ياشاسين آذربايجان - Long live Azerbaijan

.

۲۰۱۰-جو ايل مارچين ۴-ده آمئريکا بيرلشميش شتاتلاري کونقرئسي نين نوماينده لر پالاتاسي نين خاريجي علاقه لر کوميته سينده قوندارما «ائرمني سويقيريمي»نين قبول ائديلمه سيني وطنداش همريليگي پارتيياسي اولاراق کسکين پيسله يير و بو قرارين تاريخي عدالتي برپايا دئييل، سياسي تزييق واسيطه سينه خيدمت ائتديگيني بيان ائديريک.

۲۰۱۰-جو ايل مارچين ۴-ده آمئريکا بيرلشميش شتاتلاري کونقرئسي نين نوماينده لر پالاتاسي نين خاريجي علاقه لر کوميته سينده قوندارما «ائرمني سويقيريمي»نين قبول ائديلمه سيني وطنداش همريليگي پارتيياسي اولاراق کسکين پيسله يير و بو قرارين تاريخي عدالتي برپايا دئييل، سياسي تزييق واسيطه سينه خيدمت ائتديگيني بيان ائديريک.

۱۹۱۵-جي ايلين آپرئل آييندا عوثمانلي ايمپئريياسيندا باش وئرن حاديثه لري يالنيز ائرمني ايدئولوقلاري نين تبليغاتي ايله ائرمنيلره قارشي سويقيريم آکتي کيمي قبول ائتمک تورک و ايسلام دونياسينا قارشي دونيانين ايکيلي ستاندارتلارلا ياناشماسيندان باشقا بير شئي دئييل. سويقيريم آکتي هئچ بير حالدا سياسي واسيطه يه چئوريلممه لي، بو باره ده احتيمال اولونان وئرسييا يالنيز تاريخچي عاليملرين آراشديرماسييلا آيدينلاشديريلماليدير.

يالنيز اولاي تاريخي قييمتيني آلديقدان سونرا اونا هوقوقي-سياسي قييمت وئريلمه سي يؤنونده بين الخالق تشکيلاتلار موعين آدديملار آتا بيلرلر. حالبوکي ۱۹۱۵-جي ايلده عوثمانلي ايمپئريياسي نين اراضيسينده ائرمني سويقيريمي نين اولماديغيني بيلديرن تورکييه جومهوريتي نين رهبرليگي دفعه لرله عوثمانلي آرخيولريني آچماغا حاضير اولدوغونو، بين الخالق ائکسپئرتلرين ايشتيراکي ايله تورکييه و ائرمنيستان عاليملريندن عيبارت کوميسسييا ياراديلماسيني و فاکتين آراشديريلماسيني تکليف ائتسه ده، قارشي طرف بو تشببوسه قوشولمور. بو عاميل ۱۹۱۵-جي ايل «سويقيريمي»نين اولماديغيني بير داها تصديقله مکله برابر، ائرمني ايدئولوقلاري نين بو ساختا فاکتدان ايدئولوژي و سياسي تزييق کيمي ايستيفاده ائتديگيني بير داها عياني شکيلده گؤسترير. اؤزونو دئموکراتييا و عدالت رمزي کيمي تقديم ائدن آبش کونقرئسينده ساختا بير سند لاييهه سي نين تصديقلنمه سي ايسه تاريخي ساختاکارليقدان ايستيفاده ده ائرمني ايدئولوقلارينا کيملرين دستک وئرديگيني باريز شکيلده گؤرونتوله يير.

۱۹۱۵-جي ايلده اولمايان «سويقيريمي» تانيماقدا ماراقلي اولان آوروپا و آبش کونقرئسمئنلري سون يوز ايلده ائرمنيلرين تورکلره، خوصوصيله آذربايجانليلارا قارشي آپارديقلاري سويقيريم سيياستي نين اوستوندن سوکوتلا کئچيرلر. حالبوکي جمعي ۱۸ ايل اؤنجه آذربايجانين خوجالي شهريني دونيانين گؤزو قارشيسيندا يئر اوزوندن سيلن ائرمني سيلاهلي بيرلشمه لري نين دينج و سيلاهسيز اهالييه قارشي نئجه دهشتلي قتليام تؤرتديگي کونکرئت دليل و سوبوتلارلا اورتادادير.

۱۹۱۵-جي ايلده اولمايان بير اولايي ۱۹۲۴-جو ايلده آوروپادا نشر ائديلن ائرمني ايدئولوقون ساختا ايديعاسييلا «تاريخي فاکت» کيمي قارشيلايان اروپا و آ.ب.ش، ۱۸ ايل اؤنجه کامئرالارين يادداشينا کؤچورولن دهشتلي ايشگنجه فاکتلاريني، خوجالي سويقيريميني گؤزلرييله گؤرن بين الخالق خبر آگئنتليکلري امکداشلاري نين حاديثه دن درهال سونرا يوزلرله مقاله سيني گؤرمک ايستميرلر. هئچ بير دليل اولمادان عوثمانلي ايمپئريياسي نين «سويقيريمي» حساباتيني حاضيرکي تورکييه جومهوريتيندن ايسته ين آوروپا و آبش، ائرمنيستان رئسپوبليکاسي نين آذربايجان تورپاقلاري نين ۲۰ فايزيني ايشغال ائتمه سيني، بير ميليون اينساني اؤز يورد-يوواسيندان ديدرگين سالماسيني، قربي آذربايجان و قاراباغ اراضيسينده تؤرتديگي قتلياملارين حسابيني سورماقدا ماراقلي گؤرونمور.

عدالتسيز و ساختا قرار لاييهه لري نين قبولونو «دياسپور» فاليتييله علاقه لنديرمک موعاصير دونيانين اويدوردوغو يالاندان باشقا بير شئي دئييل. بؤيوک بير دؤولتين خاريجي سيياستيني اگر هر هانسي لوببي موعينلشديريرسه، او دؤولتين بؤيوکلوگوندن دانيشماغا ديمز. عکسينه، «لوببيچيليک» آرقومئنتي بؤيوک دؤولتلرين خاريجي سيياستينده کي عدالتسيزليکلري نين هئچ بير تنقيده دؤزمه ين «ساسلانديرما» جهديدير.

وطنداش همريليگي پارتيياسي آ.ب.ش کونقرئسي نوماينده لر پالاتاسي نين خاريجي علاقه لر کوميته سينده قبول ائديلن «ائرمني سويقيريمي» آدلي ساختا سنه دين آذربايجان خالقيندا قرب و آبش ديرلرينه بؤيوک ضربه ووردوغونو، آذربايجان خالقي نين قربيونؤملو سياسي کورس طرفدارلاري نين ايناميني سارسيتديغيني بيلديرير، بو فاکتين آبش-اين بؤلگه ده کي نوفوزونو جيدي شکيلده سارسيتديغي، آبش-آذربايجان موناسيبتلرينه کؤلگه سالديغيني بيان ائدير.

و.ه.پ
۰۹/۰۳/۲۰۱۰

• تاپیلمادی

http://www.baybak.com بای بک سایتیندان پرینت اولوب
http://baybak.com/say_1951.azr یازینین اینترنت آدرسی