- بای بک، بیر میللتین سسی - http://www.baybak.com -

ياشاسين آذربايجان - Long live Azerbaijan

سئچگيلر و گونئي آذربايجان، گونئي آذربايجان ميللي بيرليک شوراسي-نين بيلديريسي (۲)

باي بک آذربايجان | اُرتاگؤن, ۱۴-ي قئزاران , ۱۱۰۰۹ اینجی ایل, چولا ۰۰:۴۸ [گ.ؤ] | بیلدیریلر

. گونئي آذربايجان ميللي بيرليک شوراسي نين سئچگيلر حاقيندا بيرينجي بيانييه سي نين آرديندان، اينديکي يئني دورومون يارانماسيندان سونرا موناسيب ديرلنديرمه نين اؤنه مي اينکار ائديلمزدير.

بو سئچگيلر و بوندان سونرا اورتايا چيخاجاق الوئريشلي شرايتدن دوزگون فايدالنامق، ميللي هرکاتيميزين

گونئي آذربايجان ميللي بيرليک شوراسي نين سئچگيلر حاقيندا بيرينجي بيانييه سي نين آرديندان، اينديکي يئني دورومون يارانماسيندان سونرا موناسيب ديرلنديرمه نين اؤنه مي اينکار ائديلمزدير.

بو سئچگيلر و بوندان سونرا اورتايا چيخاجاق الوئريشلي شرايتدن دوزگون فايدالنامق، ميللي هرکاتيميزين قازانج و ضيانيني ديقتله اؤلچوب قرارا گلمک، بوتون دوشونور و قوروملاريميزين بوينوندا بير گؤرو ساييلماقدادير.

معلوم اولدوغو کيمي، گئچن مرحله ده سايين در. اکبر بي اعلمي نين آدايليغيندان يارارلاناراق، ميللي هرکاتيميزين منافعي اوغروندا فعاليتلر، نيسبي اولاراق موثبت نتيجه وئرميشدير. آنجاق بو سويداشيميزين صلاحييتي نين قبول ائديلمه مه سي گؤسترميشدير کي، تأسوفله بوگونکو تئهران حاکيمييتي دئموکراتيک اوصوللارا دايانان منطيقي فيکيرلره، آنتيدئموکراتيک زوراکيليقلا جاواب وئرمکده دير. آيديندير کي، گوجون قارشيسيندا آنجاق گوج دايانا بيلر.بای بک

فيکريميزجه، گئچن مرحله ده بوتون سويداشلاريميز ال-اله وئره رک اؤز گوجونو گؤسترميش اولسايدي، ميللي هرکاتيميز داها بؤيوک اوغور قازاناراق، تبريزدن آدايليغيني قويان و آذربايجاني اؤز تشکيلاتي حساب ائدن سايين اکبر بي اله مي نين يئني مرحله لره يوکسلمه سي ايله نتيجلنجکدي. بودا، دينج يوللا، آذربايجانليلارين ميللي هاقلاري نين قازانيلماسيندا ايره ليگه دوغرو بؤيوک آدديملار آتماغا يارايا بيلردي. شوبهه يوخدور کي، بوندان سونرا نه اولورسا اولسون، کوورديناسيون شوراسي نين و ميلتيميزين بير بؤلومونونو دستکله ديگي سايين اکبر بي اعلمي نين هوقوقلاريني مودافيعه ، اونون، بوندان سونراکي داورانيشلارينا باغلي اولاراق بيزلرين بورجودور. آنجاق اوندان داها واجيبي، اونون سئچگي مرکزلرينده فعاليت ائدنلر و کوورديناسيون شوراسيني هيمايت ائدنلرين داها جيدي، داها گوجلو مودافيعه سي يئر آلماسيدير.

سئچگي پروسئسينده، يوخاريدا قئيد ائديلن حاديثه نين يانيندا، باشقا مسئله لرده اورتايا چيخميشدير. مهدي بئي کروبي و آرديندان، ميرحسين بئي موسوي نين، اؤلکه ده ياشايان ميلتلرين هاق و هوقوقلاري نين تاميني باره ده سئچگي بيانييه لري، اوزدن ايراق ايصلاحاتچي خاته مي نين، تورکلره اهانتي نين گئجيکميش ويدئو ياييمي، سئچگيلرين نتيجه سيني بليرليين گوجون، تورکلر اولدوغونو وورقولايان تئهراندان ياييلان فيکيرلر، ديقت و آناليزه لاييقدير.

خاتمي نين سوييه سيز و اوزونه لاييق دانيشيق فيلمي نين سئچگي قاباغي ياييلما سببيني ، بعضي دوستلاريميز هاقلي اولاراق، تورکلرين سسلري نين احمدي نژادا قايديريلما فيکريني گودن بير اويون اولدوغونو بيلديرمکده ديرلر. خاته مي، او فيلمين ساختا اولدوغونو وورقولاييب، تکزيب ائتمه سي ويا آذربايجان و آذربايجانلي حاقيندا آلداتماجالار سؤيله مه سي، اصلینده هئچ بير شئيي دئييشمير. فارس و فارسچيليغي، اؤلکه ده ياشايان بوتون ميلتلردن اوستون توتان راسيستلرين سؤزو يوخ، عملي ميلاکدير. هاميميز بيليريک کي، شووينيزمين بوتون نوماينده لري، ايستيثناسيز اولاراق همين ذهنييتي داشيماقدا و آنتي-تورک سيياستلرين ايجراسيندا موسابيقه وئرمکده ديرلر.

ميلتلرين هاق و هوقوقو باره ده وئريلن بيانييه لرده، کروبي بيين ياناشماسي نين درينلکلري قارشيسيندا موسوي بيين داياز توخونتوسو آچيقجا گؤرونمکده و اونون کؤلگه سي آلتيندا قالماسيدا آنلاشيلماقدادير. سئچگي قاباغي بوتون بو اويونلارا باخميياراق، اؤزلليکله نامزدلرين عومومي چيخيش و تبليقاتلاري، ايراندا فارسچيليق سيياستي اوزرينده قورولدوغونا گؤره، ميلتيميزين بو آلداتماجالارا ايناناجاغي اينانيلمازدير. بونون يانيندا، اؤلکه ده فارس مرکزلي دوشونجه سيسته مي نين قاليب اولدوغو حالدا، بو اينسانلاريندا اونا قول چکديگي بير دورومدا، بو ياريم ياپالاق، بيانييه لر ويا قصدن ياييلميش ويدئو گؤرونتولري آييق ميلتيميزي آلداتماغا گوجو چاتماماليدير.بای بک

بوتون بونلاري گؤز اؤنونده توتارق، گونئيده کي چتينليکلري هيسس ائده رک، اوراداکيلارين بير داها تيتره ييب اؤزونه قاييداراق “کوورديناسيونشوراسيندا” داها گوجلو و سيستئماتيک چاليشاراق نظر وئرمه لريني دوغرو بير حرکت حساب ائديريک.

بونونلا بئله و گونون شرايتين نزرده آلاراق، نامزدلردن آچيق و نئت اولاراق ميللي هاقلاريميزين تانينيب، ايجراسي باره ده رسمي، دوزگون و آيدين بيانات وئرمه لريني ايستمکده فايدا گؤروروک. بو هاقدا، گئنه بعضي چتينليکلري نظرده آلاراق، همچي نين، ايستر کوورديناسيون شوراسي، ايسترسه ده گئچن دؤنمده داخيلدن گلن باشقا نظرييه لري گؤز اؤنونده توتاراق، آشاغيداکي ايستکلرين، آدايلارين بيانييه لرينده عکسيني تاپماسيني اويگون گؤروروک. بو ايستکلر آنا ياسانين ۱۹-جو مادده سينده کي “اؤلکه ده ياشيان ميلتلرين برابر هوقوقلو و بيري بيريندن اوستون اولماديغيني” وورقولاويان جومله لري نين مفهومونو اورتايا قويدوغونا گؤره قانونا اويگون و آذربايجان ميللي هرکاتي نين دئموکراتيک اوصوللارلا موباريزه سيستئمينه موناسيب گؤرونمکده دير.

۱- گونئي آذربايجاندا ايلک مکتبدن بيلييوردلارا قدر آنا ديليميزين ادبي فورماسيندا ايجباري اولاراق تحصيل آلينماسي.

۲- گونئي آذربايجاندا آناديليميزين ادبي فورماسيندا آزاد و دئموکراتيک متبوعات و راديو تئلئويزيونلارين فعاليتلري نين تامين ائديلمه سي.

۳- آذربايجانين ايقتيصاديياتي نين داغيلماسي نتيجه سينده ميلتيميزين بؤيوک فلاکتدن قورتولماسي اوچون، بوتون پوتانسييئليندن ايستيفاده ائده رک ايقتيصاديياتين اينکيشافي نين تمين ائديلمه سي.

۴- ايسرائيله منفي موناسيبت سبب- نتيجه فسفسينه دايانيرسا، آذربايجان تورپاقلاريني ايشقال ائدن ائرمنيستان-آ گؤستريلن موثبت موناسيبت، آنجاق عيرقچيليغين نتيجه سي اولا بيلر.بای بک

اؤلکه ده ياشايان ميلتلرين هر بيري نين اؤزونه گؤره اؤزل پروبلم و ايستکلري اولدوغونا گؤره يوخاريداکي مادده لرين آنجاق، آذربايجانا آيد اولدوغو وورقولانماقدادير.

امين و آرخايينيق کي، يوکسک سياسي شوورونو تاريخ بويو سوبوت ائتميش، آنجاق، ميللي کيمليگينه دريندن دايانماديغينا گؤره باشاريلي اولاماميش ميلتيميز، آپارتايدين سئچگي اويونلارينا گلمييه جک. نه، خاتمي نين چيرکينليکلرينه گؤره قاتيل احمدي نژادا هه دييه جک، نده تورکلوک شوورو اولمويان آدايلارا، آنجاق تورک اولدوغونا گؤره سس وئره جکدير. گئچميش حاکيمييتلر دؤورونده،جاببارزاده کيمي تالانچيلارين ميلته يئمک پايلاماسي و باهالي پوستئرلر حاضيرلاماسي، ماددي منافع قازانماق اوچون مقام داليندا اولانلارين تئهراندا “آذري جمعييتي” يارادماسي، آذربايجاندا فورصتلردن يارارلاناراق “تورپاق قولدورلاري نين” غئيري ميللي داورانيشلاري، ميلتيميزي آلداتميياجاقدير.

اؤلچو ديريميز، آنجاق، آذربايجانيميزين منافعيني تامين ائده جک، آچيق و آيدينجاسينا ميللي وارليغيميزي تانييان و گرگيني يئرينه گتيرمه يه وئريلن يازيلي سؤز اولاجاقدير.

حؤرمتله؛
گونئي آذربايجان ميللي بيرليک شوراسي
۲۹/۰۵/۲۰۰۹

[1] سئچگيلر و گونئي آذربايجان، گونئي آذربايجان ميللي بيرليک شوراسي-نين بيلديريسي (۱)

BayBak, All about a Nation, بیر میللتین سسی
یازینی پی.دی.اف اولاراق ایمیل آدرسینه گؤنده ر

_ _ _ _ _ _ _
مربوط اُلان یازیلار


پایلاش | پرینت
بعضی عکسلر خبره باغلی اولمایا بیلیر. لطفا دیقتتلی اولون
بورا باغلي يازيلار:

گوروش کاپانیبدی

http://www.baybak.com بای بک سایتیندان پرینت اولوب
http://baybak.com/say_549.azr یازینین اینترنت آدرسی

azeribaybak[at]gmail.com

یازیده ایشه آلینان اینترنت آدرسلری
[1] سئچگيلر و گونئي آذربايجان، گونئي آذربايجان ميللي بيرليک شوراسي-نين بيلديريسي (۱): http://baybak.com/say_219.azr