ياشاسين آذربايجان - Long live Azerbaijan

.

ايندي تورک و آزربايجانلي ايصلاح طلبلر و تورک آزربايجانلي اوصولگرالار دا، بنزه ر بير سوره جي باشلاديب، تورک و آزربايجان آديندا و فارس و سراسري تشکيلات و قوروهلاردان موستقيل اولاراق، تورک-آزربايجان ايصلاح طلبلر و تورک آزربايجانلي اوصولگرا سيياسي حرکت و تشکيلاتلاري ياراتمالي و جومهور باشخاني سئچيمينده ده هانسي مووضئعي توتاجاقلاريني، ايشتيراک ائديب ائتمه يه جه کله ريني و ائتديکلري تقديرده کيمه اوي وئره جه کلرييني، تورک و آزربايجانلي ايصلاح طلبلر و يا تورک آزربايجانلي اوصولگرالار آدي آلتيندا قامو اويونا بيلديرمه ليديرلر. منجه تورک ايصلاح طلبلر و يا اوصولگرالارين موستقيل بير سيياسي حرکت اولاراق و تورک و آزربايجان آدي داشيياراق اورتايا چيخمالاري، اونلارين کيمه راي وئره جه کلرينده دن ده داها اؤنه ملي بير حاديثه دير.

ايراندا اوچ آي سونرا ياپيلاجاق اولان جومهور باشخانليغي سئچيملري حاققيندا آزربايجان و تورک آيدينلاري ايله سيياسيلري طرفيندن آرتاراق بعضن يوزده يوز ضيدد اولان يئني آناليزلر ياپيلير، يئني دوشونجه لر اورتايا آتيلير. آنجاق هله ده بو قونودا هامينين آنلاشديغي بير فيکير و توتوم اورتايا چيخماميشدير. بو تارتيشمانين درينله شمه سي و اولقونلاشماسي آماجييلا بو قونوداکي فيکيرلريمي بير يول داها اورتايا قويمانين يارارلي اولاجيني دوشونوره م.

ايراندا ياپيلان سئچيملر

ايراندا آراليقلارلا سئچيملر ياپيلير. بو سئچيملر، هئچ بير شوبهه اولمادان، دئموکراتيک سئچيملر دئييلدير. بونلار توتاليتئر بير رئژيمين گؤسته رمه ليک و چئشيتلي آماجلارلا ياپديغي سئچيملردير. اساسن بو سئچيملرده ايسته ر جومهور باشخانليغي، ايسته ر مجليس نوماينده لييي، ايسته ر شهه ر شورالاري و ايسته ر هر هانسي بير سئچيمه قاتيلانلار، يالنيز بو توتاليتئر، کؤکده ن دينچي فارس رئژيمينه باغليليق آندي ايچميش شخصلر آراسيندان آداي اولابيله ر.

سئچيملر اويون مودور؟

بير سيرا شخص ايراندا ياپيلان سئچيملرين آنتي دئموکراتيک و گؤسته رمه ليک اولدوغونو اؤنه سوروب، اونلاري ايران ايسلام جومهورييتينين بير اويونو اولاراق آدلانديريرلار. ذاتن بونو دانان دا يوخدور. دوغرودور، ايران دؤولتي سئچيم اويونونو اؤز چيخارلاري اوچون ايشله دير. بو چيخارلارين باشيندا رئژيمه مشروعييت قازانديرماق گلير. آنجاق بو او دئمه ک دئييلدير کي باشقالاري و يا تورک خالقي دا بو اويونو اؤز ميللي چيخارلاري اوچون ايشله ده بيلمه ز. اؤرنه يين بير سيرا دؤولت ديشي ايليملي فارس دينچي قوروپلار بو سئچيملري ايرانين سيياسي آلاندا گليشمه (توسعه) سي اوچون ايشله ديرلر. بيليندييي کيمي ايرانين سيياسي آلاندا گليشمه سي، ايران دؤولتينين ايسته يي دئييلدير، آنجاق عملده ايران دؤولتي سئچيم اويونونو اويناياراق، ايسته مه سه ده اؤلکه نين سيياسي گليشمه سينين اؤنونو آچير.

تورک خالقي و سئچيملر

ايراندا ياشايان تورک خالقي آرتيق بيلمه ليدير کي ايران دؤولتي اصلينده و اؤزونده خاليص بير فارس دؤولتيدير، بو دؤولت فارس خالقينين دؤولتله شمه سيندن باشقا بير شئي دئييلدير. دولاييسي ايله بيز بو دؤولتله اولان موناسيبتلريميزي، قارشي طرفله حتتا دوشمنله اولان موناسيبتلر اولاراق گؤرمه ليييک. آنجاق سيياست عالمينده رقيب و يا دوشمنله اويون اوينانماز دييه بير قورال يوخدور. بلکه لاپ ترسي، اويونلارين ان هيجان وئره ني، رقيب لرله اوينانان اويونلاردير. آيريجا اويونا گيريشميش بير دوشمني يئنمه ک چوخ داها آسان و راحاتراقدير. بونو خروشچوف سونراسي سوويئتلرين راحاتليقلا باتي دونياسي طرفيندن چؤکدورولمه سي و داغيديلماسي، يا دا تحريم آلتيندا اولان ايران ايسلام جومهورييتينين گوجله نمه سي ده ايثبات ائتميشدير.بای بک

بايکوت کيمين سيياستي اولابيله ر

بير سيرا تورک و آزربايجانلي سيياسي فععاللار، ايراندا ياپيلان سئچيملرين بايکوت ائديلمه سي گره کديييني ساوونورلار، اونلارا گؤره سئچيملره قاتيلماق، ايران ايسلام جومهورييتينه قانونيليک قازانديرارميش (باخين هدايت سولطانزاده نين مقاله سي: ما و مشروعه طلبان). بو ياخلاشيم ايران مرکزلي و داها دوغروسو فارس اوپوزيسيونون سيياستي اولابيله ر، اونلار دينچي فارسلاري اؤز سيياسي رقيبلري گؤردوکلري اوچون، بايکوت ائديلمه سيني ايسته مه کده ديرلر. آنجاق تورک خالقي بئله دوشونه ممه ز. تورک خالقي اوچون ايراندا ياپيلان سئچيملر اوچون اؤنجه دن قرار وئريلميش و هر دورومدا ايشله ديله بيله ن بير ياخلاشيم و يؤنته م يوخدور. فارس حاکيمييتيني ييخماق دا بيزيم سورونوموز دئييلدير، بو فارس خالقينين سورونودور، بيزيم ايسته ييميز، فارس حاکيمييتيني بيزيم ميللي حاقلاريميزي و ان باشدا اؤز گله جه ييني بليرله مه حاققيني تانيماسيدير. فارسيستانا کيمين حاکيم اولاجاغي ايسه دوغرودان بيزي ايلگيله نديرمه ز.

بيز هر سئچيمي تکه ر تکه ر اؤز ميللي چيخارلاريميز تمه لينده اله آلمالي، آغير يونگول ائتمه لي و ميللي چيخارلاريميز ايشيغيندا بللي بير سئچيمين بوتون اؤلکه ده بايکوت-تحريم ائتمه، ياري-تحريم ائتمه، بير مرحله ده قاتيليب سونراکي مرحله ده تحريم ائتمه، بير بؤلگه ده تحريم ائتمه آمما باشقا بير بؤلگه ده قاتيلما، و يا بوتون اؤلکه ده ايشتيراکيميزا قرار وئرمه ليييک.

ايران ايسلام دؤولتي بيرله شميش ميللتلره اويه بير دؤولتدير. دئمه لي بو دؤولتين قانونيلييي تارتيشما قونوسو اولابيلمه ز. سئچيملرله قانونيليک آراسيندا قورولان باغ يانليشدير. رئفئراندوم ايران ايسلام جومهورييتي قورولاندا اونا قانوليليک قازانديرسا دا، اوندا سونرا ياپيلان سئچيملرين بئله بير گؤره و و ايشله وي يوخدور. دوغرودور، سئچيملره قاتيلماق ايران ايسلام جومهورييتينين مشروعييتيني آرتيرابيله ر. آنجاق دونيا و اؤزه لليکله باتي دونياسي بيزدن ده داها ياخشي، ايران ايسلام جومهورييتينين توتاليتئر ماهيييتيني بيلير و اونون گؤزونو تکجه سئچيمله اؤزو ده ايراندا ياپيلان گؤسته رمه ليک سئچيملرله بوياماق چوخ چتيندير. باشقا بير دئييشله گؤسته رمه ليک سئچيم، توتاليتئر رئژيملرين تکجه اؤز يانلارينداکي مشروعييتيني آرتيرار، نه دونيا قامو اويوندا..

تورک خالقي و ايراندا ياپيلان سئچيملر

تورک خالقينين ايراندا ياپيلان بوتون سئچيملري تحريم ائتمه سينين چوخ سينيرلي فايدالاري اولابيله ر. بونلارين ان باشيندا ايران رئژيمين تورک خالقي طرفيندن منيمسه نمه ديييني گؤسته رمه کدير. آنجاق تورک خالقينين ايران رئژيميني منيمسه مه ديييني گؤسته رمه سي اوچون چوخلو آيري يوللار دا مووجوددور. هاراي هاراي من تورکم بونلاردان بيري ايدي.بای بک

آيريجا ائله دوروملار دا واردير کي سئچيملره قاتيلماق تورک خالقينين رئژيمدن اوز چئويرديييني گؤسته رمه نين داها اويقون بير يولودور. اؤرنه يين بير سيرا آزربايجان اوستانلاريندا، مهرعليزاده يه راي وئرمه ک، آچيقجا تورک خالقينين تورکچو شوعارلار وئره ن، تورک کيملييينه وورقو ياپان کانديدلري سئوديييني گؤسته ردي. فارس اوپوزيسيونو ايراندا ياپيلان سئچيملره قاتيلماقدان اوتانيب، اونو بايکوت ائتمه سينه رغمن، تورک خالقي بو سئچيملري دشمنين و موستعميره چينين ياپديغي بير سئچيم اولاراق گؤردويوندن دولايي، اونلاردان اؤز ميللي منافئعي دوغرولتوسوندا - و نه دؤولته قانونيليک و مشروعييت وئرمه آچيسيندان-باخماليدير، تورکييه کوردلرينين تورکييه ده ياپديقلاري کيمي…

چئشيتلي سئچيملر، چئشيتلي تاکيتيکلر

ايراندا سئچيمدن دانيشاندا هانسي سئچيمدن دانيشيلديغيني داها اؤنجه بليرله مه ميز گره کير، چونکو بونلارين گؤره وي و بيزيم ميللي چيخارلاريميز آچيسيندان گؤسته رديکلري اؤنه م فرقليدير.

اؤرنه يين آزربايجانين کورد ياييلماجيليغينا معروض قالميش شهه رلرينده ياپيلان شهه ر شورالاري و مجليس سئچيملرينده، بيزيم ميللي چيخارلاريميز بو شهه ردن تورک آدايلارين سئچيلمه سيني ساغلاماقدير. يعني کوردلر طرفيندن ائتنيک منسوبييتي تارتيشما قونوسو ائديله ن اورمو، سولدوز، تيکان تپه، بيجار و …. کيمي شهه رلريميزين موديرييتي، تئهراندا کيم ايش باشيندا اولورسا اولسونو اونلارين باغلي اولدوقلاري سيياسي خط و ايدئولوژييه باخمادان- هميشه تورکلرين الينده اولماسي بيزيم ميللي چيخارلاريميزا اويقوندور. يوخسا بورالارين ياخين گله جه کده کوردوستانا ايلحاق ائديلمه سي تهلوکه سي دوغار و اونا حوقوقي گئچميش يارانار.

عئيني دوروم گيلان اوستانيندا تورک-تاليش-گيلکلرين، مرکزي، تئهران، قوم کيمي اوستانلاردا تورک-فارس خالقلارينين بيرليکده ياشاديغي يئرلرده ده گئچه رليدير. بو اوستانلارين تورکلرله مسکون اولان بؤلگه لرينده هميشه شهه ر شورالاري و مجليس نوماينده ليکلرينه تورکلرين سئچيلمه سينه چابا گؤسته ريلمه ليدير. يوخسا بو تورک تورپاقلاري ياخين گله جه کده ايران فئدئرال اولونجا و يا بؤلونونجه آزربايجاندان آيريليب، فارسيستان و يا گيلانا ايلحاق ائديله بيلير. عئيني دوروم ايرانين گونئيي و قوزئي دوغوسوندا يئرله شه ن تورک شهه ر و کندلر اوچون ده گئچه رليدير..

سراسري سئچيملر

کورد و فارس ياييلماجيليغينا معروض قالان آزربايجان شهه رلرينده سئچيملره قاتيليب، تورک آدايلاري سئچديرمه نين بيزيم ميللي چخارلاريميزا اويقون اولدوغو آيديندير. آنجاق سراسري سئچيملرده کي دوروم بونون کيمي آيدين و کسين دئييلدير. بير سيرا سئچيملرده ايشتيراک ائتمه ک، اؤته کي سئچيملرده ايسه تحريم ائتمه ک بيزيم ميللي چيخارلاريميزا اويقون اولابيله ر. بورادا دا دوغرو قراري وئرمه ک اوچون بيزيم تک اساس آلماميز گره که ن ايلکه، ميللي چيخارلاريميز اولماليدير و نه رئژيمه مشروعييت قازانديرما و يا قازانديرماما حئسابلاري

ليبئراللارين حاکييميتي

ايران دؤولتي بير فارس دؤولتيدير. بو دؤولت فارسچيليق دورتولري و ميللي چيخارلاري اساسيندا حرکت ائده ن بير دؤولتدير. حتتا اگر بو دوؤولتين باشيندا تورک و يا خامنه اي کيمي ياري تورک بير شخص ده دورسا. دولاييسي ايله جومهورباشخانلاري سئچيملرينده بيزيم بير آداي و نامزدين تورک خالقينين ميللي حاقلاريني گئري وئره جه ييني دوشونمه ميزه گره ک يوخدور، چونکو او مقامدا اوتوران شخص، تورک خالقينين ميللي حاقلاريني وئرمه ک دئييل، بو حاقلاري آلماق اوچون اورادا اتوردولوبدور.

آنجاق بو او دئمه ک دئييلدير کي ايرانين جومهور باشخانليغينا کيمين اوتوردوغو تورک خالقي اوچون فرقسيزدير. ياخين تاريخ گؤسته رميشدير کي ايرانين باشيندا ليبئرال بير حاکيمييت اولدوغو زامان (خاتمي) ويا حاکيمييت بوشلوغو دوغدوغو زامان ريضاخانين قاچديغيندان سونرا) تورک خالقينين اويانيشي و ميللتله شمه سوره جي، گونئي آزربايجاندا تورک ميللي دئموکراتيک حرکتله نمه سورعت قازانميشدير. دئمه لي ايرانين باشيندا فارسلار دوردوغو موددتجه، تورک خالقينين ميللي منافئعي آچيسيندان هميشه ليبئرال دينچي اوصولگرا-موحافيظه کار دينچيدن، ليبئرال لاييک ده موحافيظه کار لاييکدن داها ياخشيدير..

ليبئرال حاکيمييت نه دن تورک ميللي چيخارلاري دوغرولتوسوندادير

ليبئراللارين ايراندا حاکيم اولماسي نه اوچون بيزيم ميللي چيخارلاريميزا اويقوندور؟

تورک خالقي ايراندا اويانيش و ميللتله شمه آشاماسيندادير. بو آچيدان تورک خالقينين دورمو، چوخ داها ايله ري بير ميللتله شمه آشاماسيندا اولان کورد خالقيندان فرقليدير. بو دورومدا ايکه ن، بيزيم ميللي اويانيشيميز و ميللتله شمه ميزه کؤمه ک ائده ن هر شئي و اولاي، بيزيم ميللي چيخارلاريميز دوغرولتوسوندادير. جومهور باشخانليغي سئچيمي ده بو آچيدان ده يه رله نديريلمه ليدير. ليبئرال بير حاکييمين ايقتيداري بيزيم اوچون ايکي فورصت يارادار: ،

١- ايچه ريده بيزه خالقيميزا يؤنه ليک گنيش تبليغات اولاناغي و ايمکاني يارادار: تؤره نلر، توپلانتيلار، درگيلر، کيلاسلار، کونفئرانلسلار،

٢- فرهنگي و سيياسي عرصه لرده تشکيلاتما و تشکيلاتلانما تجروبه سي الده ائتمه فورصتي وئره ر: موسيقي، رقص درنه کله ري، ائن. جي. او.لار، اؤيره نجي درنه کله ري، شئعر و ادبييات درنه کله ري، ، ايجتيماعي و سيياسي تشکيلاتلار حتتا سيياسي حيزبلر)

بو ايکسينين ايسه، يعني تبليغات ايمکاني و تشکيلاتلانما تجروبه سي، خالقيميزين هم اويانيشينا هم ده ميلله تله شمه سينه يارديم ائتدييي شوبهه گؤتورمه ز

جومهور باشخانينين تورک اولماسي دئييل، ليبئرال اولماسي بيزيم ميللي چيخارلاريميزا اويقوندور.

ايران دؤولتي بير فارس دؤولتله شمه سي اولدوغوندان دولايي، جومهورباشخاني دا فارس ميللي چيخارلارينا اويقون اولاراق حرکت ائده جه کدير، نئجه کي ياري تورک خامنه اي حتتا فارسدان دا داها فارس اولاراق رفتار ائدير. بيزي ايسه جومهور باشخانليغي سئچيملرينده ايلگيله نديره ن، جومهور باشخانينين ميلليتي دئييل، اونون ليبئرال اولوب اولماماسيدير. چونکو ليبئرال بير جومهور باشخانينين، فارس اولسا دا، ياراتديغي آچيق اورتام بيزيم ميللي چيخارلاريميز دوغرولتوسوندادير. آمما فارسدان دا داها فارس اولان بير تورک جومهورباشخانينين سئچيلمه سينين ياراداجاغي باسقيچي اورتام، بيزيم ميللي چيخارلاريميزا اويقون دئييلدير.بای بک

خاتمي اولايي

خاتمينين سئچيلمه سي گئچميش تجروبه سينه باخاراق، تورک خالقينين ميللي چيخارلارينا ان اويقون بير سئچيم اولاردي.

بيرينجسي اونا گؤره کي ليبئرال بير حاکيمييت بيزه تبليغات و تشکيلاتلانما فورصتي يارادار.

ايکينجيسي بونا گؤره کي ليبئرال بير دينچينين سئچيلمه سي ايله، حاکيمييت باشينداکي فارس دينچيلر، ايکي ايصلاح طلب و موحافيظه کار جرگه سينه بؤلونوب، بير بيري ايله اوغراشماق و حتتا چاتيشمايا باشلاياجاقلار. بو دا باشلي باشينا بيزيم ميللي چيخارلاريميزا اويقوندور، چونکو اونلارين بير بيريله اوغراشماسي ايله، بيزه مومتمرکيز اولوب بيزه باسقي ياپمالاري ائحتيمالي آزالاجاقدير.

خاتمي نين سئچيلمه سينين اوچونجو فايداسي اونونضعيف، بئجئريکسيز و باشاريسيزي بير سيياستچي اولماسيندان قايناقلانير. ايران حاکيمييتينده ضعيف، باشاريسيز و بئجه ريکسيز بير سيياستچينين اولماسي، هميشه بيزيم ميللي چيخارلاريميزا اويقوندور. چونکو بيزه، يارانان کائوس و قارقاشادان اؤز چيخارلاريميز دوغرولتوسوندا يارارلانما و اوزره ريميزده آزالان باسقي اورتاميندا تبليغات و تشکيلاتلانما اولاناغي يارادار

موسوي اولايي

بوگون خاتمي آدايليغيني گئري چکميش و اونون يئرينه ان شانسلي گؤرونه ن آداي، موسوي اورتايا چيخميشدير. موسويني تانيمايان يوخدور. اونون آنتي تورک و آنتي آزربايجان اولان حيزب-ي جومهوري-ي ايسلاميسي نين شريعتمداري يه ياپديقلاري و گنه لده ايران ايسلام جومهورييتينين عؤمرو بويونجا اؤزه لليکله باشباخان اولدوغو دؤنه مده ياپديغي بوتون سيياست و جينايتلرينه شريک و اورتاق اولدوغونو تکرارلامايا گره ک گؤرموره م.

آنجاق بورادا دؤنه دؤنه وورقولاماق ايسته ديييم موسوي نين کؤکونه و ساپينا قده ر فارسلاشميش بير تورک اولماسيدير. بو شخصده ايينه اوجو قده ر تورکلوک و آزربايجانليليق بيلينجي و دويقوسو (شوعور و حيسسي) يوخدور. او بوتونويله فارس کيملييکلي، فارس بئيينلي و ايران روحلو بير شخصدير

موسوي ليبئرال دا دئييلدير، دولايييسي ايله اونون سئچيلمه سي دوروموندا ايرانين سيياسي و ايجتيماعي اورتاميندا بليرگين بير يوموشاما و راحاتلاما اولاجاغيني گؤزله مه ک ده اولماز. موسوينين سئچيلمه سي، بو آچيدان يعني بيزه تبليغات و تشکيلاتلانما فورصتي ياراتماياجاغيندان دولايي، بيزيم ميللي چيخارلاريميزا ترسدير…

موسووي نين سئچيلمه سي باشقا بير آچيدان دا بيزيم ميللي چيخارلاريميزا ترسدير. او دا اونون تورک اولماسيدير. ايران دؤولتي ساتقين و مانقورت تورکلري اؤز بونيه سينه و ايچينه آلاراق، بير ياندان هم خالقيميزي آلدادير (بو دؤولت سيزين دؤولتينيزدير، باشيندا بير تورک واردير)، هم ده دونيايا بئله گؤسته رير کي ايراندا تورکلرين رئژيم و سيستئمله نه تک هئچ بير سورونلاري يوخدور، بلکه سيستئمين ان تپه سينده دورانلار دا اونلاردير. دئمه ک ايران تورکلري بو سيستئمي اؤزلريندن بيليرلر و ايراندا تورک مساله واردير دييه ن بير شخصلر، خاريجي گوجلره باغليديرلار.

يوخاريدا سؤيله له نلره اساسن موسوينين ايران جومهور باشخاني سئچيلمه سي هر يؤنو ايله تورک خالقينين ميللي منافئعينه ضيدد و ترسدير. موسوي مووجود آداي و کانديدلر آراسيندا، تورک خالقي آچيسيندان ان پيس و ان تهلکوکه لي کانديددير. موسوي نين اورتايا آتيلماسي، ايران ايسلام جومهورييتينين چاغداش تورک آزربايجان ميللي دئموکراتيک حرکتينين کؤکونو قازماق اوچون ال آتديغي سون تدبير اولاراق گؤرولمه ليدير.بای بک

اعلمي اولايي

اعلمي ايراندا ياشايان و ايران ايسلام جومهورييتينه اينانان بير شخصدير. آنجاق بونا رغمن و موسوي کيميلرين ترسينه اولاراق، گئچميشده بليرلي قونولاردا، تورک خالقينين سسيني دويوب و اؤزونه خاص اولان بير سورعتله، اؤز خالقينا دوغرو حرکت ائده ن بير سيياست آداميدير. او، آدايلار آراسيندا تورک خالقينين ايسته کلريني ان چوخ دويموش اولان شخص آدلانديريلابيله ر. ائله بو اوزدن ده اونون مجليس نوماينده لييينه نامزد اولماسينين قاباغي آليندي و صلاحييتي ردد ائديلدي. مجليس نوماينده ليي ردد ائديله ن بير شخصين البتته کي هئچ بير شک و شوبهه اولمادان، جومهور باشخانليغي سئچيملرينه قاتيلماسينا دا ايذين وئريلمه يه جه کدير.

قاتيلمالي مي؟ بايکوت ائتمه لي؟

کانديدلره باخينجا، تورک خالقي آچيسيندان دوروم بير آز قارانليق گؤرونه بيلير. آنجاق سيياست، ان ال وئريشسيز دوروم و اورتاملاري دا اؤز چيخارلاري دوغرولتوسوندا قوللانما بيليميدير. منجه قارشيميزدا ايران جومهور باشخانليشي سئچيملريني ده تورک خالقينين ميللي چيخارلاري دوغرولتوسوندا قوللانماق اولار. اؤزه تله بونون يولو ايلک اؤنجه اعلمينين نامزدليييندن مشروط اولاراق حيمايت ائتمک و اونو تورک خالقينين نامزدي دييه تبليغ ائتمک، داها سونرا دا اعلمي نين ردد ائديلمه سيندن سونرا بو ردد ائديلمه ني، ايران دؤولتينين تورک خالقي و آزربايجانين دسته کله دييي نوماينده ني ردد ائتدييي دييه دونيا چاپيندا يايماقدير.

١-اؤنجه: اعلمي ني حيمايت

اعلمي تورک و آزربايجان تشکيلاتلار و شخصييتلر طرفيندن مقاله لر، بيلديريلر و موصاحيبه لر ياپاراق ان گنيش شکيلده تورک و آزربايجانين نوماينده سي کيمي تبليغ و لانسئ ائديلمه ليدير. مقاله و بيلديلر و موصاحيبه لرده اعلميدن مشروط حيمايت ائتمه ييميزين ندنلري، اونون تورک خالقينين ايسته کلرينه دويارلي اولدوغو اولاراق سؤيله نمه لي، و بو آرادا تورک خالقينين تمه ل ايسته کلري سيرالانماليدير: فرهنگستان زبان ترکي ياراديلماسي، تورک ديلينين رسمي و دؤولت ديلي ائديلمه سي، بؤلگه سه ل پارلامئنتلر -آزربايجان پارلامئنتينين قورولماسي …. .

دئمه لي اعلميدن مشروط حيمايت ائتمه اولاييني تورک خالقينين اويانيشي و تورک آزربايجان ميللي دئموکراتيک حرکتينين اساس ايسته کلريني قامو اويونا و دونيايا اولاشديرماق اوچون قوللانماليييق. اعلميدن حيمايت ائتمه نين باشقا بير خئيري ده هامييا تورک خالقينين اعلمي کيمي اؤز ميللي ايسته کلرينه سايقي دويانلاري دسته کله دييي و موسوي کيمي تورک اولسالار بيله، فارسلاشميش اولانلاري دسته کله مه ديييني گؤسته رمه سيدير. بو آيريجا ايران دؤولت آپاراتيندا يئر آلان بوتون تورکلره خالقيميزين بير مئساژيدير: اعلمي کيمي خالقين قوجاغيا قاييدانلارا، خالقميز صاحيب چيخار، خالقينا دالي چويره نلري ايسه، خالقيميز دا آتار.بای بک

٢-سونرا: سئچيمي بايکوت

طبيعيدير کي اعلمينين نامزدلييي شوراي نگهبان طرفيندن ردد ائديله جه کدير. ايشه بو ردد ائديلمه بيزه ايران ايسلام جومهورييتينين آنتي تورک و آنتي آزربايجان ماهييتيني ايفشا ائتمه ک و تورک خالقي ايله دؤولت آراسيندا وار اولان آيريشماني داها دا آرتيرماق اوچون آلتين بير فورصت ياراداجاقدير. اعلمي نين نامزدلييي ردد ائديلديکدن سونرا، گنه ده ان گنيش بير شکيلده بيلديري ياياراق، مقاله يازاراق، موصاحيبه لر ائده ره ک، ايران ايسلام جومهورييتينين تورک خالقي و آزربايجانين دستکله دييي کانديداني تحممول ائده ممه دييني يايمالييق، بو تبليغات اؤزه لليکله ايراندا ياشايان تورک خالقي و اولوسلار آراسي تشکيلاتلارا يؤنه ليک اولماليدير. ايراندا ياشان تورک خالقينا يؤنه ليک اولان تبليغات ايران دؤولتينين آنتي تورک ماهييتيني خالقيميزا گؤسته ره ک، اونون ايران دؤولتيندن داها دا آيريشماسي و قوپماسينا نده ن اولاجاقدير. تورک خالقينين فارس خالقي و ايران دؤولتيندن آيريشماسينا نده ن اولان هر بير اولايين، بيزيم ميللي چيخارلاريميزا اويقون اولدوغو اونوتولماماليدير. .

ايکينجي بير چؤهره گانلي اولايي

بو سئچيملرده خاريجده بولونان تورک و آزربايجان سيياسي و فرهنگي درنه کلر و تشکيلاتلار اؤزه لليکله اينسان حاقلاري درنه کلرينين بوينونا بؤيوک سوروملولوقلار دشور. بو درنه کلر، اعلمينين ردد ائديلمه سينه اينديدن حاضير اولمالي و او ردد ائديله ندن سونرا بونو ان گنيش بير بيچيمده اولوسلار آراسي تشکيلاتلار و دونيا قامو اويونا اولاشديرماليديرلار. بيليندييي کيمي تکجه تبريز شهه ريني ايلگيله نديره ن چؤهره گانلينين حذف ائديلمه سي، تورک آزربايجان ميللي دئموکراتيک حرکتينده بؤيوک بير قيپيرداتما ياراتدي. بوتون ايران تورکلري و گونئي آزربايجاني ايلگيله نديره ن اعلمينين نامزدلييينين ردد ائديلمه سي ده، - دوغرو دوزگون يؤنه تيليرسه- خالقميميزين اويانيشيندا، و سسيني دونيايا چاتديرماقدا ائتگيسي اولابيله ر..

تورک و آزربايجانلي ايصلاح طلبلر و اوصولگرالار

ايراندا ياپيلاجاق جومهور باشخانليغي سئچيملريندن تورک خالقينين ميللي چخارلاري دوغرولتوسوندا قوللانمانين باشقا بير يولو دا، تورک ايصلاح طلبلر و اوصولگرالار تشکيلاتلاريني قورماقدير. بيليندييي کيمي بوگون ايراندا دييني تمايوللاري اولان چوخ ساييدا ايصلاح طلب و اوصولگرا واردير. حرکتيميزده باشقا سيياسي گؤروشلر و ايدئولوژيلرين وارليغي کيمي، بونلارين دا وار اولماسي دوغال، يارارلي و گره کليدير. آنجاق ايراندا تورک و يا آزربايجانلي ايصلاح طلبلر و يا تورک و يا آزربايجانلي اوصولگرالار آديندا هئچ بير سيياسي حرکت و يا تشکيلات يوخدور. بو ايسه ايرانين ايچي و ديشينداکي شراييطي گؤز اؤنونده آلينجا، آرتيق طبيعي دئييلدير و بؤيوک بير اسکيکليک ساييلماليدير. حالبوکي که ايراندا ياشايان کوردلر، گئچميش جومهورباشخانليغي سئچيملرينده بيله، بنزه ر تشکيلاتلاري ياراتميش و بو يوللا هم تشکيلاتلانما تجروبه لريني آرتيرميشلار، هم کورد سيياستينين فارس سيياستيندن آيريشماسيني و موستقيل اورتايا چيخماسيني ساغلاميشلار و هم ده ايرانين و ايران دؤولتينين ايچينده اولان ده ييشيکليکلرده اؤز ائگي و آغيرليقلاريني آرتيرميشلاردير.

ايندي تورک و آزربايجانلي ايصلاح طلبلر و تورک آزربايجانلي اوصولگرالار دا، بنزه ر بير سوره جي باشلاديب، تورک و آزربايجان آديندا و فارس و سراسري تشکيلات و قوروهلاردان موستقيل اولاراق، تورک-آزربايجان ايصلاح طلبلر و تورک آزربايجانلي اوصولگرا سيياسي حرکت و تشکيلاتلاري ياراتمالي و جومهور باشخاني سئچيمينده ده هانسي مووضئعي توتاجاقلاريني، ايشتيراک ائديب ائتمه يه جه کله ريني و ائتديکلري تقديرده کيمه اوي وئره جه کلرييني، تورک و آزربايجانلي ايصلاح طلبلر و يا تورک آزربايجانلي اوصولگرالار آدي آلتيندا قامو اويونا بيلديرمه ليديرلر. منجه تورک ايصلاح طلبلر و يا اوصولگرالارين موستقيل بير سيياسي حرکت اولاراق و تورک و آزربايجان آدي داشيياراق اورتايا چيخمالاري، اونلارين کيمه راي وئره جه کلرينده دن ده داها اؤنه ملي بير حاديثه دير.

مئهران باهارلي
۲۳/۰۳/۲۰۰۹

باغلي اولان يازيلار:
[1] گؤنئي آذربايجان و اکبر اعلمي-نين جمهورباشخاني آدايلايغي٫ عليرضا فرشي-دن بير مقاله
[2] خاتمي گئري چکيلدي
[3] پرزیدنت سئچگيلرينده کروبي ايله بارزاني جوتلوگو! - بؤيوک رسولوغلو
[4] ايران آدلانان اؤلکه نين ديني ليدئري “فارس اولمايان ميلتلره هاق وئريلمه سين” دئيير!
[5] گونئي آذربايجانلا قارشي مؤوقئييتده، کوردلر اؤز آدايلارين مئيدانا گتيره جکلر!
[6] اکبر اعلمي کيمي، مير حسين موسوي-ده جومهورباشخاني آدايي اولاجاغيني بيلديريب
[7] اکبر اعلمی جومهورباشخاني سئچکيلره آداي اولاجاق
[8] دیدار جمعی از گروههای فکری و سیاسی مردم آذربایجان با دکتر اعلمي
[9] آذربايجاندا خاتمی سئونلره سورولور: “خاتمی ايکي دؤورده ده سئچکي گزيلريني ندن شيراز-دان باشلاييب؟” - تبريزلي باي بک
[10] انتخابات رياست جمهوري٫ آذربايجان٫ همسايگان خوش اشتها و رژيم شوونيست فارس - تبريزلي باي بک
[11] بیانیه شماره ۲ آ.م.د.ت در رابطه با انتخابات ریاست جمهوری ایران و فعالیت های صورت گرفته در آذربایجان جنوبی
[12] جلسه هماهنگی برخي از فعالان ملي آذربايجان برای انتخابات ریاست جمهوری آتي در ايران
[13] دموکراسی چند قومیتی٫ استراتژی حرکت ملی آذربایجان - علي حامد ايمان
[14] ۲۰۰۹-اونجو ايلده ايران جومهورباشخانليغي سئچکيسينده اکبر اعلمي آداي اولاجاقدير!
[15] انقلاب اسلامي-شوونيستي ايران فرزندان خود را اينگونه ميخورد! داد خوديها درآمده است

• دده قورقوت کيتابي اؤنسؤزو، تارتيشمالي بير نئچه دئگي و اؤنه ري-چؤزومله مه له ريميز - مئهران باهارلي
• دده قورقوت کيتابي، بيرينجي بوي: ديرسه خان اوغلو بوغاج خان بويو - مئهران باهارلي
• دده قورقوت کيتابي، ايكينجي بوي: سالور قازان`ين ائوينين ياغمالانديغي بوي - مئهران باهارلي
• دده قورقوت کيتابي، اوچونجو بوي: باي بؤره`نين اوغلو بامسي بئيره ك`ين بويو - مئهران باهارلي
• يوروويژين و گونئي آزه ربايجان - مئهران باهارلي
• سئچيمين ايكينجي آشاماسي، اعلمي`ده ن سونرا نه ائتمه لي؟ - مئهران باهارلي
• تورک خالقي و گونئي آزه ربايجان، ولايت فقيه رئژيمينين چؤکمه سينه حاضير اولماليدير - مئهران باهارلي
• ديل ياراسي-٢: توتماق، توتوقلاماق، ياخالاماق، توتساق، دوستاق، تورمه و قازامات - مئهران باهارلي
• “آزه­ربايجاني توركيك Azerbaijani Turkic ” اوزه­رينه - مئهران باهارلي
• خوي`ون اوستان اولماسي، اورمو`نو كوردوستانلاشديرار - مئهران باهارلي

http://www.baybak.com بای بک سایتیندان پرینت اولوب
http://baybak.com/say_34.azr یازینین اینترنت آدرسی

یازیده ایشه آلینان اینترنت آدرسلری
[1] گؤنئي آذربايجان و اکبر اعلمي-نين جمهورباشخاني آدايلايغي٫ عليرضا فرشي-دن بير مقاله: http://www.11008.baybak.com/il_11008_say_2700.azr
[2] خاتمي گئري چکيلدي: http://www.11008.baybak.com/il_11008_say_2698.azr
[3] پرزیدنت سئچگيلرينده کروبي ايله بارزاني جوتلوگو! - بؤيوک رسولوغلو: http://www.11008.baybak.com/il_11008_say_2650.azr
[4] ايران آدلانان اؤلکه نين ديني ليدئري “فارس اولمايان ميلتلره هاق وئريلمه سين” دئيير! : http://www.11008.baybak.com/il_11008_say_2687.azr
[5] گونئي آذربايجانلا قارشي مؤوقئييتده، کوردلر اؤز آدايلارين مئيدانا گتيره جکلر! : http://www.11008.baybak.com/il_11008_say_2665.azr
[6] اکبر اعلمي کيمي، مير حسين موسوي-ده جومهورباشخاني آدايي اولاجاغيني بيلديريب : http://www.11008.baybak.com/il_11008_say_2647.azr
[7] اکبر اعلمی جومهورباشخاني سئچکيلره آداي اولاجاق : http://www.11008.baybak.com/il_11008_say_2638.azr
[8] دیدار جمعی از گروههای فکری و سیاسی مردم آذربایجان با دکتر اعلمي: http://www.11008.baybak.com/il_11008_say_2623.azr
[9] آذربايجاندا خاتمی سئونلره سورولور: “خاتمی ايکي دؤورده ده سئچکي گزيلريني ندن شيراز-دان باشلاييب؟” - تبريزلي باي بک : http://www.11008.baybak.com/il_11008_say_2612.azr
[10] انتخابات رياست جمهوري٫ آذربايجان٫ همسايگان خوش اشتها و رژيم شوونيست فارس - تبريزلي باي بک : http://www.11008.baybak.com/il_11008_say_2524.azr
[11] بیانیه شماره ۲ آ.م.د.ت در رابطه با انتخابات ریاست جمهوری ایران و فعالیت های صورت گرفته در آذربایجان جنوبی : http://www.11008.baybak.com/il_11008_say_2479.azr
[12] جلسه هماهنگی برخي از فعالان ملي آذربايجان برای انتخابات ریاست جمهوری آتي در ايران : http://www.11008.baybak.com/il_11008_say_2386.azr
[13] دموکراسی چند قومیتی٫ استراتژی حرکت ملی آذربایجان - علي حامد ايمان : http://www.11008.baybak.com/il_11008_say_2339.azr
[14] ۲۰۰۹-اونجو ايلده ايران جومهورباشخانليغي سئچکيسينده اکبر اعلمي آداي اولاجاقدير!: http://www.11008.baybak.com/il_11008_say_1469.azr
[15] انقلاب اسلامي-شوونيستي ايران فرزندان خود را اينگونه ميخورد! داد خوديها درآمده است: http://www.11008.baybak.com/il_11008_say_40.azr