ياشاسين آذربايجان - Long live Azerbaijan

.

بير نئچه آيدي ، سايين منتظری نین تورکلويه دسدک فتواسي اوزره دانيشقلار گئدير . اؤنجه دن سايين منتظری نين بو فيتواسينا ساغ اول دئييريک . آنجاق سيياسي آلاندا هر بير فيکيرين اورتايا قويولماسي نين بير ندني وار . سيياست ايله اوغراشان بير آدام ندنلري بيلمه دن ، سونوجلار اوزرينده فيکير

بير نئچه آيدي ، سايين منتظری نین تورکلويه دسدک فتواسي اوزره دانيشقلار گئدير .
اؤنجه دن سايين منتظری نين بو فيتواسينا ساغ اول دئييريک . آنجاق سيياسي آلاندا هر بير فيکيرين اورتايا قويولماسي نين بير ندني وار . سيياست ايله اوغراشان بير آدام ندنلري بيلمه دن ، سونوجلار اوزرينده فيکير سويله مه سي قولاي بير کونودو دئيه دوشونورم .

منده بير ژورناليست کيمي سونوجلار اوزرينده دئييل ، ندنلر اوزرينده فيکيريمي آچيقلاييرام .
اؤنجه بير سورغو !
آيتوللاه منتظری و باشقالاري بو گونه کيمي تورکلويه دستک فيتواسي اوزره ندن دوشونمه ييرديلر ؟؟؟
بو سورغويا يانيت ، هر کس بيرئي گؤروشونو دئميش . بو آچيقلاما هم ندن و همده سونوجلار اوزرينده دي .
نه اوچون ؟
چونکي اروپا و آمئريکا سيياستينده تورکيه و ايران بير بيريندن آيريلماميش .
ياني بير صيغه نين ايکي اوزو دئيه اؤلچولموش . اونلار ايرانين بير تورک اؤلکه سي اولدوغونو ياخشي بيليرلر و بيليرلر کي ، ايران آدلانان اؤلکه اوسيانلار يوردودي . اونا گؤره ده تورکييه ده هر هانسي بير اولاي باش وئره جگيني دوشودوکده ، اونون آلتيوناتيويني ايران بوتؤولوگو اوغروندا اورتايا آتيرلار .
آچيق بيلمه ليگيک کي ، تورک سيياستينده تورکويه چيليک پوليتيکاسي سونا وارماقدادي .
دوغال اولاراق تورک دونياسينا يئني بير چالخالانما باش وئره جگي گؤز قاباغيندادي .
تورکيه ده کي ائرمني و کورد آچيليمي تورکيه چيليک باخيميندان ايتيرمک دئدمکدي .
آنجاق تورک بيرليگي باخيميندان ، تورکلرين ايتيرديگي دئييل ، گئرچک تورک دونياسي نين
يئني دوغوشودو .
سوئتلر بيرليگي نين (شوروی) داغيلماسي تورک دونياسيندا نه قدر اؤنملي رول اويناديسا ، اوندان
داها ائتگيلي تورکيه نين ائرمني-کورد آچيليميدا تورکلر اوچون ، اولوملو و اؤنملي رول اويناياجاق .
يئنه بير سورغو .
تورکيه ده کي يئني دورمون آلتيوناتيوي ايراندا نه اولا بيلير ؟؟؟
يانيت ايراندا ياشيللار هرکاتي يولا سالماق و آردينجا تورکلرين حاقلاري اوغوروندا فيتوالار سؤيله مک منجه . بوردا بير آتا سؤزونو آنيلاييرام< مئيوه اولمايان يئرده ، اييده يه قاقا دئيرلر >فسفي گؤزلريمده جانلانير و گونتاي آبنين بير نالا ، بير ميخا ويرماسي ماراق دوغورمايير . يئل قووان فولوسوفيميز دئيير // ويجدان اويانديقدا عدالتلي داورانماق زوروندا قالار اينسان دئميش //
عجب سيياستده ده ويجدان اولارميش دئمک !!!
بؤيله چيخير کي ، منتظری نين و فارس فاشيستي نين موللالاري ويجدان دونياسينا قاييتميش .
تورکلر دئميش کن هايير .
هرکاتچيلار !
اولوسچولار !
بوزقوردچولار !
چوخ ياخشي بيلير کي ، تورکييه نين يئني دورومو روسييه ده ، چينده ، سورييه ده ،
بولغاريستاندا ، افغانيستاندا ، کرکوکدا ، ايراندا و ساييره يئرلرده ياشايان تورکلر سوسقون قالماياجاقلار . اروپاليلار و آمئريکاليلار تورک اولوسونو سوسدورامازلار و تورک دونياسيندا بئنلادئنلر آز دئييل . تورک بئنلادئنلري پوليس ، جوجوق ، قادين اؤلدورميه جک .
اروپا و آمئريکا ائکونومي مرکزلرينه سالديراجاقلار يوزده يوز .
آرتيق تورکلر باشا دوشور کي ، تئروريست دونيا سيياستينين بير
بؤلومودي . تورکيه ده تورکيه چيليک پوليتيکاسي قيريلديقجا ، تورک دونياسيندا تورکلرين حاقلي اوسيانلاري اؤزونو گؤستره جک دئيه ايران تهلوکه آغزيندادي . تورکلر سؤمورگه چيليک آلتيندا بيله دانيشما حاقلاريدا يوخدي . سيين منتظری کيمي ويجداني اويانميشلارين سايي چوخالاجاق .
بونا گؤره کي پان ايرانچيليغين عؤمرو تورکييه دن ، پيس دورومدادي دئيه اورتا اوخول سيياستي حاللانير .
// ايسلامي ، فارس ايرقيچيليغي نين آلتيندا گؤرمه ميشدي // دئيير گونتاي مازالاق .
قايديرام دئوريم چاغينا .
او ، زامان گونئي آذربايجان ايله ايران تورکلري و باشقا خالقيلار ايسلامين حاکيمييته گلمه سيني ايستمه ييرديلر و اولوسال حاقلاري اوچون قان باغيشلاييرديلار . اوندا منتزيري ويجدانسيزييدي مي ؟
او ، زامان آيتوللاه شريتمداري دئدي< پوخو قورتالاديقجا قوسو دونياني بوروير ، قاتمايين ايسلامي سييسته قاتمايين .
بوتون ساغ ، سول هاميسي بيرلشدي . کوتلوي اوسيانلاري قيندا بوغدولار . شريتمداري سيياستچي دئييلدي ،
آما ياخشي بيليردي تؤرنه جک جينايتلر ايسلام عادينا وورغولاناجاق . آنا ياسادا يازيلان ۱۵ و ۱۹ اونجي
ماده لر قولايجا يازيلمادي . تورکلرين ديره نيشين سونوجوييدي . گونتاي آبي دئيير <بيردن اويانيب ، من
هر شئيي بير يئرده بيردن چؤزمک ايسته ييرم دئييل آشيريجيلار چونکي اونلار کاراکتئري ايله دوشونجه آدامي
دئييللر >
اوچ سورغو !
بو آشيريجيلار کيملر اولور سيجه ؟؟؟
اويانيش هرکاتيندا آشيريجيليق وارمي ؟؟؟
اونلار کاراکتئر ايله دوشونجه آدامي دئييللر بونلار کيملرديرله عجبا ؟؟؟
گونتاي آبي سنميسن مي دوشونجه آدامي !؟؟؟
اير اؤزونو دوشونجه آدامي بيليرسنسه ، چوخ يالنيش . سن سو اوزرينده فيرلانان بير چوپ کيميسن .
هر گون هر بير نالا ، بير ميخا ويرانين بيري دئييلميسن ؟
هئچ اؤزونده بيلمه ييرسن فلسفه و دوشونجه ندير . هله باشا دوشمه ييرسن کي ،
او زاماندان کي ، قادين ارکگين قابيرقاسيندان چيخدي !
او زاماندانکي ، گئرچک دونياني اونودوب ، جنتده آراديق !
او زاماندان کي ، شرف ، غئيرت ، ناموس باجاقلار آراسينا ساليندي !
او زامان دان کي ، ماتيرياليست فلسفه سي نين دار کوچه لرينده تورک آيدينلار اسير قالدي !
وطن اوغروندا !
هرکاتچيليق !
اولسچولوق !
بوزقوردچولوق !
داردان آسيليدي و تورکلرين اسيرليگي باشلاندي . او زاماندان سنين کيمي اشيرت دوشونجه لي يئل قووانلار اؤزلريني فيلسوف بيلديلر .ينانيرام بير گون احمد کسروي کيمي تورک آديندا بير اولوس تانيماياجاقسان .
سنين کيمي اولايلاردان اوزاق بير آدام ، اونا-بونا اؤيود وئرمک ايله اورتاليقدا وئجه گلمز فيرلانير .
قورتولوش اوغوروندا جان باغيشلايانلارا آشيريجي دئير .سنه گئرچک بير خبر داليق وئريرم کي ، خبرين اولسون . آغير سونوجلار ايله اوزلشه جکسن .
بيز هرکاتچيلار !
بيز اولوسچولار !
بيز بوزقوردچولار !
اولوس اؤنونده کيمسه ني تانيماييريق . سن شاققيلداق کولتورون بير شاققيلداق ائولاديسان .
باشا دوشمه ييرسن کي ، کي ، کي اود ايله اويناييرسان . هليک بو قدر .

م. ارغوان
۱۰/۱۱/۲۰۰۹

[1] آیت الله مونتظيري نين تورکلويه دستک فتواسي اوزرينه - گونتاي گنجالپ

• سئچکي چاشقينليغي - م. ارغوان
• سئچگيلرده تبريز بازاري - م. ارغوان
• سئچگي ايله اعلمي - م. ارغوان
• پئيقمبرلرين سئکس حياتي اوزره - م. ارغوان
• و اوچ نؤکته - م. ارغوان
• بير اووئرتورا سونو - م. ارغوان
• سئرچه - م. ارغوان
• دانيشير باکي - م. ارغوان
• کؤرپو آلتي جوجوقلار - م. ارغوان
• تولستوي بابا - م. ارغوان

http://www.baybak.com بای بک سایتیندان پرینت اولوب
http://baybak.com/say_1322.azr یازینین اینترنت آدرسی

یازیده ایشه آلینان اینترنت آدرسلری
[1] آیت الله مونتظيري نين تورکلويه دستک فتواسي اوزرينه - گونتاي گنجالپ: http://baybak.com/say_1315.azr