دونیا آنا دیلی گونو آنماسینا چاغیریش – اوغوز تورک
باي بک آذربايجان | اِلگؤن, ۸-ي دوندوران , ۱۱۰۱۱ اینجی ایل, چولا ۱۰:۱۹ [گ.ؤ] | Events, بیلدیریلر, یازیلار
[ February 25, 2012; 5:30 pm to 8:30 pm. ]
 |
. | گونئی آذربایجان تورکونون بوتون کیشیسل و توپلومسال حاقلارینین آراسیندا ان اؤنملیلریندن اولان، اؤز دیلینی دانیشیب، یازیب، اؤیردیب، اؤیرنیب، و رسمی اولاراق اؤز رسمی و میللی ایدارهلرینده ایشلتمک هققی، اونا اسیرگنمیشدیر. بو اینسانا و توپلوما قارشی یاساقلارا ان آز الشتیری و اتیراز، ان آغیر سوچلامالار و سونوجدا ان |
| February 25, 2012 | ||
| 5:30 pm | to | 8:30 pm |
(دقت: یازی تورکیه مئدیاسینا گؤره حاضیرلانمیشدیر، آذربایجاندا یایین اوچون بای بک طرفیندن اویقونلاشدیریلمیشدیر.)
گونئی آذربایجان تورکونون بوتون کیشیسل و توپلومسال حاقلارینین آراسیندا ان اؤنملیلریندن اولان، اؤز دیلینی دانیشیب، یازیب، اؤیردیب، اؤیرنیب، و رسمی اولاراق اؤز رسمی و میللی ایدارهلرینده ایشلتمک هققی، اونا اسیرگنمیشدیر. بو اینسانا و توپلوما قارشی یاساقلارا ان آز الشتیری و اتیراز، ان آغیر سوچلامالار و سونوجدا ان آغیر ایتگیلر ورمهلی اولماقلا جاوابلانمیشدیر. گئچمیش ۸۰ ایلده، ایران ایشقال گوجلری، گونئی آزربایجانی هر یؤندن، نظامی، سیاسی، گچیمسل، توپراقسال، و اؤزللیکله دیل و کولتور یؤنوندن سالدیرییا اوغراتمیشلار. ایران ایشقال گوجلری، هر دوندا و هر رنگده اولور اولسون، پهلویلریندن توتدو تا ایسلامی فاشیستلرینه و حتی یاشیلچی و یا فئدرالچیلاراجان، هامیسی، گونئی آزربایجانا و گلهجک بؤیوک آزربایجانا آند ایچمیش دوشماندیرلار.
ایندی، ایران دوشونجهسی، آذربایجان دوشونجهسی ایله رسمن قارشی قارشییادیر. گونئی آذربایجان، اؤز تورکجسینه ساریلاراق بو قوتسال بؤیوک آذربایجان دوشونجهسینی گرچکلشدیربیلر. اؤزونه، گئچمیشینه، و گلجیینه سایقیسی اولان گونئی آذربایجان تورکونون ان کسگین سیلاهلاریندان بیری ده اونون اؤز به اؤز تورکجسیدیر. بو گوجلو و ده یرلی سلاح قوللانیلمالیدیر. تورکجه بیر سلاح اولاراق دوشونولمهلیدیر. بو دوشونجه هر گونئی آذربایجان میللی هرکتچینین تمل ساواش تاکتیغی اولمالیدیر. ایران ایشقالینا قارشی، هر یؤنده و هر تورلو، دیرنیش گؤسترلیمهلیدیر. بو دیرنیش و بو قارشی ساواش، ایران یانلیسی اولان هرکهسه و اؤزللیکله گونئی آزربایجانی ‘یران فئدرال سیستمی آدی آلتیندا، ایران ایشقالی آلتیندا توتماغا چالیشانلارا آچیلمالیدیر. گونئی آذربایجان تورکونون قورتولوشو و ساادتی، یالنیز اونون ایران ایشقالیندان آرینماسیندان، و اؤز باغیمسیزلیغینا یتیشمهسیندن، و بؤیوک آزربایجانین یارانیشیندان اولاجاقدیر. بو آرزییا و بو ساادته یتیشمک اوچون، دیلیمیز اولان بو گوجلو سلاحین ده یرینی آنلامالیییق.
ایللر اؤنجه، بیز گونئی آزربایجاندا و باشقا تورک یاشایان بؤلگهلرده، اوخوللارین بیرینجی گونونو اؤخولا گتممغی اؤنرمیشدیک. بو دوشونجه یاواش یاواش هر سیاسی قوروبون منیمسنمیش تاکتیغینه دؤنموش دورومدادیر. بو دوشونجنی گرچکلشدیرمک اوچون بوتون سیاسی قوروبلار جدی اولاراق، ایشبیرلیگینده اولمالیدیرلار. بو بیر گونو بیر یدیگونئ (هفتهیه) اوزاتماق، و بو ایلمی ایشقالدان قورتولماغا گوجلو بیر آراج کیمین قوللانماق اولار. اوخوللاردا و رسمی یرلرده تورکجه دانیشماغا و یازیشماغا ایسرارلی اولماق و بونون اوستونده دیرنمک و بو اتگینلیغی ایلملشدیرمک گرکلی و یارارلیدیر.
آنالار، ‘فارسجا بیلمهین ساوادسیز اولار و گریده قالار دوشونجهسینین بوش و دوشمان و دوشمانا اویانلارین اویونو اولدوغونو بیلیب و اؤز اوشاقلارینا اؤز آنا دیللرینی اؤیرتمکله اونلارا و گلهجک نسله خیانتده بولونماسینلار. بابالار، ‘وده تورکجه دانیشیلار قورالینی اویقولاماقلا، حاکم فارس میللتینین اولره اوزانان ایغرنج اگمنلیک علینی کسسینلر. یعنی دوغولان چوجوخلارین آدلارینی تورکجه قویماقدا ایسرارلی اولماقلا، و حتی هرکس اؤز آدینی ویا ایش یرینین آدینی تورکجیه دییشدیرمک اوچون ایشقالچی دولتین ‘سبت آهوال ایدارهسینه گتمکله بؤیوک بیر سیاسی دالقا و ایلم گرچکلشدیربیلریک. ایشقالچی میللتین دیلینی ایشلتمکدن چکیلمک ان بؤیوک میللی باشیممکدیر. ایشقالچی میللتین دیلینده رادیو، تلویزیون، و قازتلری بایکوت اتمک و ایلگیلنممک، گونئی آذربایجان تورکونون باش بینینی نؤکردیجی، کؤللشدیریجی و بیر سؤزده فارسلاشدیریجیلیقدان قورتولماغا یؤنهلی گؤتورر. میللی حرکتیمیزین چالیشانلاری و باغلی اولدوقلاری قوروبلار، هرکس و هامی، تورکجیه ایراندان قورتولماق اوچون بیر سلاح اولاراق باخمالیدیرلار، و بو کسرلی، ده یرلی، و یارارلی سلاحین قوللانیش یوللارینی اینجهلمهلی و بیلمهلیدیرلر.
کیشینین (اینسانین) ان ایلکل و ان دوغال هقلریندن اولان ‘انا دیلیندن بو قدر اؤز توپراقلاریمیزدا مهروم قالماق هچ کیشییه و اؤزللیکله هچ تورکه یاراشماز. بو قدر اشاغالیق دوروم کیمسهیه یاراشماز البته. آما، گئچمیش ۸۰ ایلده فارس میللتینین اوستونلوغونو ساوونان ‘یرانچیلار، قوندارما ایران یاراتماقلا و قوندارما ایرانلی میللتی یاراتماقلا، یاواش یاواش تورکو و اؤزللیکله گونئی آذربایجان تورکونو تورکسوزلشدیریلمغه و فارسلاشدیریلماغا سوروکلمیشدیرلر. ایندی قوندارما ایراندا، ۳۵،۰۰۰،۰۰۰ تورکون اؤز ‘انا دیلیندن بؤیله مهروم توتولماسی و بو قدر تحقیر اولونوب اشاغالانمسی، هرکهسه بیر نورمال دوروم و قبول اولونموش سورردوروم اولسا دا، دونیا دیلچیلیک بیلیمینه گؤره و دونیا توپلوم و تینتوپلوم بیلیمینه گؤره بؤیوک بیر فاجیعهدیر. گونئی آذربایجان تورکونون بؤیله ایران ایچینده گون به گون اریگیب گتمهسی و یاواش یاواش یوخ اولماسی، اینسان تاریخینده ان بؤیوک ایتگیلردن بیری و ان بؤیوک فاجیعهلردندیر. بو ‘دیلقیریمی همن سؤیقیریما بنزردیر و سونوجلاری دا همندیر. بو بؤیوک فاجیعهنین بیزیم مزلوم میللتین باشینا یاواش یاواش گلمهسی اونون هیسس ادیلمهسینی داها چتینلشدیرمیشدیر. بیر یاندان دا فارسلاشدیرماغین و تورک دوشمانلیغینین اؤنده گدنلرین بیر چوخو تورک کؤکنلی اولماغی بو ایغرنج و قورخونج سورجی داها دؤزوملو و یوموشاقلاشدیرمیشدیر.
گئچمیش یوزیلده ایران بوتونلوغونو ساوونان و تورک وارلیغینی فارس میللتینین ایاغینا سالان، سؤزده آیدینلارین چوخو تورک کؤکنلی اولموشلار. یاشاملارینی فارسا و ایرانا آدامیش و تورک دوشمانلارینا سیاسی ویا ادبی ادبیات یارادانلار، ایشقالچی، اردمسیز، و تجاووزچو فارس اوردوسوندان داها دا بتر و داها دا زهرلی اتگی بیراخمیشدیر. گونئی آذربایجان تورکونون قارشیسیندا دوران و اونو اؤز ‘انا دیلیندن مهروم ادن، اونون خاین، ساتیلمیش، مانقوت، وطنسیز، سؤزده آیدینیدیر. میللی حرکته، بو قارانلیق یایان آما آیدین گچینن تورک کؤکنلیلر ان تهلوکهلی عامللر اولموشلار. میللی هرکتین چالیشانلاری بو تهلوکهیه دویارلی اولمالی و اونا قارشی دورمالیدیرلار. باشاردیقجا ایشقالچی میللتین دیلی، فارسجا یازماقدان چکینیلمهلی و هر یرده تورکجیی رسمی اولاراق قوللانمالیییق. تورکجیه و اونون بیزه وربیلجغی گوجه اینانیب، تورکجه یازمالیییق. ‘انا دیلی بیزه هر شیدن اؤنملی و قورتولوشا گؤتورن یول کیمین گؤرونمهلیدیر.
بو گون، ‘دونیا آنا دیلی گونونده، گونئی آزربایجاندا ایشقال آلتیندا اولان تورک میللتینین ‘انا دیلینین حاکم فارس میللتینین الیله یوخ ادیلمهسینه ایلگی چکمک اوچون بیر یره ییغیشیریق و مزلوم و محکوم میللتیمیزین سسینی هرکهسه یتیرمک ایسته ییریک. بو ییغینیاجاقدا ‘انا دیلی ایله و اؤزللیکله گونئی آذربایجان تورکجسینین بو دایانیلماز و وخیم دورومویلا ایلگیلنن هرکسدن قاتیلمالارینی ایسته ییریک.
سایقیلاریملا،
اوغوز تورک
۲۷/۰۱/۲۰۱
چاغ:
۲۵/۰۲/۲۰۱۲
چولا:
۱۷:۳۰
يئر:
۲۹ St. Dennis Drive
Flemingdon Park
Toronto, Canada
, بیر میللتین سسی
پایلاش | پرینت
بورا باغلي يازيلار:
- کانادا-نین تورونتو شهرینده یاشایان سویداشلاریمیز آذربایجان اوچون یئنی تئلئویزیا آچیلیر، “حيدربابا تي.وي”
- د.ا.ک سيمپوزيوم کئچريله جک: “۱ خرداد-دان بوتؤولويه گئدن يول”
- کورد ترورچو پارتييا سدري، عراق جونمهورباشخانينين اوغلو ايسرائيل لوببيسيله گؤروشور!
- ۱ خرداد قيامي تورونتودا آنيلاجاق
- ایلتیشمه ۱: ایپک خانیم (فرانک) فرید-ین اینسان حاقلارینی ساووما
- قوزئي آذربايجان جومهورييتي گونو موناسيبتيله تورونتو-دا ۳ توپلانتي کئچيريله جک
- گونئي آذربايجان ميللي بيرليک شوراسي عبدالله صدوقي باره ده اينسان هاقلاري کوميسارياسينا مکتوب عونوانلادي
- آمئریکا-دا قئيدياتدان کئچميش شيرکتلر آذربايجان هؤکومتينه اؤدنيشلريني خالقا دا آچيقلاياجاقلار
- دوشمانا اینانماق!! - اوغوز تورک
- سئچیمه قاتیلانلار، قاتیلاماغا چاغیرانلار، قاتیلماق ایستهیهنلهر - اوغوز تورک
http://www.baybak.com
بای بک سایتیندان پرینت اولوب
http://baybak.com/say_5455.azr
یازینین اینترنت آدرسی
گوروش کاپانیبدی