندا ياشايان خالقلارين ميللي هاقلاري حاقيندا وئرديگي بيانييه نيسبتن صميمي و اهاته لي اولدوغونا گؤره بعضي ميللي حرکتچيلر اونا داها چوخ اينانير. ميللي موباريزيميز، ديرلي دين خاديمي حجت الاسلام عظيمي قديمي ايکي هفته اؤنجه زينداندان چيخديقدان سونرا بير بيانييه وئره رک کروبيني دستکله مسينينده سببي ائله بودور. بوتون بونلاري نظرده آلاراق، سئچگيلرده فعاليت گؤسترمگي فايدالي سايان ميللي موباريزلريميز، بو سئچگيلرله بيزيم هاق و هوقوقلاريميزين تمين اولونماسينا اينانماسالار دا، اوندان فايدالانماغي تکليف ائتديلر.بای بک

- سئچکيلرين نتيجه لريندن نه گؤزله ييرسينيز؟ موسوي نين شانسي وارمي؟

فيکريمجه، آذربايجاندا بو سفر سئچگيده ايشتيراک ائدنلرين سايي ۶۰٪ لارا قدر آرتاجاق. يوخاريدا آدلاريني چکديگيم اوچ نامزد ده تقريبن عئيني اوراندا بؤلوشه جکدير. سياسي فيکيرلريندن آسيلي اولموياراق، سادجه احمدي نژادين شانسيني آزالتماق اوچون سسلرين بؤلونمه سيني اؤنله مه آماجي ايله، کروبي نين سسلري نين موسوييه قايما احتيمالي دوشونولمکديدير. بو، بوتون ايراندا اولدوغو کيمي آذربايجاندا دا دا گئچرلي ساييلا بيلر.

- سيزجه موسوي سئچيلمه سه ” آذربايجان تورکلري نين هاقلاريني يئديلر ” دئيه ۲۲ مي (۱ خرداد - باي بک) اولايلاري تکرارالانا بيلرمي؟

- موسوي سئچيلمه سه ، آذربايجاندا هر هانسي بير حاديثه نين باش وئرمه سينه اينانميرام. ميللي حرکتچيلريميز ” کوورديناسيون شوراسيندا ” بيرلشسئيديلر، دکتر اعلمي نين صلاحييتي نين ردد اولماسي ايله باغلي ديره نيشلر بؤيويه بيلردي. بو تجروبه گؤستردي کي، ميللي هرکاتيميز بيرلشيب، گوج مرکزينه چئوريليرسه او اؤلکه ده اوچونجو قوووه کيمي تظاهور ائدبيلر. بودا دئموکراتيک موباريزه ميزين باشاريسي ايله نتيجلنه بيلر.

- بو گونلرده ايراندا ائتنيک توپلوملارين ديلي نين تدريسي ايله باغلي قبول ائتديگي قراري نئجه ديرلنديريرسينيز؟ ايجرا اولوناجاقمي بو قرار، يوخسا ائله سئغکي کامپانيياسي ايله ايتيب-گئده جک؟

- بو مسئله يه چئشيتلي زاوييه لردن باخماق اولار.

۱- ميلتين ايستگي آنا ديلينده ايکي واحيد تدريس دئييل، ايلک مکتبدن بيلييوردلارا قدر آنا ديلينده ايجباري تحصيلدير. بونون اوچونده گونئي آذربايجانين تاريخي توپراقلاريندا آنا ديليميزين دؤولت ديلي کيمي قبول ائديلمه سي، اولماسا اولماز پرئنسيبيدير.

۲- آنا ديليني اوشاقا ايلک مکتبدن اوغرتمک گرکديگي حالدا، ويلايتلرده کي بيلييوردلاردا ايکي واحيد آنا ديلي سئچمه حاقي تانيماق، اوشاق آلداتماقدان باشقا نه آدلانا بيلر.

۳– آذربايجانين اوشاق باخجالاريندا کؤرپه بالالاريميزلا فارسجا دانيشمغي زورونلو ائدن حاکيمييتين بو اويونونا ميلتين آلداناجاغينا اينانميرام.

۴– بو باره ده، ميللي هاقلار و آنا ديلينده تحصيل حاقيندا مهدي کروبي نين چوخ گئنيش، مؤحکم و صميمي بيانييه سي، اونون آرديندان مير حسیين موسوي نين ” خالا خاطيرين قالماسين ” بيچيمينده کي بيانييه سي نين قارشيليغي اولاراق احمدي نژادين اورتايا آتديغي ايکي واحيد تدريسين ايچ ماهييتي ساده جه سئچگي اويونودور. بو هاقدا، آناياسانين ۱۵-جي مادده سينده کي ” آنا ديلينده تحصيل حاقي ” و ۱۹- جو مادده سي ” اؤلکه ده کي ميلتلرين بيري بيريندن اوستونلوگو يوخدور ” قاوراملاري ۳۰ ايلده قوولوقدان چيخماميشدير. بله بير دورومدا دئييلن سؤزلرين ديريني يارقيلاماق، ايراندا حاکيم اولان فارس مرکزلي دوشونجه سيستئمي نين ترزيسينده اؤلچولمه ليدير.بای بک

بو مسئله ايله باغلي سؤزو اوزالديب، قيزيل واختينيزي آلماق ايسته مزديم. آما شومالي آذربايجان موستقيلليگيني برپا ائتديکدن همن سونرا، تئهران چالخانالارکن، باش وئرن بير حاديثه ني آنلاتماقلا، بير ياندان تاريخي بير سسند کيمي ميلتيميزين ذهنينده قالماسي، بير ياندان دا، آذربايجان پروبله مي ايله اوغراشانلارين معلوماتلانديريلماسي اوچون موناسيب گؤرورم.

۱۹۹۱- ده ، شومالي آذربايجان يئنيدن موستقيلليگينه قوووشدوقدان سونرا ، تئهران حاکيمييتي ال آياغا دوشه رک، چئشيتلي پلانلار هزيرلادي. شومالي آذربايجانداکي نفت کونتراکتلاري، بوتؤو آذربايجان سؤيله مي، جنوبي آذربايجان سئوداسي، بو پلانلاري قاچينيلماز ائديردي. گونئي آذربايجاندا چاپ اولونان، ميللي دويگولارا اوخشويان يئني کيتابلار، او جومله دن ” تورکون قيزيل کيتابي ” ” قانلي سنه لر ” و ” آلماس ايلديريمين سئچيلميش شئيرلري ” فارس حاکيمييتيني سانجيلادميشدي. وارليق ژورنالي نين هر سايينيدا ۲۰٪ –دن چوخو ” قاراباغ ” پروبلمينه هسر اولوندوغونا گؤره تئهرانين بعضي آدديملار آتاجاغي هيسس ائديلمکديدي. اؤزلليکله ۱۹۹۲-نين باهاري، او زامان متبوعات نازيري اولان سابير بئي روستمخانلي نين باشچيليغي ايله تئهراندا گئچيريلن کيتاب سرگيسينده باش وئرن بير حاديثه تئهراني داها چوخ قوشقولانديرميشدي.

کيتاب سرگيسينده ايشتيراک ائدن، او زامان مدنييت نازيري اولان خاتمي، سابير بي و بير چوخ گونئيلي، اوراداکي بؤيوک بير سالونا توپلاناراق ” آشيق عدالتين ” سازيني دينله ديک. سابير بئي و خاتمي بئيين چيخيشلاري زاماني، سالوندا سسلنن آذربايجان ميللي شوعارلاري سالونو تيتره ديردي. خاتمي، اوتانا-اوتانا، قيسيلا-قيسيلا، قارين سانجيسيندان قيوريلان خسته کيمي آذربايجانليلارين گؤنلونو آلماق ايسته ييردي. آنجاق، ياشاسين آذربايجان سسي نين جينگيلديسي قولاقلاري کار ائديردي، اؤزوده بير فارس نازيرين قارشيسيندا. ” ايکي گون سونرا شاييه يايديلار کي، سابير روستمخانلي تورک دئييل. ۱۹۹۴-ده باکي-يا کؤچدوکدن سونرا يارديملييا، اورادان دا سابير بيين کندي اولان هامارا گئده رک، اونون رحمتليک آناسي، قارداشلاري و کند اهاليسي نين ديل، کولتور و گلنگينده، آتا کنديم اولان تبريزين ۱۲ کيلومئتيرليگينده ديزه کندينده کي آنامين شلته توماني ايله اوغوز تورکجه سي و عادت عنعنه لري ايله هئچ بير فرق گؤرمه ديم ” .

او زامان جومهور باشقاني هاشيمي رفسنجانينين بيرينجي موعاويني دکتر حبيبي، ايران تئلئويزيونوندا بير پروگرام باشليياراق ، هفته ده بير گون ” آنا ديلينده تحصيلين ” واجيبليگيندن دانيشماغا باشلادي. فيکريمجه او پروگراملاردان مقصد، آشيري فارس ميللييتچيلريني ۱۵-جي ماددنين اويگولانماسي نين گوون قايناغي اولدوغونا اينانديرماق ايدي. آنجاق ۸-۷ آي سونرا، کيملرين فرماني ايله او پروگراملار کسيلدي، ۱۵-جي ماددنين ايجراسي يرينه يئني باسقيلار آرتدي. آذربايجان تورکجه سينده کيتاب چيخارماق اوچون دينديريلمه لر درينلشدي، تبريز راديوسوندا ياريم ساعاتليق تورکجه پروگرام هازيرلييان دوستلاريميز، او جومله دن رحمتليک پروف. زئتابي حدلندي، شومالي آذربايجانين علئيه اينه قازئتلرده يازيلار گؤبلک کيمي گؤوردي، وارليق ژورناالينا باسقيلار آرتدي وس.بای بک

بو، آنتي آذربايجان سيياستلر حاقيندا کيتابلار يازماق اولار، آنجاق، سؤزو بورادا قيسالداراق دئمک ايسته ييريم کي، ايکي واحيد تدريسده بو اويونلارين هاميسي کيمي ” آيي نين مينبير اويونونا ” اوخشار. بيرلشيب، گوج مرکزينه دؤنوشمکدن باشقا چاره ميز يوخدور.

- معلوم اولدوغو کيمي بو آي ايسرايل پرئزيدئنتي نين آذربايجانا گؤزله نيلن سفري ايله باگلي ايران سيلاهلي قوووه لري نين کومانداني اعتيراضيني بيلديريب. بونو آذربايجانا تهديد حساب ائتمک اولارمي؟

- يوخاريدا دا قئيد ائتديگيم کيمي تأسوفله ايرانداکي فارس حاکيمييتي آذربايجان و آذربايجانلييا تزييق اوچون بوتون واسيطه لردن ايستيفاده ائدير. بوگون گونئي آذربايجاندا خالق سوروشور ” ايسرايل ايله ائرمنيستان آراسيندا هانکي فرق وارکي، اونو قارقيش بونو آلقيشلاييرسان. اودا ايشقالچيدير، بودا، اونلاردا موسلماندير، بونلاردا، اوسته ليک بونلار هميده الي شيسيدير. خالق آييقدير و هئچ بير سؤز و سيياستي اونودمور. ۱۹۹۸-ده ايران خاريجي ايشلر نازيري اولان موهجيراني، ائرمنيستانلا علاقه لر ايليشگيسينده ، اونلاريندا آريا ايرقينا منسوب اولدوغونو وورقولاماسي چوخ مسئله يه آيدينليق گتيرير.

ايران طياره لري نين، آذربايجان سرحدلريني پوزدوغو زامان، باکي سماسيندا تورک اولدوزلاريني بير ميليون باکيلي نين آلقيشلاديغي اونودولماز خاطيره دير. بلکه تورکيه ده بعضيلري بيله رک و يا بيلمييه رک تئهرانين اويونونا گله بيلر. آما ايناملي و ايمانلي آذربايجان خالقي اؤز وارليغيني قوروماق اوچون، منجه بوگون هر زامانکيندان داها گوجلودور. اونون اوچون من بو تهديدلردن قورخمورام، اونلاردا چوخ ياخشي بيليرلرکي، بو تهديدلر عمليياتا چئوريليرسه اساس ضيان گؤرن اؤزلري اولاجاقلار. منيم قورخوم، صاف، تميز و آرينميش موسلمان اولان خالقيميزين بعضي سادلووه چوره لريندن سويستيفاده ائده رک، ديني دويقولاريني ايستيثمار ائتمک چابالارينداندير. داخيليميزدن وورماق ايسته ديکلري خنجرلرين جهتيني دئييشديرمگي باجارماليييق.

“تورکوستان” قزئتي
۰۸/۰۶/۲۰۰۹