تورپاق آلتيندا چيرپينير قادين (۳۶)

تورپاق آلتيندا چيرپينير قادين (۳۶) - م. ارغوان

باي بک آذربايجان | باشگؤن, ۱۷-ي بوز آی , ۱۱۰۰۹ اینجی ایل, چولا ۲۱:۱۱ [آ.خ] | یازیلار

بير چوخ سويداشيميز آمئریکادا و اروپادا اوزون ايللردير ياشاييرلار . هر هانسي ندن اوزره اؤنملي دئييل . اؤنملي بودور کي ،
بو سئوگيلي دوستلارين چوخوسو ائولنديکدن سونرا اوچوروم ايله ايزلشميشلر .
ندن سيزجه ؟
بو قونو ايندييه کيمي آراشديريلماميش دئيه ندن اونودولوموش ، آما سونوجلارا سؤيکه نيبده يازيلار يازيلميشدير .
گؤرونمز ياني نده دير سيزجه ؟
اروپادا و آمئريکادا ايللرجه ياشميش يابانجيلارين ، او جومله دن تورکلرين چوجوسو ائوليليک موتلولوغونو (قادين-ارکک )دادماميشلار . آييله قورصالاردا آجيلارين باسقيسي آلتينداديرلار و بيرئوده قالسالاردا قايغيسيز و گؤودسل گون کئچيرميشلر .
البته بو قونو گئنيشدير و اوزمانلارين آيريجا آراشديرماسي گره کي ر . قولايجا اؤز گؤروشومو پايلاشماق ايستريم .
بير چوخ تورکلر (قادين-ارکک) اؤز اؤلکه لرينده مئتروپول شهرلرده گليشمه ميشلر . ياشاديغي يئر کيچيک ائلچئلئر
و کندلردن (کؤيلردن) چيخميش ، اروپايا و آمئریکايا گئتميشلر . (اؤرنجيلردن ساوايي) بو سويداشلار گليشميش بير توپلوم ايله اوزلشدييي آندا ، نه ائده جگيني باشا دوشمورلر . اوزلشديرکلري ،
يئني آيينسال ،
يئني باغلانتيلار ،
يئني داورانيشلار ،
يئني گؤروشلر ،
و بير چوخ بؤيله يئنيليکلري منيمسمه ميشلر .
دوکتور اولموشلار .
وکيل اولموشلار .
مهنديش اولموشلار .
ميليونئر اولموشلر .
ديلنچي کؤکونه دوشمولر .
آنجاق گؤرونوشو بزک ، ايچي تزک کيمي ساققال آغارتميشلار . بؤيله آداملارين بيريني ساوالان داغيندان اوجالاردا يئلله نير . و دوشونورلر گليشميشلر .
چاغيداش ياشامي منيمسه ميشلر .
کئچميش يوردوندا ياشاميشلاردان اوستوندورلر .
ترسينه ، اونلار ايکي آيينسال اورتاسينده اينسان اولدوقلارينيدا ايتيرميشلر . گئرچک مانقورد کيمي اويونجاق اولموشلر و ياخين گله جکده تورک دونياسي نين خاني-خاقاني روياسينداديرلار . اولا بيلسين خان و خاقان اولسونلار ، آما سوروملو اينسان اولماقلارينا گئرچکدن اينانميرام . ارلبته اون فاييز چيخماق ايله .
نه اوچون سيزجه ؟
من اروپادا و اؤزه ليک ايله آلماندا يئر قالماميش چؤپ اوزاتماميش اولوم .
آلمانين بوسبوتون موزلريلرينه ائتديم !
آلماندا چوخ اوپئرا و بالئت کونسئرتلرينده اولدوم !
آلمانين چئيشيدلي کونسئرت و چئيشيدلي اينجه سنت توپلانتيرينا قاتيلديم !
باهالي-اوجوزلو هوتئلرينده قالديم !
و بير چوخ سونا حاماملاريندا زامان کئچيرتيم !
بير نئجه يابانجي گؤردوم و ايکي-اوچ تورک آييله سي گؤردوم . آنجاق گئنئلئولرد ايسه يابانجيدان باشقا کيمسه گؤرمه ديم .
نه اوچون سيزجه ؟
ندير ندن سيزجه؟
اروپا قادينلاري يانجي سئومه دي مي سيزجه ؟
ويا يابانجيلارا قاريشي دوشمانليق ائديرلر مي سيزجه ؟
اير بؤيله ديرسه منده بير يابانجييام ، اؤزوده ائششک آريسي ايله منيم هئچ بير فرقيم اولماميشدير .
آنجاق نده ؟
بير اؤرنک .
بير گون سوئیس-ه گئتديم . بير پارکدا اوتورموشام و شارکي دينله ييرم . بو آندا بير سوئیس لي قادين منه ياشؤر و چاخماق ايسته دي . چيبيمدن چاخماغي چيخاريب اونون سيقاريني يانديرديم و يانيمدا اوتورماق اوچون ايچين ايسته دي . اؤزومو بير يئره توپلاديقدا اَيلشين دئديمو . او قيزيل دريسن مي ؟
سوردي .پايلاشما بوردان باشلاندي دئيه قونو سورجينده ايش اورا چاتدي کي ، چانتامي آچيب بير شوشه چاخير چيخارتيم .
ايچيرسين مي ؟
سوردوم . حئيرت ايچينده اوزومه باخاراق :–
–هه !
بيز يئني بير دونيا ياراتيق . بير نئچه ساعات دئديک-گولدوک و زامانيميز ماراقلي کئچدي . بيز آيريليبدا ، او ، کيم اولدوغونو
سؤيله دي . بو آندا من حئيرت ايچينده آشاغيدان يوخارييا سئزديم بو قاديني .
کيم اولور سيزجه ؟
سوئیس نين ان اؤنلو سيياستچيلريندن بيريسي . بو خانيم ايله اينديده دوستلوغوم يئرينده دير .
سيزجه بؤيله خانيملار ويا بو کيمي اؤنملي يئرلرده يئر توتموشلار بايانلار ، هر بير يابانجييا کؤنول آچير مي سيزجه ؟
باشقا بير اؤرنک .
بير گون بير تانينميشي ائوه چاغيرديم . بو آدام اؤتوز ايلدير آلماندا ياشايير . قونو اولوسال حاقلاريميزدان گئدير . بو آدام آلمانلي خانيم دوستوما :– –بيزه ايراندا ائششک دئييرلر ، بو اينسانليغي قارشي هاکيري دئييل مي ؟
آلماني خانيم اوجادان گوله رک :– –نه گؤزل ، ائششک سئويملي هئيواندير . کئشگه منه ده ائششک دئسينلر !
دئدي . ايچيم-ايچيمي يانديرسادا ، گولوشو پنجره لري تيترده رک:–
–نئچه ايلدي آلمانداسان ؟
–اوتوز ايلدير !
–آي قانمازين بيري بو گونه کيمي آنلامدين مي ، اروپاليلار هئيواني اينساندان آرتيق سئويرلر !؟
–بئله دوروم ايله اوزلشمه ميشديم !
— ايندي آيينسال ياساقليغيندان دانيش و ائشيت گؤر نه دئيير !
او آدام باشلادي سيياسال قونودا اينسان حاقلاريندان و اولوسال ياساقليغيندان دايشدي . آلمانلي خانيم ايلان چاليميش کيمي يئرينده فير گئدير دئيه سونوج آلاليم سئوگيلي اوخوجولار !
بير چوخ يابانجيلار باشدا سويداشلاريميز اولماق ايله گؤوده لري اروپادا و آنئريکادادير . گئرچي دوشونجه لري ايسه فئودال دونياسيندادير . بونلارين بير چوخو اروپادا و آمئريکادا اؤزلرينه يئر قازاناماديقلاري اوچون ايچلرينده نيفرت ، اؤفگه و بير سورو يارامازليق ايله ائولادلارينا نئجه ياناشيرلار سيزجه ؟…