ايسلامي اؤلکه لرين ايقتيصادي-تيجاري امکداشليق دايمي کوميته سينه بير باخيش! - بولوت
باي بک آذربايجان | اُدگؤن, ۲۰-ي قیروو آی , ۱۱۰۰۹ اینجی ایل, چولا ۱۹:۵۶ [آ.خ] | یازیلار
 |
. | ايسلام اؤلکه لري نين عوموم خالقلاري ايقتيصادي-تيجاري امکداشليقا گووه نيب سئوينيرسه، بيزده ايسلام دونياسي نين ايقتيصادي دوزگون علاقه لريني آلقيشلاماقينا مجبوريک،کس حالدا اؤکونوميک پولتيتيک شرايتدان خبرسيزيک و بوردا دؤولتدرين قارشيليقي ماراقلارينا يوخ، اؤلکه لرده ياشايان کاپيتاليستلره و بازار سينيفينا قارشي دوروروق و منفي بو تفسير يالنيز بيزي ايقتيصاد پوتانسييئلينه ماليک اولان خالقيميزين سينيفيندان آيريدير، و بونون ضياني داها چوخ تورکيه و گونئي آذربايجانا ديير تا اردوغانا و يا ايران ايسلام حاکيميتينه!! |
ايسلام اؤلکه لري نين ايقتيصادي-تيجاري تشکيلاتي رئگيوندا دؤولتلر آرسيندا ايقتيصادي-تيجاري علاقه لرين يارانماقي سئويندريجي بير خبر اولسادا، گوجله نيلمه اوميدي زيفدير،نييه کي،بو اؤلکه لرين تکجه ايقتيصادي-سياسي قورولوشو يوخ، بلکه ده ايجتيماي و کولتورئل باخيمدان فرقله نيرلر و داخيلي بؤهران ايله اوزبوز ديرلر!
اونوتوروق کي، اکثر عرب اؤلکه لري قربي دؤولتلرين ايستيثماريندان اؤنجه تا بيرينجي دونيا ساواشينا قدر اسرلر تورکيه عوثمانلي دؤولتي نين ترکيبينده اولموشلار و موشترک اوزون تاريخه صاحيبديرلر. ايسلام اؤلکه لري نين ايقتيصادي-تيجاري امکداشليقدان تکجه حاکيميتده اولان ايقتيدار يوخ، بلکه ده ايسلام اؤلکه لري نين خالقلاري فايدالانيرلار، آنجاق موختليف داخيلي و خاريجي پروبلئملر موشترک امکداشليقا مانع اولور!
خاريجي مانعلر قربي اؤلکه لرين ايقتيصادي ماراقلاري و سياسي باخيمدان تاثير آلتينا گتيرمک و يئني کولونياليزم فورموندا ايستيسماچيليق سيياستين گوجلنديرمکدير!
داخيلي پروبلئملئر ندن عيبارتدير؟؟
ايران آدلانان يئر ايله تورکيه دؤولتي نين آراسيندا هر زامان سيخ ايقتيصادي-تيجاري علاقه لر اولموشدور و موخته ليف سياسي-ايقتيصادي قورولوشدا امکداشليق گؤزه گؤرونور،ميسال اولاراق سئنتو و موختليف ايقتيصادي آنلاشمالار!
عئيني زاماندا تورکيه و ايرانين خوصوصي بازاري دؤولت موقابيله سيندن کنار قارشيليقلي تيجاري مارقلاراري گئنيش شکيلده اينکيشاف ائتميشدير و مينلرجه گونئي آذربايجان تاجيري بو قارشيليقلي تيجارتدن فايدالانيرلار!
تورکيه و ايران آدلانان يئرين ايقتيصادي-تيجاري ماراقلاري تاريخين موختليف چاغلاراينا دايانير و هر هانسي بير دؤولت ايقتيدارينادن آسيلي دئييل و سياسي ماراقلاردان کنار عمل ائدير و بو ايقتيصادي-تيجاري علاقه لر ايکي دؤولتين بازارينا چوخ اؤنملي و خئييردير و بئلنچي ايقتيصادي-تيجاري علاقه لره انگل اولماق هر ايکي قونشو توپلوموندا ردد اولونور و يالنيز ايکي اؤلکه ده ياشايان خالقلاراين معنافيسينه ضيان وورور، تا حاکيميتده اولان ايقتيدارلارا!!
آمما نييه زيروه ده ۴۰ ايشتيراکچي اولان ايسلام اؤلکه لري نين ايقتيصادي-تيجاري امکداشليقي نين عؤمرو اوزون اولموياجاق و نييه ضعیف فوندامئنت اوستونده قورولوبدور؟؟!!
خاريجي مانعلره قيسا ايشاره اولوندو، آما اساس داخيلي پروبلئملئر بو ايقتيصادي-تيجاري قورولوشا مانع تؤره ديرلر و بو چاتيشمامازليقلار ندن عيبارتدير؟؟
ايسلام اؤلکه لري نين امکدشليقينا مانع اولان پروبلئملئر اؤلکه دن اؤلکه يه فرقلي و گرگيندير! ايقتيصادي سابيتليک يالنيز نئچه گوچلو نئفت و قاز پوتانسييئله ماليک اولان عرب اؤلکه لريندن باشقا،قالان اؤلکه لرده حدديندن چوخ ايقتيصادي زيفدير.دئمورکاتييا باخيمدان عرب و ساير موسلمان اؤلکه لرينده فردي-ايجتيماي آزادليق چوخ آز و يادا يوخدور. پلوراليزم عوضينه يا توتاليتار رئژيملر (سعودی عربستان،قطر، دوبي)يادا دؤولت ايله رقابتده اولان تئررور و فوندامئتلاليزم قوروپلار بو اؤلکه لري اوچوروما آپاريبلار(فقانيستان،پاکيستان،يراق)!
بعضي ايسلام اؤلکه لرينده پرئزيدئنت و رهبرلري عؤمورلوک سئچيليب،سئچيلمه دن اوردو و داخيلي کشفياتين قوجونه ۳۰ ايللردير حاکيميتين باشيندا دورورلار (ايران،مصر،ليبی)!
عرب و ايسلام اؤلکه لريله موقييسه ده ايران و تورکيه نين ايجتيماي-سياسي بؤهران و موشکوللري چوخ فرقله نير!
تورکيه منطقه ده ايستحصال باخيمدان موسئلمان اؤلکه لر ايچينده ايلک يئري توتور و اساس ائکسپورت (Export) تورکيه ايقتيصادياتين گليرلرين تمين ائدير دير و اؤلکه نين داخيلي سيياستين ايستيقامتلنديرير!
نظره عاليرساق کي،سووئت ايتتيفاقي داغيديقدان سونرا تورکيه اورتا عاصييا،قفقاز و حتّی بئله راسسييا و اوکراندا يئني ايقتيصادي-تيجاري بازار ايله علاقه ياراديبدير،تورکيه نين ائکسپورتونون نه اؤنملي و واجيب اولوغون آنلاييريق!
تأسوفلر اولسون کي، تورکيه ده پروبلئملر آز دئييل و ايجتيمادا اولان درين ديني-سياسي پارچالانماق گؤزه گؤرونور،هابئله کورد مسئله سي و پ.ک.ک ترورو و ائرمنيستان ايله موناسيبتلرين نورماللاشماسي حاکيميتده اولان آ.ک.پ و اوپوزيسيون (موخاليفت) آراسيندا گرگينليک يارادير.
ايللر لاييستيک اولان تورکيه ده دينه قارشي سهو سيياستين ايره لي گئتمه سي،ينسانلاري دئموکراتيک سيستئمه بدبين ائديب و ديني قوروپلارين گوجله نيلمه سينه شرايت ياراديبدير، هابئله کئچميشده اولان ايقتيصادي-سياسي سهولر و حاکيمميتده اولان بعضي پارتييالارين کورروپ اولدوغو آ.ک.پ-نين مووقئسين گوجلنديريب و ديني-سياسي دوشونچه اؤلکه ني ايجيماي باخيمدان ايکي يئره بؤلوبدور!
تورکييد سياسي ايقتيدارين ايسلامي اؤلکه لر ايله ايقتيصادي-تيجاري علاقه لرين گوجلنمه سي گلن ميللي مجليسين سئچکيسيندن آسيليدير،جونکي قربي اؤلکه لر ايله فرقلي تورکيه ده حاکيميتده اولان پارتييالار اساس ميللي و خالقين منففتدرين نظره آلمادان و ينه ده قربين گؤستريشيله عمل ائديب، يئنيدن موقاويله لري سوال آلتينا آپاريرلار!
ايران ايسلام فارس دؤولتينه گه لرکن، بو اؤلکه تکجه ايقتيصادي-سياسي باخيمدان درين بؤهراندا دئييل،بلکه ايجتيماي قورولوشونا گؤره و ائتنيکي بير اؤلکه اولدوغو اوچون اوزون وعدهلي بؤهران ايله اوزبوزدير، و سياسي-ايجتيماي گرگينليک ائتنيک خالقلرين آزادليقينا قدر داعوام ائده جک!
ايران ايسلام رئژيمينده هر هانسي سياسي-ايجتيماي رئفومون باش وئرمسي بو سيستئمي و اؤلکه ني اوچوروما آپاراجاق و بونو حاکيميتده اولان شخصلر چوخ گؤزل بيليرلر، آمما دؤولت ايله فرقلي اولاراق ايران آدلانان يئرده ياشايان خالقلار ايسلام دينينه اينانسالاردا، اکثريتي ديني فاناتيک دوشونجه و حرکتلري ردد ائدير،باخماياراق کي، قرب اؤلکه لر تبليغاتداريندا ايران آدلانان يئرين رئژيمين و خالقلارين نئجه فاناتيک اولدوغون سئچيب آييرميرلار! ايران آدلانان يئرده يالنيز حاکيميتده اولان سيستئم ديندن سوي-ايستيفاده ائديب، اؤز ماراقلارين قورويورلار و سووئت کوممونيست سيستئمينه اوخشار بير قورولوشدور کي،نئجه داغيلديقدان سونرا کوممونيستلري لوپه ايله آختارماق اولار، ائلجه ده ايراندا خوصوصي ايله گونئي آذربايجاندا دينه اينانان اولار،امما فاناتيک ديني قوروپلاري ذره بين ايله تاپماق لازيمدير!!، چونکي اينسانلار کؤنولسوز و مجبوريت قارشيسيندا سيستئمه دؤزوب، قبول ائديرلر و هر هانسي بير رئفورم بو اؤلکه ني سووئت ايتتيفاقي تک اوچوروما آپاريب، ايران آدلانان يئري و سيستئمينده سووئت ايتتيفاقي نين طالع گؤزله نيلير!!
سووئت ايتتيفاقيندان (شوروی – بای بک) آيريليب موستقيل اولان تورک دؤولتلري اگر ايسلامي اؤلکه اولسالاردا، دئموکراتيک و پلوراليزم باخيمدان ايسلامي عرب،فارس و افگانيستان،پاکيستان و سايير ايسلامي اؤلکه لر ايله موقاييسه ده قات-قات دئموکراتيک سيستئملره ماليکديرلر و تورک اؤلکه لرينده ايجتيماي اينکيشاف گئنيشدير،هابئله فردي آزدليق،ينسان هاقلاري داها چوخ قورونور و قادينلارين آزادليقينا ايمکان يارانيب، قورونور و طبیعي کي،قادين آزادليقي سووئت قورولوشوندان قالان ميراثدير و بو دانماق اولماز!
ايسلامي اؤلکه لرين ايقتيصادي تيجاري ايشبيرليگي اگر ظاهيرده خريستيان (مسیحی – بای بک) اؤلکه لرينه اوخشاييرسادا، تاسوفلر اولسون کي، سياسي-ايقتيصادي بؤهران ايسلامي اؤلکه لرده غئيرسابيتليک حاکيمدير و گوندن-گونه گرگينلشير.
قربي اؤلکه لرده دئموکراتيک سياسي سيستئمين اولماسي ايقتيصادي-سياسي سابيتلييه ايمکان ياراديب و قربي خريستيان اؤلکه لرينده ايقتيصادي-تيجاري امکداشکيقا اوزون وعدهلي شرايت ياراتميشدير!
يالينز دئموکراتيياني گوجلنديرمک و ايجتيماي-سياسي رئفورملاردان سونرا ايسلامي اؤلکه لر آراسيندا اوزون وعدهلي ايقتيصادي-تيجاري امکدشليق مومکوندور!
البتته اوزولمه ليگيک کي، ايسلام اؤلکه لري ايجتيماي-سياسي بؤهران درياسيندا بوغولورلار و بو بؤهراندان خيلاص ائتمک يالنيز ايمام زامانين زوهورونا قاليبدير!!!بوتون بو ديني مانعلري نظره آليرساق،ينه ده تورک و گونئي آذربايجان ميلتي عرب ايلکه لريندن کولتورئل و ايجتيماي باخيمدان چوخ فرقله نير و اونوتموياق کي،پارچاميزدان اولان قوزئي آذربايجان دئموکراتيک باخيمدان بلکه ده بوتون موسلمان اؤلکه لريندن ان اينکيشاف ائتميش اؤلکه دير و يالنيز قربي اؤلکه لر ايله موقاييسه اولونا بيلر.
ايستيثنا اولاراق ايسلام اؤلکه لرينده ايجتيماي-سياسي رئفورملار هئچ ساهه ده باش توتموياجاق و اگر اولورسا چوخ زيف اولاجاق، چونکي ايسلام ديني رئفورمي ردد ائدير و فردي آزادليقا قارشيدير و دين عرب و اکثر موسلمان اؤلکه لرينده کولتور و سيياست ايله قاريشميشدير و بوتون ايجتيماي پروسئسلئرئ تاثيرين گؤسترير!
موسلمان اؤلکه لرينده حاکيميت اؤز باشينا چتين ايجتيماي آزادليق و قادين-کيشي برابرليگين جمعيتده تمين ائدير، حتّی اگه قادين حاقلاري و فردي آزادليق قانون مادده لرينده يازيليرسادا!!
ايسلامي اؤلکه لرده ايجتيماي و فردي آزادليق دينيه معروض قالير و بو غئيري برابرليگي بوتون موسلمان اؤلکه لرينده گؤرونور!دي نين سيياستدن کنار اولماسي و ايقتيصادي-سياسي رئفورملار و ايجتيماي برابرليک ايسلام اؤلکه لرينده داخيلي سابيتليکي گوجلنديرير، آما هاني بو آزادليق؟
ايسلام اؤلکه لري نين عوموم خالقلاري ايقتيصادي-تيجاري امکداشليقا گووه نيب سئوينيرسه، بيزده ايسلام دونياسي نين ايقتيصادي دوزگون علاقه لريني آلقيشلاماقينا مجبوريک،کس حالدا اؤکونوميک پولتيتيک شرايتدان خبرسيزيک و بوردا دؤولتدرين قارشيليقي ماراقلارينا يوخ، اؤلکه لرده ياشايان کاپيتاليستلره و بازار سينيفينا قارشي دوروروق و منفي بو تفسير يالنيز بيزي ايقتيصاد پوتانسييئلينه ماليک اولان خالقيميزين سينيفيندان آيريدير، و بونون ضياني داها چوخ تورکيه و گونئي آذربايجانا ديير تا اردوغانا و يا ايران ايسلام حاکيميتينه!!
بولوت
۱۰/۱۱/۲۰۰۹
, بیر میللتین سسی
پایلاش | پرینت
بورا باغلي يازيلار:
- موللا نصرالدين-ين عباسي ميللي-حرکتين گئييمينده! - بولوت
- ايستيقلال و فئدراليزم فرقلي تاکتيک و ايستيراتئژيک يوللاردير ! - بولوت
- پلوراليزم پوليتيکادا - بولوت
- تورکيه ده گئدن سياسي-ايجتيماي رئفورملار و آذربايجان! - بولوت
- صولح، ساواش و ميليتاريزم قرب اؤلکه لري و کئچميش ساوئت ايتتيفاقيندا (يئني روس فئدراسيونو)! - بولوت
- ميللي بيرليگيميز اوچون صميمي تنقيد! - بولوت
- ايران ايسلام رئژيمي نين آذربايجان ميلتينه قارشي ايکي باشلي سيياستي محکومدور! - بولوت
- “ايران گلوبال”-دا آذربايجان تورک ميلتينه آيد درج اولونان مقاله و گونئي آذربايجان ميللي هرکاتي! - بولوت
- ياشيللاري دستکله ين و دستکله مه يه چاغيران تريبون سيته سينده سبزلره يالوار-ياخار مئکتوبونا بير باخيش! - بولوت
http://www.baybak.com
بای بک سایتیندان پرینت اولوب
http://baybak.com/say_1331.azr
یازینین اینترنت آدرسی
گوروش کاپانیبدی